جاعدايدى قالىپقا كەلتىرۋ جۇمىستارى اتقارىلۋدا
بۇل ىندەت ەلىمىزگە دە وڭايعا سوعىپ جاتقان جوق. اسىرەسە حالىق ءجيى شوعىرلانعان رەسپۋبليكالىق ورتالىقتاردا. جۋىردا ءۇشىنشى قالادا كوروناۆيرۋس ىندەتىمەن قاتار جۇقپالى تۇماۋدا اسقىنىپ كەتتى. ءاپ-ساتتە دەنە قىزۋى كوتەرىلىپ, تىنىس الۋى قيىنداي تۇسكەن قانشاما تۇرعىن شاھارداعى اۋرۋحانالارعا قاراي اعىلدى. الايدا دەنساۋلىق ساقتاۋ مەكەمەلەرىنىڭ ناۋقاس قابىلداۋ سىيىمدىلىعى كورسەتىلگەن شەكتەن اسىپ كەتتى. ءاۋ باستا ءدارىحانالاردا ءدارى-دارمەك تاپشىلىعى بايقالدى. تۇرعىندار نارازىلىعى كۇشەيە ءتۇستى.
وسى وزەكتى ماسەلە شىمكەنتتە عانا ەمەس, ەلىمىزدىڭ بىرنەشە وبلىس, قالالارىندا دا ورىن الدى. مەملەكەت باسشىسى شۇعىل كەڭەس وتكىزىپ, ەپيدەميالىق جاعدايدى رەتتەۋدە سالعىرتتىق تانىتقان بىرقاتار لاۋازىمدى تۇلعالارعا, باسشىلارعا سوگىس, ەسكەرتۋ بەرىلدى. سولاردىڭ قاتارىندا دەرت ءورشىپ تۇرعان ءوڭىر – شىمكەنت قالاسىنىڭ اكىمى مۇرات ايتەنوۆكە دە سوگىس جاريالاندى.
پرەزيدەنت وتكىزگەن جيىنداعى تاپسىرمالاردان ناقتى ناتيجە شىعارۋ ءۇشىن قالا بيلىگى بارلىق رەسۋرستاردى ىسكە قوسىپ, الدىن الۋ شارالارىن باستاپ كەتتى.
پرەزيدەنت سىنىنان ناتيجە شىعارىلدى
شىمكەنت قالاسىندا ەلىمىزدەگى ەپيدەميالىق جاعدايدى قالىپقا كەلتىرۋ بارىسىنداعى مەملەكەت باسشىسى قاسىم-جومارت توقاەۆتىڭ تاپسىرمالارى دەر كەزىندە ورىندالۋدا. شىمكەنت قالاسىندا رەسپۋبليكا بويىنشا العاش رەت 51 كۇندىزگى ستاتسيونار اشىلدى. ناتيجەسىندە, قالادا ينفەكتسيالىق دەرتكە شالدىققان ناۋقاستارعا مەديتسينالىق كومەك كورسەتۋ ەكى ەسەگە كۇشەيدى. بۇل تۋرالى ەمدىك جۇمىستارىن ارتتىرۋ جونىندە شىمكەنت قالاسىنىڭ اكىمى مۇرات ايتەنوۆ اقپاراتتىق-كوممۋنيكاتسيالىق ورتالىقتا وتكەن بريفينگتە ايتقان بولاتىن. اتالعان تاپسىرما دەر كەزىندە ورىندالىپ, قالاداعى ەپيدەميالىق جاعداي رەتكە كەلدى.
ماۋسىم ايىنىڭ سوڭىندا قالادا جۇقپالى اۋرۋمەن اۋىرعان ناۋقاستار سانى كۇرت ءوستى. پنەۆمونيامەن اۋىرعاندار 5,8 ەسەگە, ال جرۆي-مەن اۋىرعان ناۋقاستار سانى 2 ەسەگە ارتتى. وسى جاعدايعا بايلانىستى جەدەل جاردەم قىزمەتىنە قوڭىراۋ شالاتىن تۇرعىندار سانى 5 ەسەگە كوبەيدى. ورتا ەسەپپەن ءبىر كۇندە 2100-دەن اسا شاقىرتۋ تۇسە باستادى. بۇل شاقىرتۋلارعا ءدال ۋاقىتىندا قىزمەت كورسەتۋ ءۇشىن شىمكەنت قالاسىنىڭ اكىمى مۇرات دۇيسەنبەك ۇلىنىڭ تاپسىرماسىمەن جەدەل تۇردە پروۆيزورلى ورىندار اشىلدى. بۇگىندە قالادا بارلىق مەديتسينالىق قۇرال-جابدىقتارمەن قامتىلعان 2870 توسەك-ورىن بار. ونىڭ 650-ءى جۇقپالى اۋرۋحانالارعا, 2220-سى پروۆيزورلى ورىنعا ارنالعان. ياعني, ينفەكتسيالىق اۋرۋعا شالدىققان ناۋقاستار ءۇشىن ورىن جەتكىلىكتى. دەگەنمەن جاعداي قالىپقا كەلسە دە, رەزەرۆتىك پروۆيزورلى ورىندار دايىندالۋدا. كەشە جەڭىل اتلەتيكالىق سپورت كەشەنىنەن 150 ورىن دايىندالدى. بۇل ورىندار 1 شىلدە كۇنى 450 ورىنعا جەتكىزىلدى.
ايتا كەتەيىك, شىمكەنت قالاسىندا حالىقتىڭ دەنساۋلىعىن نىعايتۋ ماقساتىندا كۇندىزگى ستاتسيونار قىزمەتكەرلەرى دەمالىسسىز قىزمەت كورسەتۋدە. ال بارلىق اۋرۋحانالار مەن ەمحانالارعا ءدارى-دارمەك ءۇزىلىسسىز جەتكىزىلۋدە.
قوسىمشا ماماندارمەن تولىقتىرىلۋدا
كۇن سايىن ناۋقاستار سانىنىڭ ارتۋىنا بايلانىستى شىمكەنت قالاسىنداعى مەديتسينا ۇي̆ىمدارىنا قوسىمشا مەديتسينا قىزمەتكەرلەرىن قابىلداۋ قاجەتتىلىگى تۋىندادى.
سەبەبى ىندەتكە شالدىققان ناۋقاستارعا قاجەتتى ەم-دوم جاسايتىن دارىگەرلەر سانى شەكتەۋلى ەدى. وسى وزەكتى ماسەلەنى دەر كەزىندە نازارعا العان جەرگىلىكتى بيلىك سالالىق ىرگەلى وقۋ ورىندارىنىڭ رەزيدەنتتەرىن جۇمىسقا الا باستادى.
«شىمكەنت قالاسى اكىمى م.اي̆تەنوۆتىڭ تاپسىرماسىنا ساي̆كەس, قالاداعى مەديتسينالىق ۇي̆ىمداردى قوسىمشا دارىگەرلەرمەن, مەدبيكەلەرمەن قامتاماسىز ەتۋ جونىندە جۇمىسشى توپ قۇرىلىپ, جۇمىس ىستەۋدە. بۇگىندە شىمكەنت قالاسىنداعى مەديتسينا اكادەمياسىنان 84 رەزيدەنت تارتىلۋدا», دەيدى قالا اكىمىنىڭ ءبىرىنشى ورىنباسارى ەربول سادىر.
قازىرگى تاڭدا, جۇمىسقا تارتىلعان رەزيدەنتتەردىڭ: جالپى تاجىربەلىك دارىگەرى – 31, ينفەكتسيونيست – 8, پەدياتر – 4, كارديولوگ – 3, حيرۋرگ – 9, نەۆروپاتولوگ – 7, تەراپەۆت مامان – 7.
سونىمەن قاتار, قالاداعى 4 مەديتسينالىق كوللەدجدەن 116 مەدبيكە جاڭادان اشىلىپ جاتقان پروۆيزورلىق جانە كۇندىزگى ستاتسيونارلارعا قابىلداندى.
فارمكومپانيالار تاپسىرىسى 5 ەسەگە ارتتى
وتكەن اپتادا ىندەتتىڭ اسقىنۋىنا وراي ءۇي جاعدايىندا ەم قابىلداۋشىلار ءۇشىن ءدارى-دارمەكتىڭ تاپشىلىعى قاتتى بايقالدى. ءدارىحانا كىرە بەرىسىندە تۇراتىن اسكوربينكا سەكىلدى ارزان ءۆيتاميننىڭ ءوزى تابىلماي قالدى. بارىنىڭ ءوزى قالتا قاعارلىق.
قالا اكىمى ورىن الىپ جاتقان جاعدايدى زەرتتەپ-زەردەلەي كەلە جەرگىلىكتى ءدارى-دارمەك وندىرەتىن كومپانيالاردىڭ قىزمەتىن جانداندىرۋدى قولعا الدى.
قالا اكىمى مۇرات ايتەنوۆ ءدارى-دارمەك شىعاراتىن ءوندىرىس ورنىندا بولىپ, قالانى دارىمەن قامتۋ مۇمكىندىگىن باعامداپ كوردى. ءبىرىنشى بولىپ «SANTO» ءدارى-دارمەك زاۋىتىنا بارعان اكىم ءوندىرىس تسەحتارىن ارالاپ كوردى. مۇندا ينەكتسيالىق ەرىتىندىلەر مەن ينفۋزيالار, قاتتى پەرورالدى دارىلىك زاتتار (تابلەتكالار, ساشە, تۇيىرشىكتەر), انتيبيوتيك ۇنتاقتارى, ستەريلدى ەمەس ەرىتىندىلەر شىعارىلادى.
«830 قىزمەتكەر تاۋلىك بويى ءتورت اۋىسىمدا جۇمىس ىستەۋدە. ءونىمنىڭ 70 پايىزى كوتەرمە, 30 پايىزى بولشەك باعادا ساتىلۋدا», دەدى كومپانيانىڭ ءوندىرىس جونىندەگى ديرەكتورى سۆەتلانا مايورسكايا.
شاھار باسشىسى ودان سوڭ ەكى ءىرى «اقنيەت», «زەردە» دارىلىك زاتتار قويماسىنا باردى. ولار قالاداعى ءجۇز شاقتى دارىحاناعا ەكى مەزگىل ءدارى جەتكىزىپ وتىرعانىن ايتتى. ديستريبيۋتەرلەر قويمالارعا كۇنىنە 2-3 كولىك ءدارى-دارمەك اكەلىنەتىنىن جەتكىزدى.
ء«تورتىنشى كاتەگورياداعى ۆيرۋسقا قارسى دارىلەرگە سۇرانىس جوعارىلادى. سوندىقتان كومپانيالاردىڭ تاپسىرىسىن 5 ەسەگە ارتتىردىق. قازىرگى تاڭدا 15 كولىك, 5 ۆاگون ءدارى-دارمەك جولدا كەلە جاتىر. پاراتسەتامولدىڭ 50-گە تارتا انالوگتىك ءتۇرى ءدارىحانالاردا بار. كورشى ايماقتاردان, ماسەلەن تاراز, قىزىلوردا, تۇركىستان وبلىستارىنان سۇرانىس كوپتەپ تۇسۋدە. ەڭ ءبىرىنشى شىمكەنت قالاسىن تولىعىمەن قامتىپ بولعان سوڭ عانا وزگە قالالارعا جىبەرىلەتىن بولادى», دەدى «زەردە-فيتو» نپو جشس-ءنىڭ ديرەكتورى.
مامانداردىڭ ايتۋىنشا, ءدارى تاۋسىلىپ قالادى دەگەن قورقىنىشپەن شامادان تىس كوپ ءدارى الىپ, ۇيدە ساقتاي بەرۋدىڭ قاجەتى جوق. ءدارى جەتكىلىكتى. ءاربىر ءدارىنىڭ ساقتاۋ مەرزىمى مەن شارتتارى بار. ونى قولدانباسا ادام ورگانيزمىنە كەرى اسەرىن بەرەدى.
بارلىق جاعدايمەن تانىس بولعان مۇرات دۇيسەنبەك ۇلى دارىلەردىڭ جەتكىزىلۋىندە ەشبىر كەدەرگىلەر ورىن الماۋىن تاپسىردى.
ء«ورتتىڭ» وشاعىندا ءجۇر
مۇرات دۇيسەنبەك ۇلى ينفەكتسيالىق گوسپيتالگە بارىپ, پروۆيزورلى, كۇندىزگى ستاتسيونارلاردى ارالادى. جۇقپالى اۋرۋلار ورتالىعىنىڭ جۇمىسىمەن تانىسۋ بارىسىندا شاھار باسشىسىنا قالالىق دەنساۋلىق ساقتاۋ باسقارماسى باسشىسىنىڭ مىندەتىن اتقارۋشى رۋستام الباەۆ گوسپيتالدەگى قازىرگى جاعدايدى باياندادى. ونىڭ ايتۋىنشا, بۇگىندە ينفەكتسيالىق گوسپيتالدە 77 پالاتا جانە 2 رەانيماتسيالىق زال بار. وتتەگى جەتكىلىكتى. مۇندا covid-19 جانە پنەۆمونياعا شالدىعىپ, دەنساۋلىعى اۋىر جاعدايعا دۋشار بولعان ناۋقاستار تۇسۋدە.
«گوسپيتالدىڭ جانساقتاۋ بولىمىنە ءتۇسىپ, كەيىن دەنساۋلىعى وڭالىپ تۇراقتالعان, الايدا بىرنەشە كۇن بويى دارىگەردىڭ باقىلاۋىندا بولۋى ءتيىس ناۋقاستاردى پروۆيزورلىق ورتالىقتارعا اۋىستىرىپ, اۋىر جاعدايداعى ناۋقاستارعا ورىن دايىنداۋ جاعىن قاراپ, شەشىڭىزدەر. جەدەل جاردەم قىزمەتكەرلەرى ارى-بەرى ساندالماۋى كەرەك», دەگەن تاپسىرما بەردى قالا اكىمى.
مۇنان كەيىن م.ايتەنوۆ قازىعۇرت شاعىن اۋدانىنداعى №86 مەكتەپتە دايىندالىپ جاتقان كۇندىزگى ستاتسيونارعا باردى. عيماراتتا جۇزدەن استام ناۋقاستى قابىلداۋعا مۇمكىندىك بار. تاعى ورىن قاجەتتىلىگى تۋىنداسا, نىساننىڭ ەكىنشى قاباتىن دا قولدانۋعا بولادى. بۇل كۇندىزگى ستاتسيونارعا ءدارى جەتكىزۋ ماسەلەسى دە شەشىلگەن. ءدال وسىنداي ستاتسيونارلار ساۋلە, اقجار شاعىن اۋداندارىندا دا دايىندالۋدا ەكەن.
سونىمەن قاتار اكىم پنەۆمونياعا شالدىققانداردى قابىلداپ جاتقان پروۆيزورلىق ورتالىققا باردى. 100 ورىندىق ارداگەرلەر ۇيىندە قازىر 25 ناۋقاس ەم قابىلداۋدا. بۇل جونىندە №2 ەمحاناسى باس دارىگەرىنىڭ ورىنباسارى ە.ەرمەكباەۆا ايتتى.
«جەدەل جاردەممەن جەتكىزىلگەن ناۋقاستارعا العاشقى مەديتسينالىق كومەك كورسەتىلۋدە. ەگەر دە اۋرۋحاناعا جاتقىزىلۋ كەرەك جاعداي بولسا, بوس ورىندار بار. ەكى اۋىسىمدا 20 دارىگەر جۇمىس ىستەۋدە. ناۋقاستاردىڭ جاعدايى تۇراقتى», دەيدى ول.
سونداي-اق جەڭىل اتلەتيكا مانەجىندە كۇندىزگى ستاتسيونار رەتىندە بەس جۇزگە جۋىق توسەك-ورىن دايىندالۋدا. قالا اكىمى سپورت كەشەنىندە بولىپ, ونداعى جۇمىستى ۇيلەستىرۋ جانە قاجەتتى جابدىقتارمەن قامتۋ ماسەلەسى بويىنشا ناقتى تاپسىرمالار بەردى.
«مۇندا كەلۋشى ناۋقاستار ەش قيىندىقسىز ەمدەلۋى كەرەك جانە حالىقتى كۇتتىرمەڭدەر. باستى ماقسات – ءاربىر ادامنىڭ ەم الۋى قولجەتىمدى بولۋى ءتيىس», دەدى مۇرات دۇيسەنبەك ۇلى.
مۇنان وزگە قالا باسشىسى اۋىر جاعدايداعى ناۋقاستار عانا ەمەس, جەڭىل فورماداعى اۋرۋلار ءۇشىن دە بارلىق جاعدايدىڭ دايىن بولۋىنا ناقتى تاپسىرمالار بەردى. سونىمەن قاتار كاسىپكەرلىك نىساندارداعى كارانتيندىك تالاپتاردىڭ ساقتالۋىمەن تانىستى.
قوسىمشا 3 پتر زەرتحاناسى اشىلدى
بۇگىندە تۇرعىنداردى ىندەتتىڭ بەلگىلەرىنەن بۇرىن ۇرەي قاتتى ساستىردى. باسى اۋىرىپ, دەنە قىزۋى كوتەرىلسە قايدا بارارىن بىلمەي الەك بولدى. ەندى وسى اۋرە-سارساڭدى بولدىرماس ءۇشىن قالادا قوسىمشا 3 پتر زەرتحاناسى اشىلدى. زەرتتەۋ سانى تاۋلىگىنە 800 تەستكە دەيىن جەتكىزىلدى. بۇگىندە «وليمپ» زەرتحاناسىنىڭ پتر ينستالياتسياسى جۇرگىزىلۋدە, بۇل تەستىلەۋ كولەمىن كۇنىنە 1 600-گە دەيىن ارتتىرۋعا مۇمكىندىك بەرىپ وتىر. ايتا كەتەرلىگى, ءساۋىر-ماۋسىم ايلارىندا بارلىعى 71 548 سىناما الىندى.
سوڭعى كەزدە ۆيرۋستىڭ بەلەڭ الۋىنا بايلانىستى قالالىق جۇقپالى اۋرۋلار اۋرۋحاناسىن قاجەتتى مەديتسينالىق جابدىقتارمەن قامتاماسىز ەتۋ ءۇشىن جەرگىلىكتى بيۋدجەتتەن 502 ملن تەڭگە ءبولىندى. ينفەكتسيالىق جانە پروۆيزورلىق ستاتسيونارلار ءۇشىن 21 وكپەنى جاساندى جەلدەتۋ ء(وجج) اپپاراتتارى قوسىمشا ساتىپ الىندى. سونداي-اق 10 كۇننىڭ ىشىندە 40 ءوجج اپپارات جەتكىزىلىلەدى دەپ كۇتىلۋدە.
دەمەۋشىلەر تاراپىنان 200 بوبروۆ اپپاراتى ساتىپ الىندى, قوسىمشا كومپيۋتەرلىك توموگرافتاردىڭ جەتكىزىلۋى كۇتىلۋدە. كوروناۆيرۋستىڭ جەڭىل فورماسىمەن اۋىرىپ جاتقان ناۋقاستاردى باقىلاۋ ءۇشىن موبيلدىك توپتار قۇرىلدى. بارلىق ءموبيلدى توپتار كولىكتەرمەن قامتاماسىز ەتىلىپ, مەديتسينالىق پەرسونال باسقا فۋنكتسيونالدىق مىندەتتەردەن بوساتىلعان.
ءدارى پروۆيزورلىق جانە كۇندىزگى ستاتسيونارعا جەتكىزىلدى
ينفەكتسيالىق دەرتكە شالدىققان ناۋقاستارعا دەر كەزىندە كومەك كورسەتۋ ءۇشىن مەديتسينالىق ۇيىمدارعا قوسىمشا ءدارى-دارمەك جەتكىزىلدى. ءبىرىنشى كەزەكتە دارىلىك زاتتار ناۋقاستار ەمدەلىپ جاتقان پروۆيزورلىق جانە كارانتيندىك ستاتسيونارعا جەتكىزىلىپ, اق حالاتتىلار ناۋقاستارعا مەديتسينالىق كومەك كورسەتۋدە.
مەديتسينالىق پرەپاراتتارمەن قامتاماسىز ەتۋ ءۇشىن بىرىڭعاي ديستريبيۋتورمەن 852 دارىلىك زات پەن مەديتسينالىق بۇيىمدار پوزيتسياسى بويىنشا 1,8 ملرد تەڭگە سوماسىنا كەلىسىمشارتتار جاسالدى. بۇعان قوسا ەپيدەميالىق جاعدايدىڭ شيەلەنىسۋىنە جانە جرۆي مەن پنەۆمونيا كورسەتكىشىنىڭ كۇرت وسۋىنە بايلانىستى مەديتسينالىق ۇيىمدار كومەك كورسەتۋ ءۇشىن 207,1 ملن تەڭگە سوماعا بىرىڭعاي ديستريبيۋتور ارقىلى دارىلىك زاتتار مەن مەديتسينالىق بۇيىمدارعا قوسىمشا وتىنىمدەر راسىمدەلدى.
بۇگىنگى تاڭدا بىرىڭعاي ديستريبيۋتور قوسىمشا وتىنىمدەر بويىنشا 76,8 ملن تەڭگە سوماعا دارىلىك زاتتار مەن مەديتسينالىق بۇيىمداردى تيەپ-جونەلتۋدە. شىمكەنتتەگى اۋرۋحانالار مەن ءدارىحانالار دەمالىسقا قاراماستان ءدارى-دارمەكپەن قامتىلۋدا.
كۇندىزگى ستاتسيوناردا مەديتسينا ماماندارى دەمالىس كۇندەرىنە قاراماستان, اپتاسىنا جەتى كۇن, تاڭعى ساعات 08:00-دەن باستاپ 20:00-گە دەيىن جۇمىس ىستەۋدە. ال ولارعا قاجەتتى دارىلەر ءوز ۋاقىتىندا جەتكىزىلىپ وتىر.
پنەۆمونيا جانە جرۆي دەرتىنە شالدىققان ناۋقاستار ەمحانالاردا ەم قابىلداپ جاتقاندىقتان, قالاداعى ءدارىحانالار مەن اۋرۋحانالار دا ءدارى-دارمەكپەن قامتىلۋدا.
ايتا كەتەيىك, حالىق دەنساۋلىعىن نىعايتۋ ماقساتىندا پنەۆمونيا جرۆي دەرتىنە شالدىققان ناۋقاستاردى ەمدەۋ ءۇشىن مەملەكەتتىك 26 ەمحانادا 314 توسەك ورىندىق كۇندىزگى ستاتسيونار اشىلدى. ءبىر توسەك-ورىن كۇنىنە كەمىندە 5 ادامعا قىزمەت كورسەتۋگە مۇمكىندىگى بار. ياعني 1570 تۇرعىندى ەم-دوم شارالارىمەن قامتيدى. ول ءۇشىن 39 دارىگەر, 57 مەدبيكە قىزمەت كورسەتۋدە.
350 ورىندىق پروۆيزورلىق ستاتسيونار اشىلدى
شىمكەنتتە پروۆيزورلىق ستاتسيونارلاردىڭ سانى تاعى ءبىر نىسانمەن تولىقتى. بۇل تۋرالى قالا اكىمىنىڭ ءبىرىنشى ورىنباسارى ەربول سادىر الەۋمەتتىك جەلىدەگى پاراقشاسىندا حابارلادى.
«بۇرىنعى ستۋدەنتتەرگە ارنالعان ءنۇرسات جانە گيپەرحاۋس ساۋدا ورتالىعىنىڭ جانىنداعى جاتاقحانادا 350 توسەك-ورىن پروۆيزورلىق ستاتسيونار اشىلدى.
ءبىر تاۋلىكتىڭ ىشىندە قاجەتتى كيسلورودتىق جاستىقتار, ءوجج اپپاراتى, رەنتگەن اپپاراتپەن جانە وزگە دە قاجەتتى مەديتسينالىق قۇرالدارمەن جابدىقتالدى. جانە مەديتسينا ماماندارى تارتىلدى», دەدى ە.سادىر.
قازىر پروۆيزورلىق ستاتسيوناردا حالىققا جەدەل جاردەم كورسەتىلۋدە. مەديتسينالىق ۇيىمداردا كۇندىزگى ستاتسيوناردىڭ جۇمىسى كۇشەيتىلدى. پنەۆمونيا جانە جرۆي دەرتىنە شالدىققان ناۋقاستار ەندى ەمحانادا ەم قابىلداي الادى. بۇل ءۇشىن مەديتسينالىق ۇيىمداردا كۇندىزگى ستاتسيوناردىڭ توسەك قورى كەڭەيتىلدى. پنەۆمونيا جانە جرۆي دەرتىنە شالدىققان ناۋقاستاردى ەمدەۋ ءۇشىن 14 مەملەكەتتىك ەمحانادا جانە 26 جەكەمەنشىك مەديتسينا ورتالىعىندا 623 توسەك-ورىن دايىندالدى. مۇنداعى ماماندار دارىگەردىڭ تاعايىنداۋى بويىنشا ناۋقاستارعا تامىردان جانە جامباستان ەكپە سالۋ سىندى ەمدەۋ شارالارىن جۇرگىزەدى. كۇندىزگى ستانتسيوناردا توسەك-ورىن مەن دارىلىك زاتتار جەتكىلىكتى.
ايتا كەتەرلىگى, ناۋقاستار تىركەلگەن ەمحاناسى بويىنشا ستانتسيوناردا تەگىن مەديتسينالىق كومەكتىڭ كەپىلدىك بەرىلگەن كولەمى شەڭبەرىندە ەمدەلە الادى.
شىمكەنت
