الەم • 28 ءساۋىر، 2020

وپەرا جۇلدىزدارى ‘O sole mio ءانىن ونلاين شىرقادى

119 رەت كورسەتىلدى

 «استانا وپەرانىڭ» اتاقتى سوليستەرى مەن يتاليا، مەكسيكا، جاپونيا، قىتاي، رۋمىنيا، گرۋزيانىڭ الەمدىك دەڭگەيدەگى وپەرا جۇلدىزدارى، سونىمەن قاتار «استانا وپەرا» سيمفونيالىق وركەسترىنىڭ مۋزىكانتتارى ميلليونداعان تىڭدارماننىڭ سۇيىكتى ‘O sole mio نەوپوليتاندىق ءانىن ونلاين ورىندادى.

جوباعا ەۋروپا، اقش جانە وڭتۇستىك امەريكانىڭ ءىرى تەاترلارىندا جۇمىس ىستەيتىن اتاقتى مەكسيكالىق تەنور گەكتور ساندوۆال مەن ەۋروپادا اتى ءماشھۇر گرۋزين تەنورى گەورگي ونياني اتسالىستى. ولاردىڭ ارىپتەستەرى – جاپونيالىق تەنور ناويۋكي وكادا، رۋمىن سوپرانوسى ادەلا زاحاريا جانە تانىمال قىتاي ءانشىسى جوۋ فان دا شىعارماشىلىقتاعى بىرلەستىك ءۇشىن شەكسىز قۋانىشىن ءبىلدىردى.

قازاقستاندىق وپەرا ساحناسىنىڭ جۇلدىزدارى: «استانا وپەرانىڭ» جەتەكشى ءسوليسى، قازاقستاننىڭ ەڭبەك سىڭىرگەن قايراتكەرى، يتاليا جۇلدىزى وردەنىنىڭ كاۆالەرى، الەمنىڭ ۇزدىك ساحنالارىندا ونەر كورسەتىپ جۇرگەن مەدەت چوتاباەۆ، «استانا وپەرانىڭ» جەتەكشى ءسوليسى، قازاقستاننىڭ ەڭبەك سىڭىرگەن قايراتكەرى، «روسسيا ك» تەلەارناسىنداعى «بولشايا وپەرا» حالىقارالىق جوباسىنىڭ جەڭىمپازى سالتانات احمەتوۆا، قازاقستاننىڭ ەڭبەك سىڭىرگەن قايراتكەرلەرى، «استانا وپەرا» تەاترىنىڭ سوليستەرى، تاماشا سوپرانو يەلەرى جاميليا جارقىمباەۆا مەن بيبىگۇل جانۇزاق تاماشا ورىنداۋشىلىق ونەرىن پاش ەتتى.

شىعارماشىلىق جوباعا قاتىسقان شەتەلدىك تانىمال تۇلعالار قازاقستاندا بۇعان دەيىن بولىپ، «استانا وپەرا» ساحناسىندا ونەر كورسەتكەنىن اتاپ وتكەن ءجون.

- 2017 جىلى «استانا وپەرادا» وتكەن «وپەراليا پلاسيدو دومينگو» بايقاۋىنان كەيىن تاماشا ەستەلىكتەر جادىمدا ساقتاۋلى. بارلىعى سونداي مەيىرىمدى، ءاردايىم كومەكتەسۋگە ءازىر بولدى. سىزدەردىڭ وپەرا تەاترلارىڭىز سونداي كەرەمەت. ءار كەزدە، وسى تاجىريبە تۋرالى ويلاعان ۋاقىتتا جۇزىمە شاتتىق ۇيالايدى. قازىر سىزدەردىڭ دەندەرىڭىز ساۋ، قاۋىپسىز جاعدايداسىزدار دەگەن ۇمىتتەمىن. جاقىن ارادا قايتا كەزدەسىپ، بىرگە ءان شىرقاپ، قۋانىش-شاتتىققا بولەنۋدى، كۇننىڭ قايتا جارقىراپ ك ۇلىمدەگەنىن قالايمىن. وزدەرىڭىزدى جاقسىلاپ كۇتىڭىزدەر، - دەپ تىلەگىن ءبىلدىردى رۋمىندىق تازا سوپرانو يەگەرى ادەلا زاحاريا. ەسكە سالار بولساق، ول  2017 جىلى بەدەلدى الەمدىك وپەرالىق بايقاۋلاردىڭ ءبىرى – «وپەراليا پلاسيدو دومينگو» سايىسىندا باس جۇلدە مەن «سارسۋەلا» ارنايى جۇلدە-سىيلىعىن جەڭىپ الىپ، ناعىز سەنساتسياعا اينالعان ەدى.

ورىنداۋشىلار ‘O sole mio نەاپوليتاندىق ءانىن بەكەر تاڭداماعان. ول جايدارلى، قۋانىشقا تولى ءارى جارقىن بولاشاققا ۇلكەن سەنىم بەرەدى. كومپوزيتسيانى 1898 جىلى ەدۋاردو دي كاپۋا (مۋزىكاسى) جانە دجوۆانني كاپۋررو ء(سوزى) جازعان. سول كەزدىڭ وزىندە-اق اتالعان تۋىندى اسا تانىمالدىلىققا يە بولىپ، كەيىن الەمنىڭ كوپتەگەن تىلدەرىنە اۋدارىلدى.

جوبانىڭ بارلىق قاتىسۋشىلارى حالىقتىڭ رۋحىن كوتەرە الاتىن ءارى جاقىن ارادا قيىندىقتى ەڭسەرىپ، قاۋىپتى ۆيرۋستى جەڭەمىز دەگەن سەنىم ۇيالاتاتىن ونەردىڭ ايرىقشا كۇشىنە كامىل سەنەدى.

سوڭعى جاڭالىقتار

جاڭا باعىت

ساياسات • كەشە

ءورت: قاۋىپ پەن ساقتىق

توتەنشە جاعداي • كەشە

تۇلعا تۋرالى تۋىندى

ادەبيەت • كەشە

جولبارىس جىمى

ادەبيەت • كەشە

ەل سەنىمىن جالعاعان جوبا

ەكولوگيا • كەشە

جەلاياقتار استانادا جينالادى

جەڭىل اتلەتيكا • كەشە

جانىبەكتى جەكپە-جەككە شاقىردى

كاسىپقوي بوكس • كەشە

ۇقساس جاڭالىقتار