ونلاين-ۆيدەو فورماتىنداعى كونفەرەنتسياعا TWESCO پرەزيدەنتى دارحان قىدىرالى, تۇركى كەڭەسى باس حاتشىسىنىڭ ورىنباسارى سۇلتان راەۆ, تۇركىتىلدەس ەلدەر پارلامەنتتىك اسسامبلەيا كەڭەسىنىڭ (تيۋركپا) باس حاتشىسى التىنبەك مامايۋسۋپوۆ, تۇركى مادەنيەتى جانە ميراسى قورىنىڭ پرەزيدەنتى گۇناي ەفەنديەۆا, تۇركى مادەنيەتىنىڭ حالىقارالىق ۇيىمى (تيۋركسوي) باس حاتشىسىنىڭ ورىنباسارى ءبيلال چاقىجى, قازاقستان رەسپۋبليكاسىنىڭ مادەنيەت جانە سپورت ءمينيسترى اقتوتى رايىمقۇلوۆا, قازاقستان رەسپۋبليكاسىنىڭ ءبىلىم جانە عىلىم ءمينيسترى اسحات ايماعامبەتوۆ, قىرعىز رەسپۋبليكاسىنىڭ مادەنيەت, اقپارات جانە تۋريزم ءمينيسترى ازامات جامانكۋلوۆ, قازاقستان رەسپۋبليكاسىنىڭ سىرتقى ىستەر مينيسترلىگى, ەرەكشە تاپسىرمالار جونىندەگى ەلشىسى باتىرحان قۇرمانسەيىت جانە ازەربايجان, باشقۇرتستان (رف), قازاقستان, قىرعىزستان, ماجارستان, موڭعوليا, وزبەكستان جانە تۇركيا ەلدەرىنىڭ تانىمال تۇركولوگ عالىمدارى قاتىسادى دەپ جوسپارلانۋدا.
شارا بارىسىندا حالىقارالىق تۇركى اكادەمياسى باسىپ شىعارعان حاكىم ابايدىڭ تۇرىك, ازەربايجان, قىرعىز, وزبەك تىلدەرىنە اۋدارىلعان شىعارمالارىنىڭ تۇساۋى كەسىلەدى. اتاپ ايتقاندا, ازەربايجان جانە وزبەك تىلدەرىندە ابايدىڭ «قارا سوزدەرى», قىرعىز تىلىندە «اباي ولەڭدەرىنىڭ اكادەميالىق جيناعى», تۇرىك تىلىندە «اباي جولى» ەپوپەياسى (2 توم), اباي تۋرالى ماقالالار جانە اباي «قارا سوزدەرى» مەن ولەڭدەرىنىڭ (4 كىتاپ) تانىستىرىلىمى وتەدى.
