ورالداعى اسكەري بولىمدە ىشكى ىستەر مينيسترلىگى ىشكى اسكەرلەرىنىڭ 5517 اسكەري بولىمشەسىنىڭ ءۇش جاۋىنگەرى گازعا ۋلانىپ قالدى. وسىنىڭ سالدارىنان ءبىر ادام قازا تاپتى. بۇل تۋرالى «ۋرالسكايا نەدەليا» اپتالىعى حابارلادى.
باسىلىم وسى ورايدا اسكەري ءبولىم كومانديرىنىڭ تاربيە جانە قۇقىقتىق جۇمىس جونىندەگى ورىنباسارى, پودپولكوۆنيك قانات ءبىلالوۆتىڭ سوزىنەن دايەك كەلتىرەدى. ال ماتەريالدىق-تەحنيكالىق قامتاماسىز ەتۋ روتاسىنىڭ قاتارداعى جاۋىنگەرلەرى نۇرسۇلتان ابدۋللا, تىلەن بەرين جانە كەلىسىمشارتپەن كەلگەن اعا سەرجانت زالمۇحانوۆ اسكەري بولىمدەگى كۇزگى كەزەڭگە دايىندىققا ساي كاناليزاتسيانى تازالاۋ جونىندە بۇيرىق الادى. ولار وزدەرىمەن بىرگە وندا پروتيۆوگاز الا بارعان.
سوڭىنان ولاردىڭ ءبارى تومەندەگى گازعا قاتتى ۋلانىپ قالعان. سونىڭ سالدارىنان قاتارداعى جاۋىنگەر ابدۋللا قازا تابادى. قالعان ەكەۋى جانساقتاۋ بولىمىنە جەتكىزىلەدى.قازا تاپقان ابدۋللا اسكەرگە 2012 جىلدىڭ جەلتوقسانىندا قىزىلوردا وبلىسىنان شاقىرىلعان ەكەن. قازىر ونىڭ ءمايىتىن تۋعان جەرىنە جەتكىزۋ ماسەلەسى شەشىلىپ جاتىر. ال ءتىرى قالعان جاۋىنگەرلەردىڭ تۋعان-تۋىستارى وتەماقى الادى.
ماسەلەنىڭ انىق-قانىعى انىقتالىپ جاتىر.
مۇرات ايتقوجا.
