قازگيدرومەت مالىمەتىنشە, قازاقستاننىڭ باسىم بولىگىندە جاۋىن-شاشىن مولشەرى نورما شاماسىندا بولادى دەپ كۇتىلۋدە. ورتاشا كوپجىلدىق ماندەردەن از جاۋىن-شاشىن مولشەرى تەك وڭتۇستىك-باتىس بولىگىندە (ماڭعىستاۋ, قىزىلوردا, تۇركىستان وبلىسى, اقتوبە وبلىسىنىڭ وڭتۇستىگى), ورتالىقتا (قاراعاندى وبلىسى جانە بالقاش كولى) جانە الماتى جانە جامبىل وبلىستارىنىڭ سولتۇستىك جارتىسىندا عانا بولادى.
شىلدە ايىندا ءار ونكۇندىكتە اتلانت, سكانديناۆيا جانە كار تەڭىزى اۋداندارىنان سۋىق جانە ىلعالدى اۋا ماسساسىنىڭ باسىپ كىرۋىنىڭ ناتيجەسىندە سۋىقتىڭ قىسقا مەرزىمدى تولقىندارى كۇتىلۋدە.
ەلىمىز بويىنشا جاڭبىر, ەكپىندى جەل جانە اۋا تەمپەراتۋراسىنىڭ تومەندەۋى بولجانۋدا: سولتۇستىك جارتىسىندا تۇندە +7+12°س دەيىن, كۇندىز +17+23°س دەيىن; وڭتۇستىك جارتىسىندا تۇندە +13+18°س دەيىن, كۇندىز +25+30°س دەيىن.
شىلدە ايىندا قازاقستاننىڭ سولتۇستىك ايماقتارىندا اۋا تەمپەراتۋراسىنىڭ نەگىزگى اياسى +25+33°س, ال وڭتۇستىكتە +30+35°س بولادى.
بىراق جەكە كۇندەرى يران مەن ورتا ازيا اۋداندارىنان ىستىق تروپيكالىق اۋانىڭ ەسەبىنەن وڭتۇستىك جارتىسىندا اۋا تەمپەراتۋراسىنىڭ +35+45°س دەيىن ايتارلىقتاي كوتەرىلۋى, ال سولتۇستىك جارتىسىندا تەرمومەتر باعانى +30+38°س دەيىن كوتەرىلۋى كۇتىلۋدە.
سينوپتيكتەردىڭ بولجامى بويىنشا, شىلدە ەلىمىزدىڭ بارلىق ايماقتارىن ناعىز جازعى كۇن شۋاعىمەن جانە ىستىق كۇندەرمەن قۋانتادى.
