ايماقتار • 13 ماۋسىم، 2020

"راحات" كونديتەرلىك فابريكاسى كارانتينگە جابىلدى

56 رەت كورسەتىلدى

الماتىنىڭ باس سانيتارى ساقتىق شارالارىن ساقتاپ، كوپشىلىك ورىنداردان اۋلاق بولۋعا شاقىرادى، - دەپ حابارلايدى Egemen.kz.

الماتى قالاسىنىڭ تاۋارلار مەن قىزمەتتەردىڭ ساپاسى مەن قاۋىپسىزدىگىن باقىلاۋ دەپارتامەنتى كوك بازار اۋماعىنداعى "كومپانيا دوستار-كوممەرتس" بازارى قىزمەتكەرلەرىنىڭ اراسىندا كوروناۆيرۋس ينفەكتسياسىن جۇقتىرۋ وقيعالارىنىڭ تىركەلۋىنە بايلانىستى ءتيىستى شارالار مەن ەپيدەميولوگيالىق زەرتتەۋ جۇرگىزۋ ءۇشىن كوك بازاردىڭ قىزمەتى توقتاتىلعانى تۋرالى حابارلايدى.

الماتى قالاسىنىڭ باس مەملەكەتتىك سانيتار دارىگەرى جانداربەك بەكشين كاسىپكەرلىك سۋبەكتىلەرىنىڭ كارانتين رەجيمىن ساقتاۋىن باقىلاۋ ماقساتىندا قۇرامىندا پوليتسيا دەپارتامەنتىنىڭ، تقسقبد اۋداندىق باسقارمالارىنىڭ، "اتامەكەن" كاسىپكەرلەر پالاتاسىنىڭ وكىلدەرى بار اكىمدىكتىڭ مونيتورينگتىك توپتارى جۇمىس ىستەيتىنىن اتاپ ءوتتى.

وسىعان دەيىن مونيتورينگتىك توپتاردىڭ تەكسەرۋى بارىسىندا كوك بازار اۋماعىندا جۇمىسشىلار مەن ساتۋشىلار ءۇشىن بايلانىسسىز تەرمومەتريانىڭ ساقتالماۋى، الەۋمەتتىك قاشىقتىقتىڭ ساقتالماۋى جانە كەلۋشىلەر اراسىندا قاشىقتىق ساقتاۋ ءۇشىن ارنايى بەلگىلەردىڭ بەلگىلەنبەۋى، جەكە قورعانىس قۇرالدارىن ءتيىسسىز قولدانۋ جانە ۋتيليزاتسيالاۋ، ءتيىستى جۇمىس رەجيمىنىڭ ورىندالماۋى سىندى تارتىپبۇزۋشىلىقتار انىقتالدى.

انىقتالعان تارتىپبۇزۋشىلىقتارعا بايلانىستى قر اقتك 425-بابىنىڭ 2-تارماعىنا سايكەس اكىمشىلىك قۇقىقبۇزۋشىلىق تۋرالى حاتتاما تولتىرىلىپ، مەدەۋ اۋدانىنىڭ باس مەملەكەتتىك سانيتار دارىگەرىنىڭ 2020 جىلدىڭ 13 ماۋسىمىنان باستاپ "كومپانيا دوستار-كوممەرتس" قىزمەتىن سوت شەشىمى شىققانعا دەيىن توقتاتۋ تۋرالى قاۋلىسى شىقتى. قازىرگى ۋاقىتتا اكىمشىلىك ءىستىڭ ماتەريالدارى الماتى قالاسىنىڭ مامانداندىرىلعان اكىمشىلىك سوتىنا بەرۋگە ازىرلەنۋ ۇستىندە.

بازاردىڭ اكىمشىلىگىنەن كوروناۆيرۋس ينفەكتسياسىن جۇقتىرۋدىڭ ءبىرىنشى وقيعاسىن زەرتتەۋ بارىسىندا تاعى 19 جاعداي انىقتالدى، ول دا اكىمشىلىك قاتارىنان شىققان. وسىلايشا، كوك بازاردا ىندەتتى جۇقتىرعان قىزمەتكەرلەرى سانى 20-عا جەتكەن. ساتۋشىلار اراسىنان جۇقتىرۋ وقيعالارى انىقتالمادى. قايتىس بولعان ادامعا قاتىستى (بازار اكىمشىلىگىنىڭ ۇيىمداستىرۋ ءبولىمىنىڭ قىزمەتكەرى) ونىڭ ءولىمىنىڭ سەبەپتەرىن قالالىق قوعامدىق دەنساۋلىق ساقتاۋ باسقارماسىنىڭ جانىنداعى ءولىم سەبەپتەرىن زەرتتەيتىن كوميسسيا انىقتايتىن بولادى.

سونىمەن بىرگە، كوروناۆيرۋس ينفەكتسياسىن اۋرۋ بەلگىلەرىسىز تاراتۋشىلاردىڭ انىقتالۋىنا بايلانىستى "راحات" كونديتەرلىك فابريكاسىنىڭ دا جۇمىسى توقتاعانىن حابارلايمىز. العاشىندا 8 ادام انىقتالىپ، ولاردان تەپلوۆيزور ارقىلى جوعارى تەمپەراتۋرانىڭ انىقتالۋىنا بايلانىستى جۇمىسقا جىبەرىلمەدى. سونىمەن بىرگە 1450 قىزمەتكەرگە تەست جۇرگىزىلگەن. وسىعان بايلانىستى باس مەملەكەتتىك سانيتاپ دارىگەرىنىڭ قاۋلىسىنداعى تالاپتارعا سايكەس قىزمەتكەرلەر ءۇي كارانتينىنە بوساتىلدى. فابريكا اكىمشىلىگى وزدەرىنىڭ شەشىمىمەن جۇمىستى 15 ماۋسىمعا دەيىن توقتاتقان. تقسقبد اۋداندىق باسقارمالارىنا ەپيدەمياعا قارسى شارالار تولىعىمەن اياقتالعانشا فابريكا جۇمىسىن توقتاتۋ تۋرالى قاۋلى بەرىلدى.

"كورىپ وتىرعاندارىڭىزداي، سىزدەردىڭ تاراپتارىڭىزدان قاۋىپسىزدىك شارالارىنىڭ قامتاماسىەز ەتىلمەۋى – بۇل پەرسونال مەن كەلۋشىلەر تەرمومەترياسى، الەۋمەتتىك قاشىقتىقتىڭ ساقتالۋىن قامتاماسىز ەتۋ، سانيتايزەرلەر مەن دەزينفەكتسيالىق قۇرالدار قورىنىڭ بولۋى – سىزدەردىڭ ۇيىمدارىڭىزداعى قىزمەتكەرلەر اراسىندا اۋرۋدىڭ تاراۋىنا جانە نىساننىڭ جۇمىسىن توقتاتۋعا الىپ كەلدى. سانيتارلىق-ەپيدەميولوگيالىق قاۋىپسىزدىك رەجيم شارالارىن قاتاڭ تۇردە ساقتاۋلارىڭىزدى تالاپ ەتەمىن. ماسكا تاعۋ رەجيمىن ساقتاپ، جەكە قورعانىس قۇرالدارىن (ماسكالار، قولعاپتار) اۋىستىرىپ تۇرۋ وتە ماڭىزدى"، - دەدى كاسىپكەرلەرگە قاراتا ايتقان سوزىندە ج.بەكشين.

ءوز كەزەگىندە، ازاماتتارعا ءالى دە ادامدار كوپ جينالاتىن ورىندارعا باراتىن ورىنداردان اۋلاق بولۋ جانە ءۇي كارانتينىندە بولعان كەزدە جەكە وقشاۋلانۋ قاعيداسىن قاتاڭ ۇستانۋ كەڭەسى بەرىلدى.

"قاۋىپسىزدىك شارالارىن ساقتاۋ ارقىلى سىزدەر وزدەرىڭىزدىڭ جاقىندارىڭىزدىڭ دەنساۋلىعىن ساقتايسىزدار"، -دەپ اتاپ ءوتتى الماتى قالاسىنىڭ باس مەملەكەتتىك سانيتار دارىگەرى جانداربەك بەكشين.

مونيتورينگتىك توپتاردىڭ باقىلاۋ شارالارىنىڭ بارىسىندا ا.ج. 11-12 ماۋسىمىندا 120 كاسىپكەرلىك سۋبەكتىلەرى تەكسەرىلدى. ولاردىڭ ىشىندە 29-نان ءتارتىپ بۇزۋشىلىقتار انىقتالدى: "اينبۇلاق"، "قازىنا"، "ميزام"، "وجەت"، "اسەم"، نازار جك، "سوچي" بازارلارى، ء"ۇرىمشى"، "احاەۆا" جك اسحانالارى، "ستروي سيتي"، "الاتاۋ-2"، "جىبەك جولى" متتس، "جىبەك-جولى" ءسۇ ساۋدا ورتالىقتارى، "قوجاحمەت" جك كانتسەلياريالىق تاۋارلار دۇكەنى، "كابۋلدينوۆ" جك، "اسوەۆ م.ك." جك ازىق-ت ۇلىك دۇكەندەرى، "KOMPRESSOR" جشس، "M-Retail" جشس قوسالقى بولشەكتەر دۇكەنى، "ساپسان" جشس مەديتسينالىق كومپانياسى، ء"اليا"، "اسەل" سۇلۋلىق سالوندارى، "مەستو ۆسترەچي"، "پراجەچكا"، "لۋنا"، "Oscar cinema&karaoke"، "Degirmen"، "Istanbul"، "light bar"، "الماتى دونەر"، "تسەنتر شاشلىكا" ءدامحانالارى. ماسكا تاعۋ رەجيمىنىڭ ساقتالماۋى، تەرىگە ارنالعان انتيسەپتيكتەر مەن دەزينفەكتسيالىق قۇرالدار، سانيتايزەرلەر جوقتىعى، دەزينفەكتسيالىق تۋننەلدەردىڭ جارامسىزدىعى، تەمپەراتۋرا ولشەۋ ءتارتىبىنىڭ ساقتالماۋى، سونىمەن بىرگە كىرەبەرىستە اقپاراتتىق حابارلاندىرۋلاردىڭ جوقتىعى سىندى تارتىپبۇزۋشىلىقتار انىقتالعان.

مونيتورينگتىك توپتار جۇمىسىن باستاعالى بەرى قالا بويىنشا بارلىعى 2 606 نىسان تەكسەرىلىپ، ولاردىڭ ىشىندە 194-نەن الماتى قالاسى باس مەملەكەتتىك سانيتار دارىگەرىنىڭ قاۋلىسىنداعى تالاپتار بۇزىلعانى انىقتالدى. سوعان بايلانىستى 94 نىساننىڭ (ولاردىڭ ىشىندە 80-ءى نىسان باسشىلىعىنىڭ شەشىمىمەن) جۇمىسى توقتاتىلدى.

سوڭعى جاڭالىقتار

ورازانىڭ ءار ءساتى ساۋاپ

رۋحانيات • كەشە

ءسوزدىڭ جەتى بوياۋى

تانىم • كەشە

ۇقساس جاڭالىقتار