«نۇر وتان» حالىقتىق-دەموكراتيالىق پارتياسىنىڭ جاڭا ساياسي دوكتريناسىنىڭ جوباسى قازىرگى تاڭدا قوعام تاراپىنان قىزۋ تالقىلانۋدا. كەشە پارتيانىڭ ورتالىق اپپاراتىندا دا وسىنداي تالقىلاۋ بولىپ, وندا شىعارماشىلىق زيالى قاۋىم وكىلدەرى ءوز ويلارىن ورتاعا سالدى.
بۇل باسقوسۋعا «نۇر وتان» پارتياسى توراعاسىنىڭ ءبىرىنشى ورىنباسارى باۋىرجان بايبەك, پارلامەنت ءماجىلىسىنىڭ دەپۋتاتى, «ميراس» مادەنيەت جانە ونەردى دامىتۋ قوعامدىق كەڭەسىنىڭ توراعاسى قۋانىش سۇلتانوۆ, پارلامەنت ءماجىلىسىنىڭ حالىقارالىق ىستەر, قورعانىس جانە قاۋىپسىزدىك كوميتەتىنىڭ توراعاسى ماۋلەن ءاشىمباەۆ, ءا.تارازي, م.جولداسبەكوۆ, ك.سالىقوۆ, ف.وڭعارسىنوۆا, ع.ەسىم, س.ورازالين, ن.وماشەۆ, ج.ەرعاليەۆ, ن.ايت ۇلى, ا. سمايىل جانە باسقالار قاتىستى.
«نۇر وتان» حالىقتىق-دەموكراتيالىق پارتياسىنىڭ جاڭا ساياسي دوكتريناسىنىڭ جوباسى قازىرگى تاڭدا قوعام تاراپىنان قىزۋ تالقىلانۋدا. كەشە پارتيانىڭ ورتالىق اپپاراتىندا دا وسىنداي تالقىلاۋ بولىپ, وندا شىعارماشىلىق زيالى قاۋىم وكىلدەرى ءوز ويلارىن ورتاعا سالدى.
بۇل باسقوسۋعا «نۇر وتان» پارتياسى توراعاسىنىڭ ءبىرىنشى ورىنباسارى باۋىرجان بايبەك, پارلامەنت ءماجىلىسىنىڭ دەپۋتاتى, «ميراس» مادەنيەت جانە ونەردى دامىتۋ قوعامدىق كەڭەسىنىڭ توراعاسى قۋانىش سۇلتانوۆ, پارلامەنت ءماجىلىسىنىڭ حالىقارالىق ىستەر, قورعانىس جانە قاۋىپسىزدىك كوميتەتىنىڭ توراعاسى ماۋلەن ءاشىمباەۆ, ءا.تارازي, م.جولداسبەكوۆ, ك.سالىقوۆ, ف.وڭعارسىنوۆا, ع.ەسىم, س.ورازالين, ن.وماشەۆ, ج.ەرعاليەۆ, ن.ايت ۇلى, ا. سمايىل جانە باسقالار قاتىستى.
كىرىسپە ءسوز سويلەپ اشىپ, وتىرىستى جۇرگىزىپ وتىرعان ق.سۇلتانوۆ قازان ايىنىڭ 18-ىندە «نۇر وتان» حدپ-نىڭ كەزەكتى XV سەزى بولاتىنىن, كۇن تارتىبىندە پارتيانىڭ جاڭا ساياسي دوكتريناسى جوباسى قارالاتىنىن ايتىپ ءوتتى. قازىرگى كەزدە وڭىرلەردە پارتيانىڭ اتالعان باستى قۇجاتىنىڭ جوباسى جان-جاقتى تالقىلانۋدا, دەگەن ق.سۇلتانوۆ ءسوز كەزەگىن ب.بايبەككە بەردى.
قازىرگى ۋاقىتتا ساياسي دوكترينا جوباسى بارلىق ايماقتار مەن ەلدى مەكەندەردە كەڭىنەن تالقىلانىپ جاتقانىن جەتكىزگەن پارتيا توراعاسىنىڭ ءبىرىنشى ورىنباسارى ءوز پارتيالاستارىنىڭ كەيبىر كەزدە پارتيا حالىققا نە ءۇشىن كەرەك, پارتيانىڭ قۇندىلىقتارى قانداي, پارتيا قاي باعدارلامامەن شىعادى دەگەن سۇراقتارعا جاۋابىن ءبىر اۋىز سوزبەن جەتكىزە المايتىنىن دا جاسىرمادى. ونىڭ پايىمىنشا, پارتيا قۇندىلىقتارى ءبىر قۇجاتقا جيناقتالماعان.
سونداي-اق, ول پارتياعا دەگەن سەنىمنىڭ دە ارتىپ كەلە جاتقاندىعىن نازاردان تىس قالدىرمادى. ماسەلەن, جىل باسىنان بەرى پارتيادان كومەك سۇراپ كەلگەندەر سانى ەكى ەسە ءوسىپتى. جالپى, جىل سايىن پارتياعا 100 مىڭنان اسا ارىز-شاعىم تۇسسە, سونىڭ كوبى ءوز شەشىمدەرىن تابۋدا ەكەن. ارىزدانۋشىلاردىڭ 40 پايىزى ءوزىنىڭ قۇقىعىن بىلمەيدى, دەپ ءسوزىن ساباقتاعان ب.بايبەك زاڭدى تۇردە ماسەلەنى قالاي شەشۋگە بولاتىنىن ءتۇسىندىرىپ بەرەمىز دەگەندى دە ايتتى. ءتىل, مادەنيەت سالالارىنا قوماقتى قارجى ءبولىنىپ جاتسا, پارتيا تاراپىنان شىعارماشىلىق وكىلدەرىن قارجىلاندىرۋ ءۇشىن قاراجات ماسەلەسى دە قاراستىرىلۋ ۇستىندە, دەگەن ول جۇمىس دوكتريناعا سۇيەنە وتىرىپ جۇرگىزىلىپ, باقىلاۋ كۇشەيەتىنىن جەتكىزدى.
دوكترينا جوباسىندا كورسەتىلگەندەي, رۋحانيات پەن مادەنيەت ۇلتتى بىرىكتىرەدى جانە ونىڭ مىنەز-قۇلقىن قالىپتاستىرادى. ول ءبىزدىڭ انا تىلىمىزدە, اتا داستۇرىمىزدە, تاريحي مۇرامىزدا, ءبىزدىڭ بەلگى-تاڭبالارىمىزدا تۇنىپ تۇر. وسى ورايدا, مەملەكەتتىك ءتىل رۋحانيات پەن ەل بىرلىگىنىڭ نەگىزگى فاكتورى بولۋى ءتيىس. سوندىقتان ءبىزدىڭ پارتيامىز ارقاشان قوعامىمىزدىڭ بىرەگەيلىگىن ايقىندايتىن رۋحاني جانە مادەني قۇندىلىقتاردى ساقتاپ, ونى نىعايتۋعا اتسالىساتىن بولادى, دەدى ب.بايبەك.
ءالى دە كوپتەگەن ۇسىنىستار كەلىپ تۇسۋدە, دەگەن ب.بايبەك قۇجاتقا تاعى دا وزگەرىستەر ەنگىزىلەتىنىنەن حاباردار ەتە كەتتى. بۇل – ءبىز ءبىر جەردەن ويلاپ شىعارعان قۇندىلىقتار ەمەس, بۇل ەلباسى ساياساتىنىڭ ارقاسىندا قالىپتاسقان ءبىزدىڭ نەگىزگى قۇندىلىقتارىمىز. رۋحاني الەم مەن مادەنيەتسىز ەشقانداي مەملەكەت بولمايدى. ەگەر وسى قۇندىلىقتاردى جاقسى تۇسىنسەك, ونى حالىققا ناسيحاتتاۋ وڭاي بولماق, دەدى پارتيا توراعاسىنىڭ ءبىرىنشى ورىنباسارى.
كەلىپ جاتقان ۇسىنىس-پىكىرلەردىڭ كوپ ەكەنىن ەسكەرسەك, تالقىلاۋدىڭ ءارى قاراي دا جالعاساتىنى انىق.
اسقار تۇراپباي ۇلى,
«ەگەمەن قازاقستان».
