الماتى وبلىسىنداعى «كوكتال» پوليگونىندا باتالوندىق-تاكتيكالىق جاتتىعۋ ءوتتى. وعان قۇرلىق اسكەرلەرى تانك بولىمشەلەرىنىڭ اسكەري قىزمەتشىلەرى قاتىستى.
جاتتىعۋ بارىسىندا بولىمشە شابۋىلعا دايىندىق شارالارىن جۇزەگە اسىردى, ت-72 تانكىسىنىڭ شتاتتىق سناريادتارىمەن جاۋىنگەرلىك اتىستاردىڭ, سونداي-اق ارتيللەريالىق قارۋدان تاكتيكالىق ءىس-قيمىلدارىن پىسىقتادى. اتىس جۇرگىزۋ, مانەۆر جاساۋ تاكتيكالىق ءىس-قيمىلدارى كەزىندە بولىمشەنىڭ جەكە قۇرامى ۇيىمشىلدىق تانىتا ءبىلدى.
باتالوندىق-تاكتيكالىق جاتتىعۋدىڭ جالعاسى اسكەري قىزمەتشىلەردىڭ تۇرعىلىقتى ورنىنا 200 شاقىرىمدىق مارش جاساۋىمەن اياقتالدى.
وتكىزىلگەن جاتتىعۋ بريگادانىڭ جازعى وقۋ كەزەڭىنىڭ اياقتالعاندىعىنان حاباردار ەتتى. دالالىق جاتتىعۋلاردى وتكىزۋ كەزىندە جەكە قۇرامنىڭ جاۋىنگەرلىك دايارلىعىن ارتتىراتىن, بولىمشەلەر اراسىنداعى ءوزارا ءىس-قيمىلدى پىسىقتايتىن ماڭىزدى تاپسىرمالار جۇزەگە اسىرىلدى.
«ەگەمەن-اقپارات».
