"حالىقارالىق قۇقىق قورعاۋ ۇيىمدارىنان گرانت الاتىن كەيبىر ازاماتتارىمىز قابىلدانعان زاڭدى نەگىزسىز سىنايدى. ولاردىڭ پىكىرىنشە, قازاقستاندا "ميتينگكە قاشان شىعامىن؟ كىممەن شىعامىن جانە قاي جەردە وتكىزەمىن؟ ياعني ءوزىم بىلەم" دەگەن جۇگەنسىزدىك قاعيداتى بولۋى كەرەك ەكەن. اسىرەسە سولاردىڭ ميتينگىگە شەتەل ازاماتتارى مەن كامەلەتكە تولماعان بالالاردىڭ قاتىسۋىن تالاپ ەتۋىن شەكتەن شىققاندىق دەپ سانايمىن. ولاردىڭ ويى بەلگىلى. ونداي ادامدارعا تىنىشتىق پەن تۇراقتىلىق قاجەت ەمەس. ال ءبىز قارقىندى دامىعان, تاتۋلىعى جاراسقان تاۋەلسىز قازاقستاندى ساقتاۋىمىز كەرەك. حالىق ەڭ الدىمەن ەل ىرگەسىنىڭ بەرىكتىگىن تەرەڭ جاۋاپكەرشىلىكپەن سەزىنۋى كەرەك. سونىمەن قاتار مەملەكەت ءوز ازاماتتارىنىڭ زاڭدى تالاپتارىنا قۇلاق اسۋعا, قارجىلىق جانە قۇقىقتىق مۇمكىندىكتەر اياسىندا ولارعا جاردەم بەرۋگە مىندەتتى", - دەدى مەملەكەت باسشىسى "انا ءتىلى" گازەتىنە بەرگەن سۇقباتىندا.
سونداي-اق ول جاستار ءۇشىن الەۋمەتتىك ليفت ورنىقتىرۋ كەرەك ەكەنىن ءسوز ەتتى.
"مەملەكەتتىك باسقارۋ ىسىندەگى جانە يدەولوگيا سالاسىنداعى قاتەلىكتەردى دەر كەزىندە تۇزەتكەن ءجون. ەگەر جۇمىس وسىلاي جۇرەتىن بولسا, ءسوزسىز ادىلدىك ورنايدى. مەن مۇنى سايلاۋ الدىنداعى باعدارلامامدا ايتقان بولاتىنمىن. سوندا ميتينگتىڭ دە قاجەتى بولماي قالادى. سوڭعى كەزدەرى ەلىمىزدە "ميتينگشىلدىك" بەلەڭ الۋدا. كوبىنەسە ازاماتتارىمىز سىرتتاعى بىرەۋلەردىڭ ارانداتۋشىلىق ۇراندارىنا ەرىپ ءجۇر. بۇل – ايماقتىق باسەكەلەستىك كۇشەيىپ كەلە جاتقان حالىقارالىق ارەنادا قازاقستاندى ىڭعايسىز جاعدايعا قالدىرىپ وتىر", - دەدى پرەزيدەنت.
