وڭتۇستىك قازاقستان وبلىسىندا 6 000 تەڭگە ءۇشىن اۋىلداسىنىڭ قانىن موينىنا جۇكتەگەن جاس جىگىت شىقتى. قۇقىق قورعاۋ ورگاندارى قىزمەتكەرلەرى وسىنداي كۇدىكپەن قاماۋعا العان بۇل جىگىت ورتا مەكتەپتە تاريح پانىنەن ساباق بەرەتىن مۇعالىم كورىنەدى.
وڭتۇستىك قازاقستان وبلىسىندا 6 000 تەڭگە ءۇشىن اۋىلداسىنىڭ قانىن موينىنا جۇكتەگەن جاس جىگىت شىقتى. قۇقىق قورعاۋ ورگاندارى قىزمەتكەرلەرى وسىنداي كۇدىكپەن قاماۋعا العان بۇل جىگىت ورتا مەكتەپتە تاريح پانىنەن ساباق بەرەتىن مۇعالىم كورىنەدى.
وقيعا 17 قىركۇيەك كۇنى ورىن العان. سول كۇنى سوزاق اۋداندىق پوليتسيا بولىمىنە جەرگىلىكتى تۇرعىندار قوڭىراۋ شالىپ, تاستى اۋىلى ارقىلى وتەتىن جول بويىندا بەلگىسىز بىرەۋدىڭ دەنەسى جاتقانىن جەتكىزگەن. ايتىلعان جەرگە جەدەل جەتكەن ارنايى توپ مارقۇمنىڭ سول اۋىلدىڭ 1965 جىلى تۋعان ازاماتى ەكەنىن انىقتايدى. شۇعىل ىزدەستىرۋ جۇمىستارى ناتيجەسىندە كوپ ۇزاماي 1982 جىلى تۋعان اۋىل ازاماتى ۇستالىپ, ءوز كىناسىن تولىق مويىندايدى.
كۇدىكتىنىڭ ايتۋىنشا, ول كولىگىمەن كەلە جاتقاندا وزىنە 6 000 مىڭ تەڭگە قارىزى بار جىگىتتى كوشە بويىنان كورىپ قالادى. سول جەردە بۇل ودان قارىزىن قايتارۋدى تالاپ ەتەدى. مۇنىڭ سوڭى ەكەۋارا جاعا ۇستاسۋعا ۇلاسىپ, ارتىنان قىم-قيعاش توبەلەس باستالىپ كەتەدى. سول ارپالىستا جەڭىلىپ بارا جاتقانىن سەزگەن مۇعالىم قالتاسىنان پىشاق شىعارىپ, ونىڭ كەۋدە تۇسىنا ۇرعان. وسى سوققى الپامساداي ازاماتتىڭ قازا تابۋىنا اپارىپ سوقتىرعان.
«قازىرگى تاڭدا ايعاقتى زات رەتىندە ونىڭ اۆتوكولىگىنىڭ ىشىنەن قان داقتارىمەن پىشاق الىنىپ وتىر. كۇدىكتى ازامات قاماۋعا الىندى. تەرگەۋ جالعاسىپ جاتىر», – دەدى وسىعان وراي وبلىستىق ىشكى ىستەر دەپارتامەنتى ءباسپاسوز قىزمەتىنىڭ حاتشىسى سالتانات قاراكوزوۆا.
قۇرىش نۇرىمبەت.
