ەڭبەك جانە حالىقتى الەۋمەتتىك قورعاۋ ءمينيسترى تامارا دۇيسەنوۆا جۇمىس ساپارىمەن پاۆلودار وبلىسىندا بولدى. مينيستر ەكىباستۇز قالاسىنا قاراستى بايەت اۋىلىنىڭ تىنىس-تىرشىلىگىمەن تانىسىپ, «بوگاتىر-كومىر» جاۋاپكەرشىلىگى شەكتەۋلى سەرىكتەستىگىنىڭ ۇجىمىمەن, قالا جاستارىمەن كەزدەستى.
ەڭبەك جانە حالىقتى الەۋمەتتىك قورعاۋ ءمينيسترى تامارا دۇيسەنوۆا جۇمىس ساپارىمەن پاۆلودار وبلىسىندا بولدى. مينيستر ەكىباستۇز قالاسىنا قاراستى بايەت اۋىلىنىڭ تىنىس-تىرشىلىگىمەن تانىسىپ, «بوگاتىر-كومىر» جاۋاپكەرشىلىگى شەكتەۋلى سەرىكتەستىگىنىڭ ۇجىمىمەن, قالا جاستارىمەن كەزدەستى.
بايەت اۋىلدىق اۋماعىندا 15 كاسىپكەر «جۇمىسپەن قامتۋ-2020» باعدارلاماسى بويىنشا نەسيە العان. جاس كاسىپكەر رۇستەم شايحاتوۆ مينيسترگە باعدارلامانىڭ تومەن پايىزبەن بەس جىلعا بەرىلىپ وتىرعانىن ايتىپ بەردى. مال شارۋاشىلىعىن دامىتۋ ءۇشىن 1 ميلليون 300 مىڭ تەڭگەگە 5 ءىرى قارا, 10 قوي الىپتى. قازىر ءوزىنىڭ اۋلاداعى مالدارىن قوسقاندا 20 ءىرى قارا, 30 باس قويى بار. ال وڭىردەگى جۇمىسسىزدىق دەڭگەيى, جاستاردى جۇمىسپەن قامتۋ جايلى ماسەلەلەر قالالىق مۋزىكا مەكتەبىندە وتكەن جيىندا ءسوز بولدى. جۇزدەسۋ ەركىن تۇردە, سۇراق-جاۋاپ تۇرىندە ءوتتى.
ەكىنشى كۇنى قالاداعى «قاينار» مادەنيەت ۇيىندە «نۇر وتان» حدپ ەكىباستۇز قالالىق فيليالىنىڭ ح كەزەكتەن تىس كونفەرەنتسياسى ءوتتى. كونفەرەنتسيا جۇمىسىنا ەڭبەك جانە حالىقتى الەۋمەتتىك قورعاۋ ءمينيسترى تامارا دۇيسەنوۆا, ستاتيستيكا اگەنتتىگىنىڭ توراعاسى ءاليحان سمايلوۆ, «نۇر وتان» حدپ وبلىستىق فيليالىنىڭ توراعاسى, وبلىس اكىمى ەرلان ارىن, قالالىق پارتيا فيليالىنىڭ ساياسي كەڭەس مۇشەلەرى, وبلىستىق, قالالىق ءماسليحات دەپۋتاتتارى, پارتيالىق ۇيىمداردىڭ, قوعامدىق بىرلەستىكتەردىڭ, جاستار ۇيىمدارى, باق وكىلدەرى قاتىستى.
جيىندا «نۇر وتان» پارتياسىنىڭ جاڭا ساياسي دوكتريناسى ورتاعا سالىندى. «دوكترينادا يدەيالىق-ءدۇنيەتانىمدىق كوزقاراستار مەن پارتيانىڭ باستى باعدارلارى ناقتى انىقتالعان. بۇل پارتيانىڭ باستى قۇجاتى دەۋگە بولادى. جاڭا ساياسي دوكترينانى قابىلداۋ پارتيانىڭ ساپالى جاڭا دامۋ كەزەڭىنە ءوتۋىن قامتاماسىز ەتۋى قاجەت, دەپ اتاپ ءوتتى وبلىس اكىمى ەرلان ارىن.
فاريدا بىقاي,
«ەگەمەن قازاقستان.
ەكىباستۇز.
