قازاقستان الەمدەگى باسەكەگە قابىلەتتى 50 ەلدىڭ قاتارىنا قوسىلعالى الەمدىك قوعامداستىقتىڭ وڭىرلەرمەن بايلانىسى دا نىعايا تۇسۋدە. ونى بۇرناعى كۇنى اقمولا وبلىسىنا نورۆەگيا مەن قىتاي دەلەگاتسيالارىنىڭ كەلۋىنەن كورۋگە بولادى.
قازاقستان الەمدەگى باسەكەگە قابىلەتتى 50 ەلدىڭ قاتارىنا قوسىلعالى الەمدىك قوعامداستىقتىڭ وڭىرلەرمەن بايلانىسى دا نىعايا تۇسۋدە. ونى بۇرناعى كۇنى اقمولا وبلىسىنا نورۆەگيا مەن قىتاي دەلەگاتسيالارىنىڭ كەلۋىنەن كورۋگە بولادى.
نورۆەگيانىڭ قازاقستانداعى ەلشىسى ولە يوحان بورنەي باستاعان دەلەگاتسيانى وبلىس اكىمى قوسمان ايتمۇحامەتوۆ قابىلداپ, بۇل كەزدەسۋ ناقتى جوبالاردى جۇزەگە اسىرۋعا ىقپال ەتەتىندىگىن اتاپ كورسەتتى.
– جالپى, ەل ەكونوميكاسىندا ءبىزدىڭ ءوڭىردىڭ ۇلەسى سالماقتى, – دەدى وبلىس اكىمى. – ايماق التىن, ۋران, دولوميت كەندەرىمەن قاتار, سيرەك كەزدەسەتىن مەتالداردى, سونداي-اق, استىقتىڭ تورتتەن ءبىر بولىگىن وندىرەدى. ءدال قازىرگى تاڭدا ەگىن وراعى قىزۋ ءجۇرىپ جاتىر. استىقتى ساقتاۋ ءۇشىن قويمالار مەن ەلەۆاتورلار جەتكىلىكتى. ال مال جانە ءسۇت شارۋاشىلىعى سالاسىندا دا ءبىراز جوبالار جۇزەگە اسسا, جىل اياعىنا دەيىن تاعى بىرقاتار مال بورداقىلاۋ مەن ءسۇت فەرمالارىن اشۋ كوزدەلىپ وتىر. اقمولا وبلىسى استانانىڭ ازىق-ت ۇلىك بەلدەۋىن قۇرۋ باعىتىن مىقتاپ ۇستانۋدا. وسى ماقساتتا 48 ميلليارد تەڭگەگە باعالانعان 75 جوبا ىسكە اسىرىلۋدا. سونىڭ ارقاسىندا جىل اياعىنا دەيىن استانالىقتار سۇرانىمىن ەتپەن 46 پايىزعا, سۇتپەن – 40, كارتوپپەن – 80, جۇمىرتقامەن 100 پايىزعا قامتاماسىز ەتۋگە قول جەتكىزىلمەكشى.
– قازاقستان مەن نورۆەگيا اراسىندا بىرقاتار سالالاردا ىنتىماقتاستىق قارىم-قاتىناس ورناپ, بەكي ءتۇستى, – دەدى ولە يوحان بورنەي. قازاقستان نورۆەگياعا استىق پەن ونەركاسىپتىك تاۋارلار شىعارسا, ول جاقتان قۇرال-جابدىق پەن تەحنولوگيا, حيميا ونەركاسىبىنىڭ ونىمدەرى يمپورتتالادى. وتكەن جىلعى قورىتىندىلار بويىنشا تاۋار اينالىمىنىڭ كولەمى 54 ميلليون اقش دوللارىن قۇرادى. ال قازاقستاندىق ەكسپورتتىڭ 98 پايىزى استىق ونىمدەرىنىڭ ۇلەسىندە.
كەزدەسۋدە نورۆەگيانىڭ قازاقستانداعى ساۋدا جانە جوبالار ءجونىندەگى حاتشىسى ەلميرا ءادىل ەلىمىزدىڭ گەندەرلىك ساياساتىنىڭ ۇلگىسى مەن ونىڭ ۇلتتىق زاڭ شەڭبەرىندە قولدانىلۋى, زورلىق-زومبىلىقتان زارداپ شەككەن ادامدارعا قولعابىس كورسەتەتىن داعدارىستىق ورتالىقتار تۋرالى ءاڭگىمەلەدى. «روگالاند كۋرستىق جانە كاسىپتىك دايىندىق ورتالىعىنىڭ» جوبالار مەنەدجەرى ولگا پونومارەۆا «تەحنيكالىق جانە كاسىپتىك ءبىلىم بەرۋدى دامىتۋ سالاسىنداعى قازاقستان-نورۆەگيا ىنتىماقتاستىعى» جوباسى جايلى تۇسىنىك بەردى.
وبلىستىق ءبىلىم باسقارماسىنىڭ باسشىسى بالىم ءىزباساروۆا ورتاق جوبالاردىڭ ناتيجەسىندە كوللەدجدەر جانىنان «قازاقستان-نورۆەگيا ورتالىعى» اشىلعانىن, كاسىبي جانە تەحنيكالىق كادرلار دايارلاۋ باعىتىنداعى كورپوراتيۆتىك قور قۇرىلعانىن حابارلادى. ال بۋراباي اۋدانىنداعى «ەسىل اگرو» جشس باس ديرەكتورى اسىلبەك ەسماعامبەتوۆ تاجىريبە الماسۋ ماقساتىندا نورۆەگيادا بولعاندىعىن, قازىر سەرىكتەستىك نورۆەگيالىق جوبامەن ءۇش جىل بويى جۇمىس ىستەپ كەلە جاتقاندىعىن ايتتى.
سولتۇستىك قىتاي ەنەرگەتيكالىق جوبالاۋ-ينجەنەرلىك كومپانياسىنىڭ وكىلدەرىمەن كەزدەسۋدە وبلىس ەكونوميكاسىنا ينۆەستيتسيا قۇيۋ ماسەلەلەرى تالقىلاندى. ءوڭىر باسشىسى ق.ايتمۇحامەتوۆ بۇل جونىندە كوكشەتاۋدا سالىناتىن جىلۋ ەلەكتر ورتالىعىنىڭ ماڭىزدىلىعىن العا تارتتى. جاڭا نىسان وزىق تەحنولوگيالارمەن جانە ەكولوگيالىق تازا قۇرىلىس ماتەريالدارىمەن قامتاماسىز ەتىلۋىنە مۇددەلىلىك ءبىلدىرىلدى.
قىتاي كومپانياسىنىڭ كوممەرتسيالىق ىستەر جونىندەگى ۆيتسە-پرەزيدەنتى ني حۋان كومپانيا الەمدەگى جوعارى تەحنولوگيالىق-ينجەنەرلىك قۇرىلىستاردى جوبالاۋمەن اينالىساتىن ەڭ ىرگەلى كومپانيالاردىڭ ءبىرى سانالاتىنىن تىلگە تيەك ەتتى. قازىردىڭ وزىندە الەمنىڭ ەلۋگە تارتا ەلىندە, سونىڭ ىشىندە بەلارۋستە ءارتۇرلى جوبالار جۇزەگە اسىرىلۋدا. اڭگىمە بارىسىندا كوكشەتاۋداعى ماڭىزدى نىسان باسىم جوبالار تىزىمىنە ەنگىزىلۋى مۇمكىندىگى اتاپ كورسەتىلدى.
باقبەرگەن امالبەك,
«ەگەمەن قازاقستان».
اقمولا وبلىسى.
