بۇگىندە كوكتەمگى دالا جۇمىستارىنا ساپالى تۇقىمدار دايىندالىپ, 560 تراكتور, 278 تۇقىم سەپكىش, 1600-دەن استام تىرما جانە 150 قوپسىتقىش قوندىرعىلارى ازىرلەنگەن. ولاردىڭ قاتارىندا ليزينگكە ساتىپ الىنعان جاڭا قوندىرعىلار دا بار. اۋىل شارۋاشىلىعى تەحنيكالارىن جانار-جاعارمايمەن قامتاماسىز ەتۋ ماسەلەسى دە وڭ شەشىمىن تاۋىپ وتىر. ال, كوكتەمگى دالا جۇمىستارى ءۇشىن 2405 توننا جەڭىلدەتىلگەن ديزەل وتىنى قاراستىرىلعان. سول سياقتى قوردايدا مينەرالدى تىڭايتقىشتار ماسەلەسى بويىنشا «كازازوت» اق جانە «كازفوسفات» جشس-مەن كەلىسىم جاسالعان.
كوكتەمگى دالا جۇمىستارىنا 81,5 مىڭ گەكتار اۋىل شارۋاشىلىق جەرلەرى دايىندالىپ, ولارعا بۇگىندە جازدىق ارپا, كوپجىلدىق شوپتەر, كوكونىس, باقشا داقىلدارى تولىعىمەن ەگىلگەن. مايلى داقىلدار مەن جۇگەرى ءدانىن سەبۋ شارالارى جالعاسۋدا. سونىمەن قاتار, بۇگىنگى تاڭدا اۋداندا كۇزدىك بيداي 22 مىڭ گەكتارعا, ارپا 42 مىڭ گەكتارعا, كوپجىلدىق شوپتەر مەن كوكونىستەر 8,200 گەكتارعا, كارتوپ 3200 گەكتارعا ەگىلگەن. كوكتەمگى دالا جۇمىستارىنا قورداي اۋدانىنان 467 وتباسى شۋ اۋدانىنا اتتانسا, بۇدان بولەك 117 وتباسى پياز جانە باسقا دا كوكونىس داقىلدارىن ەگۋمەن اينالىساتىن كورشىلەس الماتى وبلىسىنا بەت تۇزەگەن.
ال, جامبىل اۋىلدىق وكرۋگى اۋىل تۇرعىندارىنىڭ تابىسىن ارتتىرۋ بويىنشا پيلوتتىق جوباعا قاتىسۋدا. مۇنداعى شارۋالار 8,5 ميلليون تەڭگەگە قارجىلاندىرىلعان «جاڭاتۇرمىس-بىرلىك» كووپەراتيۆىنە بىرىگۋدە. اتالعان قاراجات تۇقىمدار, تىڭايتقىشتار جانە وسىمدىكتەردى حيميالىق قورعاۋ قۇرالدارىن ساتىپ الۋعا باعىتتالعان. جوبا اياسىندا 950 اۋلا قامتىلعان. ولاردىڭ يەلىگىندەگى 62 گەكتار اۋىل شارۋاشىلىق جەرلەرىنە كارتوپ, قيار جانە ءسابىز ەگىلدى. كووپەراتيۆ مۇشەلەرى 620 تونناعا دەيىن كارتوپ, 434 توننا ءسابىز جانە 192 توننا قيار الۋدى جوسپارلاۋدا.
جامبىل وبلىسى
