اقش-تىڭ 9 ميلليونعا جانە ۇلىبريتانيانىڭ 2 ميلليونعا جۋىق تۇرعىنى «facebook» الەۋمەتتىك جەلىسىن قولدانۋدان باس تارتتى. بۇل تۋرالى «ەكسپرەسس ك» گازەتى ماسەلە كوتەردى.
«ادامدار اقش ۇلتتىق قاۋىپسىزدىك اگەنتتىگىنىڭ جاسىرىن باقىلاۋى سىندى باق-تا كەڭىنەن كوتەرىلىپ وتىرعان كيبەركەڭىستىكتەگى جەكە ماعلۇماتتار قاۋىپسىزدىگىنىڭ قامتاماسىز ەتىلمەۋ ماسەلەسىنە كۇننەن كۇنگە الاڭداۋشىلىق بىلدىرۋدە», – دەدى «Cyberpsychology, Behaviour and Social Networking» جۋرنالىنىڭ رەداكتورى برەندا ۋيدەرحولد.
بۇل ماسەلەنىڭ نەلىكتەن تۋىنداعانىن انىقتاۋ ءۇشىن ۆەنا ۋنيۆەرسيتەتى ءبىراز زەرتتەۋ جاساپ, جەلىدەن باس تارتۋشىلار اراسىنان ساۋالناما جۇرگىزگەن ەدى. ساۋالناما ناتيجەسى بويىنشا, جەلى تۇتىنۋشىلارىنىڭ 48,3 پايىزى عالامتورداعى جەكە ماعلۇماتتارىنىڭ باقىلاۋعا ۇشىراۋىنان قاۋىپتەنگەن. ال 13,5 پايىزى جەلى قىزمەتىنە كوپشىلىكتىڭ كوڭىلى تولماۋىن نەگىزگە السا, قالعاندارى الەۋمەتتىك جەلىگە تاۋەلدى بولىپ قالۋدان قورقاتىن كورىنەدى.
ايدار ورىسباەۆ.
