ۆيتسە-مينيستر 2019 جىلى تامىز ايىندا دەنساۋلىق ساقتاۋ مينيسترلىگى ەلىمىزدەگى بارلىق ءدارىحانالاردا كوتەرمە جانە بولشەك ساۋدا ءۇشىن ءدارى-دارمەكتىڭ شەكتى باعاسىن بەلگىلەۋ تۋرالى بۇيرىققا قول قويعاندىعىن ەسكە سالىپ, بۇگىنگى تاڭدا بۇيرىقتىڭ اعىمداعى نۇسقاسىندا 6 مىڭنان استام ءدارىنىڭ كوتەرمە جانە بولشەك ساۋدا باعالارى بەلگىلەنگەنىن جەتكىزدى.
– بۇيرىقتىڭ تالاپتارىن ساقتاۋ ماقساتىندا حالىق قولدانىسى ءۇشىن بارلىق سمارتفوندا جۇمىس ىستەيتىن 3 ءتىلدى «DARIKZ» ءموبيلدى قوسىمشاسى دايىندالدى. قوسىمشا تەگىن قىزمەت كورسەتەدى. ءموبيلدى قوسىمشادا ەلىمىزدىڭ ءدارىحانالارىندا شەكتى باعاعا قاتىستى شاعىم بەرۋ بويىنشا فۋنكتسيونال بار. وسى فۋنكتسيونالدىڭ كومەگىمەن ەلىمىزدىڭ كەز كەلگەن ازاماتى ءدارىحانالاردا شەكتى باعا بويىنشا بۇيرىقتىڭ ساقتالۋىن تەكسەرىپ, ءدارى-دارمەكتىڭ باعاسى شەكتى كورسەتكىشتەن جوعارى بولعان جاعدايدا شاعىم بەرە الادى. موبيلدىك قوسىمشا ارقىلى بەرىلگەن بارلىق شاعىمدى دەنساۋلىق ساقتاۋ مينيسترلىگىنىڭ تاۋارلار مەن قىزمەتتەردىڭ ساپاسى مەن قاۋىپسىزدىگىن باقىلاۋ كوميتەتى قارايدى جانە بۇزۋ فاكتىسى راستالعان جاعدايدا دەنساۋلىق ساقتاۋ مينيسترلىگى ونى رەتتەۋ ءۇشىن بارلىق قاجەتتى شارالاردى قولدانادى, – دەيدى و.ابىشەۆ.
ايتا كەتەلىك, ۇيالى قوسىمشا ارقىلى شاعىم بەرۋ ءۇشىن 3 قاراپايىم قادام جاساۋ جەتكىلىكتى. ياعني ءدارى-دارمەكتى شەكتى باعامەن تابۋ; شاعىم بەرۋ باستىرماسىنا باسۋ جانە قاجەتتى اقپاراتتى ەنگىزۋ; «جىبەرۋ» باتىرماسىن باسۋ قاجەت.
