1929-1932 جج. قازاق شارۋالارىنىڭ كوتەرىلىستەرى بولدى. قازاقستاندا ۇجىمداستىرۋ قارساڭىندا 140 فاكتوريلەر قىزمەت ەتتى (كوشپەلىلەردىڭ كووپەراتيۆتىك بىرلەستىكتەرى). كوممۋنيستىك پارتيانىڭ حV سەزى ۇجىمداستىرۋ بارىسىندا «دامىعان كووپەراتيۆتىك باعىتتى» قۇرۋدى ۇسىندى. قازاقستانداعى ۇجىمداستىرۋدى «اۋىلدى كەڭەستەندىرۋ» ۇرانىن ۇستانىپ, تاپتىق كۇرەس باعىتىن شيەلەنىستىرگەن ف.ي. گولوششەكين باسقاردى.
1929-1932 جج. قازاق شارۋالارىنىڭ كوتەرىلىستەرى بولدى. قازاقستاندا ۇجىمداستىرۋ قارساڭىندا 140 فاكتوريلەر قىزمەت ەتتى (كوشپەلىلەردىڭ كووپەراتيۆتىك بىرلەستىكتەرى). كوممۋنيستىك پارتيانىڭ حV سەزى ۇجىمداستىرۋ بارىسىندا «دامىعان كووپەراتيۆتىك باعىتتى» قۇرۋدى ۇسىندى. قازاقستانداعى ۇجىمداستىرۋدى «اۋىلدى كەڭەستەندىرۋ» ۇرانىن ۇستانىپ, تاپتىق كۇرەس باعىتىن شيەلەنىستىرگەن ف.ي. گولوششەكين باسقاردى.
1929 ج. ەكىنشى جارتىسىندا رەسپۋبليكادا كولحوزدىق قوزعالىس جەدەلدەتە دامىدى, ۇجىمداستىرۋدى جۇرگىزۋگە پارتيا جۇمىسشىلاردى تارتا باستادى. ۇجىمداستىرۋعا تارتىلعان جۇمىسشىلار ۇجىمداستىرۋدىڭ ءمانىن جەتە ءتۇسىنبەدى. پارتيانىڭ شابارماندارى دالالىق جەرلەردە رەسەيلىك دەرەۆنيا جوباسىن ورناتپاقتى كوزدەدى. ۇجىمداستىرۋ بارىسىندا كوماندالىق-اكىمشىلىك ادىسپەن ارەكەت ەتەتىن بەلسەندىلەر قالىپتاستى. ۇجىمداستىرۋعا جالتاقپەن قاراعان جانە سەنىمسىزدىك تانىتقانداردىڭ بارلىعى كۋلاكتار قاتارىنا جاتقىزىلدى. قاتاڭ جاپپاي تەررور ۇجىمداستىرۋ يدەياسىنىڭ بەدەلىن ءتۇسىردى. ۇجىمداستىرۋ جەرگىلىكتى جاعدايلاردى ەسكە الماي جۇرگىزىلدى. ۇجىمداستىرۋ مەن وتىرىقشىلاندىرۋ قازاقتاردىڭ عاسىرلىق ءومىر ءسۇرۋ ءتارتىبىن بۇزدى. قاتتى اشتىق باستالدى. بىرقاتار وبلىس شارۋالارى يران مەن اۋعانستانعا ۇدەرە كوشىپ كەتتى.
1930-1932 جج. اشتىق تاريحقا قازاق حالقىنا ۇلكەن قايعى مەن قاسىرەت اكەلگەن « ۇلى جۇت» جىلدارى بولىپ ەندى.
1929-1931 جج. قازاقستاندا قارۋلى قوزعالىستار تولقىنى بولىپ ءوتتى. بارلىعى 372 كوتەرىلىس بولعان. ۇجىمداستىرۋعا قارسىلىق كورسەتكەن ءبۇلىكشىل اۋدان – قاراقۇم بولدى. سوزاق اۋدانىنداعى كۇشتەپ ۇجىمداستىرۋعا قارسى بولعان كوتەرىلىس تاباندىلىقپەن, شەبەر ۇيىمشىلدىقپەن ەرەكشەلەندى. باتپاققارا كوتەرىلىسى بانديتتىك-باسماشتىق قوزعالىس رەتىندە باعالاندى. 1931 ج. قارقارالى ۋەزىندە كۇشتەپ ۇجىمداستىرۋعا قارسى بولعان شارۋالار جاپپاي قۇرتىلدى. «كوتەرىلىس بانديتتەرى» قىلمىستىق ءىسىن سوتسىز ورگان «ۇشتىك» قاراستىردى. حالىققا جاسالعان گەنوتسيد ءۇشىن پارتيالىق-مەملەكەتتىك باسشىلاردىڭ ەشبىرى جاۋاپكەرشىلىككە تارتىلمادى.
