«سوڭعى 8 ايدىڭ ىشىندە «نۇر وتان» پارتياسىنا مۇشە 201 ادام جەمقورلىق ءۇشىن ايىپتالدى. بۇل بىلتىرعى جىلعى كورسەتكىشتەن 4 ەسەگە ارتىق. سەبەبى, وتكەن جىلدىڭ 8 ايىنىڭ ىشىندە ءدال وسىنداي ايىپپەن 49 پارتيا مۇشەسى ۇستالعان بولاتىن. وسى ورايدا, جەمقورلاردىڭ 60 پايىزىن مەملەكەتتىك جانە بيۋدجەتتىك ۇيىم باسشىلارىنىڭ قۇراپ وتىرعاندىعىن ايتۋ قاجەت. بۇل – ءبىر رەتتىك اكتسيا ەمەس. پارتيا قاتارىنداعى جەمقورلاردى انىقتاۋ جۇمىسى جۇيەلى ءارى كەشەندى تۇردە جۇرگىزىلەتىن بولادى».
استانادا وتكەن «نۇروتان» پارتياسىنىڭ ساياسي كەڭەس بيۋروسى مەن پارتيالىق باقىلاۋ كوميتەتىنىڭ بىرلەسكەن وتىرىسىندا پارتيالىق باقىلاۋ كوميتەتىنىڭ توراعاسى بوران راقىمبەكوۆ وسىلاي دەدى.
«سوڭعى 8 ايدىڭ ىشىندە «نۇر وتان» پارتياسىنا مۇشە 201 ادام جەمقورلىق ءۇشىن ايىپتالدى. بۇل بىلتىرعى جىلعى كورسەتكىشتەن 4 ەسەگە ارتىق. سەبەبى, وتكەن جىلدىڭ 8 ايىنىڭ ىشىندە ءدال وسىنداي ايىپپەن 49 پارتيا مۇشەسى ۇستالعان بولاتىن. وسى ورايدا, جەمقورلاردىڭ 60 پايىزىن مەملەكەتتىك جانە بيۋدجەتتىك ۇيىم باسشىلارىنىڭ قۇراپ وتىرعاندىعىن ايتۋ قاجەت. بۇل – ءبىر رەتتىك اكتسيا ەمەس. پارتيا قاتارىنداعى جەمقورلاردى انىقتاۋ جۇمىسى جۇيەلى ءارى كەشەندى تۇردە جۇرگىزىلەتىن بولادى».
استانادا وتكەن «نۇروتان» پارتياسىنىڭ ساياسي كەڭەس بيۋروسى مەن پارتيالىق باقىلاۋ كوميتەتىنىڭ بىرلەسكەن وتىرىسىندا پارتيالىق باقىلاۋ كوميتەتىنىڭ توراعاسى بوران راقىمبەكوۆ وسىلاي دەدى.
جيىندا سونداي-اق, پارلامەنت ءماجىلىسىنىڭ ەكس-دەپۋتاتى باقىت سىزدىقوۆا مەن ءبىلىم جانە عىلىم ۆيتسە-ءمينيسترى قىزمەتىن اتقارعان سايات شاياحمەتوۆتى «نۇر وتان» پارتياسى مۇشەلىگىنەن شىعارۋ ماسەلەسى دە قارالدى.
«نۇر وتاننىڭ» پارتيالىق باقىلاۋ كوميتەتىنىڭ استانا قالالىق فيليالىنىڭ توراعاسى داۋلەتكەرەي راحمەتۋلليننىڭ ايتۋىنشا, 2008 جىلدىڭ 12 قاراشاسىندا «نۇر وتان» حدپ قب №18 «ۋاقىتشا قارجىلاي كومەك كورسەتۋ» كەلىسىمى نەگىزىندە باقىت سىزدىقوۆا جەتەكشىلىك ەتكەن «قازاقستاننىڭ بولاشاعى ءۇشىن» جاستار قوزعالىسى» قوعامدىق بىرلەستىگىنە جەدەل تۇردە قايتارىلاتىن شارتپەن 7 ملن. تەڭگە كولەمىندە قارجىلاي كومەك كورسەتىلىپتى.
بۇل كەلىسىمشارتقا سايكەس, قارجى 2009 جىلدىڭ 1 قاڭتارىنا دەيىن قايتارىلۋى ءتيىس ەكەن. ءتيىسىنشە, قارجى ۋاقىتىندا قايتارىلماعان ءار كۇنگە تولەنەتىن ايىپپۇل كولەمى 0,1 پايىزدى قۇراعان. الايدا, باقىت سىزدىقوۆا وسى ۋاقىتقا دەيىن ايتىلىپ كەلگەن كوپ ەسكەرتۋگە قاراماستان, قارىزدى ۋاقتىلى ءتولەۋ مىندەتتەرىن ورىنداماي, جالتارىپ كەلگەندىكتەن, بۇگىندە قارىزدىڭ سوماسى ايىپپۇلمەن قوسا ەسەپتەگەندە, 15 ملن.-عا جەتىپتى. «بۇل ماسەلە پارتيانىڭ ورتالىق قاداعالاۋ كوميسسياسى وتكىزگەن وسى جىلعى اۋديت تەكسەرىسىنەن كەيىن كوتەرىلىپ وتىر. سول سەبەپتى, باقىت سىزدىقوۆانى پارتيا مۇشەلىگىنەن شىعارۋ تۋرالى شەشىم قابىلداندى», دەدى پارتيالىق باقىلاۋ كوميتەتىنىڭ وكىلدەرى.
ولاردىڭ ايتۋىنشا, باقىت سىزدىقوۆانىڭ 1999 جىلدان بەرى پارتيانىڭ بەلسەندى مۇشەسى ەكەندىگى ەسكەرىلە وتىرىپ, قارىز اقىسى (7 ملن. تەڭگە) جەدەل تۇردە قايتارىلعان جاعدايدا, پارتيا ايىپپۇلدى كەشىرۋ ماسەلەسىن قاراستىرۋى مۇمكىن ەكەن.
جيىن كەزىندە ءبىلىم جانە عىلىم ۆيتسە-ءمينيسترى بولعان, پارتيانىڭ 1999 جىلدان بەرگى مۇشەسى سايات شاياحمەتوۆتىڭ دە ماسەلەسى قارالدى. پارتيالىق باقىلاۋ كوميتەتى وكىلدەرىنىڭ ايتۋىنا قاراعاندا, 2013 جىلعى 29 ساۋىردە ەلىمىزدىڭ ەكونوميكالىق قىلمىسقا جانە سىبايلاس جەمقورلىققا قارسى كۇرەس اگەنتتىگى وسكەمەن قالاسىندا 700 ادامعا ارنالعان وقۋ ورنىن سالۋ كەزىندە 1,5 ملرد. تەڭگە كولەمىندەگى بيۋدجەتتىك قارجىنى يەمدەنۋ مەن جۇمساۋ فاكتىسى بويىنشا قىلمىستىق ءىس قوزعاعان. كەيىن, ياعني 17 مامىردان باستاپ سوت شەشىمىمەن ىسكە قاتىسى بار جانە قارجىنى قالتاسىنا باستى دەگەن ايىپپەن سايات شاياحمەتوۆ ءۇي قاماۋىنا الىنعان. «قازىرگى كەزدە قىلمىستىق ءىس بويىنشا تەكسەرۋ جۇمىستارى جۇرگىزىلىپ جاتىر. سوڭعى شەشىم سوتتا قابىلدانادى. ال پارتيا بەدەلىن تۇسىرگەنى ءۇشىن سايات شاياحمەتوۆتى «نۇر وتان» قاتارىنان شىعارۋ تۋرالى شەشىم قابىلداندى», دەدى پارتيا وكىلدەرى.
وتىرىس سوڭىندا پارتيالىق باقىلاۋ كوميتەتىنىڭ توراعاسى بوران راحىمبەكوۆ پارتيا ىشىندەگى ءتارتىپتىڭ ساقتالۋى پارتيا ورگاندارى قىزمەتىنىڭ ماڭىزدى باعىتتارىنىڭ ءبىرى ەكەندىگىن اتاپ كورسەتتى.
ءلايلا ەدىلقىزى,
«ەگەمەن قازاقستان».
