ناۋرىز ايىندا ەلدەگى ىسكەرلىك بەلسەندىلىك كوپ جىلدان بەرى بولىپ كورمەگەن دەڭگەيگە قۇلدىرادى. كاسىپكەرلەر ەكونوميكانىڭ ەڭ ماڭىزدى سەكتورلارىنىڭ كوبىندە جاعداي كۇردەلى ەكەنىن ايتادى. ەلەكتروندى كوممەرتسيانىڭ ءوزى بيزنەسكە كارانتين شارالارىنىڭ تيگىزىپ جاتقان تەرىس اسەرىن تەجەي الماي, بۇرىنعى تابىس كوزدەن بۇلبۇل ۇشتى.
ەڭ قاتتى قۇلدىراعان سالا – قىزمەت كورسەتۋ سالاسى. مامىر ايىندا ونىڭ يندەكسى 38,7 تارماقتى قۇرادى. جاڭا تاپسىرىستاردىڭ ازدىعى, قۇرىلىس جۇمىستارىنىڭ تومەندەۋى مەن جۇمىس ورنىنىڭ ازايۋى قۇرىلىس سەكتورىنىڭ دا كورسەتكىشىن 43,5 تارماققا تومەندەتتى.
اقپان ايىنان بەرگى ارالىقتا كاسىپكەرلەردىڭ تابىسى ازايىپ, شىعىنى مەن بەرەشەگى كوبەيىپ بارادى. ءۇش اي ىشىندە وتاندىق كومپانيالار تابىسىنىڭ 72 پايىزىنان ايىرىلعانى وسىنى كورسەتەدى. ءوندىرۋشى سەكتورداعى كومپانيالاردىڭ تابىسى 6 ەسە تومەندەسە, قىزمەت كورسەتۋ سالاسىنداعى كاسىپورىنداردىڭ كىرىسى 3 ەسەدەن ارتىق قۇلدىرادى.
ىسكەرلىك بەلسەندىلىك يندەكسى – شەشۋشى ماكروەكونوميكالىق ولشەم سانالادى. ونى ەسەپتەۋ بارىسىندا ونەركاسىپ, قۇرىلىس جانە قىزمەت كورسەتۋ سالالارى نازارعا الىنادى. بيزنەس وكىلدەرىنىڭ اراسىندا ساۋالناما جۇرگىزۋ ارقىلى كاسىپكەرلىك سالاداعى احۋالعا كوز جەتكىزۋگە بولادى. ونىڭ دەڭگەيى 50 تارماقتان جوعارى بولسا, كورسەتكىشتىڭ وڭالعانىن بىلدىرەدى.
