مەملەكەتتىك ءتىلدى دامىتۋ قورى
قازاقستان حالقىنىڭ تىلدەرى كۇنى مەرەكەسىنە وراي ەلىمىزدىڭ عالامتور كەڭىستىگىندە مەملەكەتتىك تىلدە اقپارات تاراتاتىن
ينتەرنەت-سايتتار اراسىندا
بايقاۋ جاريالايدى
«قازاقتىلدى سايتتاردىڭ
ۇلتتىق سىيلىعى» بايقاۋىنىڭ
ەرەجەسى
بايقاۋدى ۇيىمداستىرۋشى:مەملەكەتتىك ءتىلدى دامىتۋ قورى
بايقاۋدىڭ ماقسات-مىندەتتەرى:
قازاقستانداعى ينتەرنەت جۇيەسىنىڭ قارقىندى دامۋىنا, سونىڭ ىشىندە اقپاراتتىق رەسۋرستار مەن سەرۆيستەردى دامىتۋعا, قوعامنىڭ اقپاراتتىق مادەنيەتتىلىگىن جوعارىلاتۋعا, جەلىلىك قاۋىمداستىققا جاڭا پايدالانۋشىلاردى تارتۋعا, قازاقتىلدى ۇزدىك رەسۋرستاردىڭ ينتەرنەت جەلىسىندەگى تانىمالدىلىعىن ارتتىرۋعا ىقپال ەتۋ.
بايقاۋعا تاۋەلسىزدىك جىلدارى قالىپتاسقان قۇندىلىقتارىمىزدى ۇزدىكسىز ناسيحاتتاپ, مەملەكەتتىك ءتىلدىڭ قىزمەت ەتۋ اياسىن كەڭەيتۋ, مارتەبەسىن نىعايتۋ ماقساتىمەن قوعام ومىرىندە بەلسەندىلىك تانىتىپ, وتكىر دە وزەكتى ماقالالار جاريالاپ جۇرگەن ينتەرنەت سايتتار قاتىسا الادى.
بايقاۋدىڭ مىندەتى:
- ەلىمىزدە قازاق تىلىندە اقپارات تاراتىپ, قوعامداعى وزەكتى ماسەلەلەردى دەر كەزىندە كوتەرىپ, تالداپ-ساراپتاپ, ءوز وقىرمانىنا شىنايى اقپارات جەتكىزۋدە بەلسەندىلىك تانىتىپ جۇرگەن ۇزدىك ينتەرنەت رەسۋرستارىن قولداۋ;
- قازاق ءتىلدى ينتەرنەت رەسۋرستاردىڭ جۇرتشىلىقتىڭ, وسكەلەڭ ۇرپاقتىڭ پاتريوتتىق سەزىمىن, ءتىلى مەن مادەنيەتىنە, تاريحىنا دەگەن قىزىعۋشىلىقتارىن قالىپتاستىرۋ مەن ارتتىرۋداعى ءرولىن ايقىنداۋ;
- سايت قولدانۋشىلارىنىڭ اقپاراتتىق-كوممۋنيكاتسيالىق تەحنولوگيانى (اكت) بەلسەندى پايدالانۋعا جۇمىلدىرۋ.
بايقاۋ نوميناتسيالارى:
- «وتكىر ءتىل» - مەملەكەتتىك ءتىلدى جانە ۇلتتىق قۇندىلىقتاردىناسيحاتتاۋشى ۇزدىك سايتقا;
- «رۋحاني ازىق» – ادەبيەت پەن مادەنيەتتى ناسيحاتتاۋشى ۇزدىك سايتقا;
- «تەرەڭ ىزدەنىس» - قازاق ەلىنىڭ تاريحىن ناسيحاتتاۋشى ۇزدىك سايتقا;
- «شىنايى ءومىر» – قوعامداعى وزەكتى ماسەلەلەردى كوتەرۋشى ۇزدىك سايتقا;
- «سپورت تىنىسى» - سالاۋاتتى ءومىر سالتى مەن سپورتتى ناسيحاتتاۋشى ۇزدىك سايتقا.
بايقاۋ تالاپتارى:
- عالامتور كەڭىستىگىندە كەمىندە ءبىر جىل بويى جۇمىس ىستەپ, قازاق تىلىندە اقپارات تاراتاتىن جانە قىزمەت ءتۇرى قازاقستان رەسپۋبليكاسىنىڭ قولدانىستاعى زاڭناماسىنا قايشى كەلمەيتىن كەز كەلگەن سايت قاتىسا الادى;
- بايقاۋعا ۇكىمەتتىك ەمەس, تاۋەلسىز, قوعامدىق سايتتار قاتىسا الادى;
- بايقاۋعا مەملەكەتتىك ورگانداردىڭ, شەتەلدىك ۇيىمداردىڭ, بۇقارالىق اقپارات قۇرالدارىنىڭ ەلەكتروندى نۇسقالارى (گازەت, تۆ, راديو) قاتىسا المايدى.
بايقاۋ شارتتارى:
- سايت اقپاراتتارىنىڭ تەك قازاق تىلىندە تاراتىلۋى;
- قازاق ءتىلى مەن ۇلتتىق قۇندىلىقتاردىڭ دارىپتەلۋى;
- پاتريوتتىق تاقىرىپتاردىڭ ۇزدىكسىز كوتەرىلۋى;
- سايتتاعى ماتەريالداردىڭ ءجيى جاڭارتىلىپ وتىرۋى;
- سايتتى قولدانۋشىلار سانىنىڭ از-كوپتىگى;
- پورتالدا جاريالانعان ماتەريالداردىڭ قوعامدا قىزۋ تالقىعا ءتۇسۋى;
- سايت ديزاينىنىڭ پورتال ۇستانىمىنا ساي بەزەندىرىلۋى;
- الەۋمەتتىك جەلىلەرگە, ولاردىڭ ىشىندە Twitter, Facebook, ۆكونتاكتە جانە ت.ب. شىعۋ مۇمكىندىگىنىڭ قامتاماسىز ەتىلۋى ەسەپكە الىنادى جانە زەردەلەنەدى.
بايقاۋعا قاتىسۋ ءۇشىن تومەندەگىدەي ماتەريالدار جولدانادى:
- سايتتىڭ دومەندىك اتاۋى;
- سايتتىڭ باس بەتىنىڭ سكرينشوتى;
- «Zero رەيتينگتىك كومپانياسى» ۇسىناتىن سايت قولدانۋشىلارى تۋرالى ءبىر ايلىق ساندىق كورسەتكىش;
- سايتتىڭ باس رەداكتورى مەن ۇجىمى جونىندە قىسقاشا مالىمەت;
- سايتتىڭ باعىتى مەن تاريحى تۋرالى قىسقاشا اقپارات;
- ۇجىمنىڭ قول جەتكىزگەن جەتىستىكتەرى تۋرالى مالىمەت.
بايقاۋ جەڭىمپازدارىن انىقتاۋ شارتتارى:
بايقاۋ جەڭىمپازدارىن قوعام قايراتكەرلەرى, اقىن-جازۋشىلار, قالامگەر-جۋرناليستەر مەن سالا ماماندارىنان جاساقتالعان قازىلار القاسى انىقتايدى.
بايقاۋعا ۇسىنىلاتىن ماتەريالدار 2013 جىلعى 1 جەلتوقسانعا دەيىن مىنا مەكەن-جايعا جولدانۋى ءتيىس: 010000, استانا قالاسى, ورىنبور كوشەسى, 8 ءۇي, «مينيسترلىكتەر ءۇيى», 5-كىرەبەرىس, 906 بولمە, مەملەكەتتىك ءتىلدى دامىتۋ قورىنىڭ «قازاقتىلدى سايتتاردىڭ ۇلتتىق سىيلىعى» رەسپۋبليكالىق بايقاۋىنا.
بايقاۋ ماتەريالدارىن: info@qazaq-found.kz ەلەكتروندى ادرەسىنە جىبەرۋگە بولادى.
قازىلار القاسىنىڭ ساراپتاۋىنان ءوتىپ, ۇزدىك دەپ تانىلعان جەڭىمپاز ينتەرنەت-سايتتار 2013 جىلعى جەلتوقساندا تاۋەلسىزدىك كۇنى مەرەكەسى قارساڭىندا انىقتالادى.
ماراپاتتاۋ ءراسىمى استانا قالاسىندا وتەدى (قوسىمشا حابارلانادى).
بايلانىس تەلەفوندارى: 74-29-09, 74-36-97
