«تسيفرلاندىرۋ ماسەلەسى وتە وزەكتى بولىپ تۇر. ءبىز بيىل ءبىرىنشى رەت تسيفرلىق رەجيمدە ۇبت تاپسىرۋعا قۇجاتتاردى قابىلدادىق. الدىڭعى جىلمەن سالىستىرعاندا قۇجاتتاردىڭ سانى ءبىراز كوبەيدى. تسيفرلاندىرۋ ماسەلەسى ارى قاراي دا ءبىزدىڭ باستى نازارىمىزدا بولادى», - دەيدى قر ءبىلىم جانە عىلىم ءمينيسترى اسحات ايماعامبەتوۆ.
ونلاين كونفەرەنتسيادا جىل سايىن جوو-لارعا قۇجات تاپسىرۋ ماسەلەسى دە ايتىلدى. «جىل سايىن 300 مىڭنان استام تۇلەك قۇجات تاپسىرادى. قۇجاتتار پاكەتى فوتوسۋرەت, كوشىرمە, كۋالىكتەن جانە باسقا دا قۇجاتتاردان تۇرادى. جىل سايىن وسىنداي قۇجاتتاردى تاپسىرۋعا 1 مرلد تەڭگە جۇمسالادى. سونىمەن قاتار قۇجاتتاردى بارىپ تاپسىرۋ, كەزەككە تۇرۋ كەرەك. مۇنداي قاجەتسىز كەزەككە تۇرۋدى بولدىرماۋ ءۇشىن قۇجاتتاردى قابىلداۋدى اۆتوماتتاندىرۋ كەرەك. بيىل بارلىق ءبىلىم بەرۋ ۇيىمدارىنا قابىلداۋ ەلەكتروندىق ۇكىمەت پورتالى ارقىلى جۇزەگە اسىرىلادى. پورتالدا كىشكەنە اپاتتىق جاعداي ورىن العاندىقتان, ونىڭ قالاي جۇزەگە اسىرىلاتىنىن قازىر كورسەتە المايمىز. ماۋسىم ايىنان باستاپ بارلىق جوو-لار قۇجاتتاردى ەلەكتروندى تۇردە قابىلدايدى», - دەيدى ءبىلىم جانە عىلىم ۆيتسە-ءمينيسترى رۇستەم بيعارى.
