مىسىردىڭ قاۋىپسىزدىك كۇشتەرى كاير ماڭىندا ارنايى وپەراتسيا جۇرگىزدى. بۇل تۋرالى «رەيتەر» اگەنتتىگىنە سىلتەمە جاساعان ريا «نوۆوستي» حابارلادى.
ءتارتىپ ساقشىلارىنىڭ جۇرگىزگەن ءىس-شاراسى 11 قۇقىق قورعاۋشىنىڭ ولىمىنە اكەلىپ سوققان پوليتسيا ۋچاسكەسىنىڭ قاساقانا ورتەنۋى بويىنشا كۇدىكتىلەردى قولعا تۇسىرۋگە باعىتتالعان بولاتىن. ارنايى وپەراتسيا كاير ماڭىنداعى كيرداسا وكرۋگىندە جۇرگىزىلدى. مۋحاممەد ءمۋرسيدىڭ قىزمەتىنەن شەتتەتىلۋىنەن كەيىن مىسىر بيلىگى بۇل وكرۋگتى ءوز باقىلاۋىنان تىس قالدىرعان بولاتىن. سەبەبى, سول ۋاقىتتان بەرى جەرگىلىكتى تۇرعىندار ءوز اۋداندارىنا ءتارتىپ ساقشىلارىن كىرگىزبەي قويعان.
ايدار ورىسباەۆ.
