ايماقتار • 24 ءساۋىر، 2020

اتىراۋ: وبلىستىق اۋرۋحانا كارانتيننەن اشىلىپ، قالىپتى جۇمىسىن باستادى

65 رەت كورسەتىلدى

توتەنشە جاعداي رەجيمىن قالىپتاستىرۋ جونىندەگى شۇعىل شتابتىڭ حابارلاۋىنشا، كارانتين اياقتالعاننان كەيىنگى العاشقى كۇنى  160 مەديتسينالىق قىزمەتكەر جۇمىسقا شىقتى. ولاردىڭ بارلىعىندا كوروناۆيرۋس ينفەكتسياسىنا قايتا تاپسىرىلعان تەست ناتيجەلەرى راستالمادى.

قازىر اۋرۋحانادا جەتى ءبولىم مەن رەانيماتسيا جۇمىس ىستەپ جاتىر. اۋرۋحانا تولىقتاي دەزينفەكتسيالاندى. دارىگەرلەر، مەدبيكەلەر مەن سانيتارلار قورعانىس كوستيۋمدەرىمەن قامتاماسىز ەتىلگەن. 

ء«بىز ەندى اشىلىپ جاتىرمىز. دارىگەرلەر كەزەڭ كەزەڭىمەن جۇمىسقا تارتىلادى. قىزمەتكەرلەرمەن پسيحولوگ جۇمىس ىستەدى. زاڭگەرلەر ەڭبەك اقى تولەۋ جانە جۇمىس ۋاقىتىنا بايلانىستى ماسەلەلەردى تالقىلاۋدا. مۇنىڭ بارلىعى دەنساۋلىق ساقتاۋ ءمينيسترىنىڭ بۇيرىعىمەن زاڭدى نەگىزدە جۇزەگە اسۋدا» دەدى  وبلىستىق اۋرۋحاناسى باس دارىگەرىنىڭ مىندەتىن اتقارۋشى باۋىرجان احمەتقاليەۆ.  

قازىرگى تاڭدا وبلىستىق اۋرۋحانا ەمدەلۋشىلەردى شۇعىل جاعدايدا عانا قابىلداۋدا. جوسپاردى وپەراتسيالار ۋاقىتى كەيىنە شەگەرىلدى. قابىلداۋ ءبولىم پروۆيزورلىق جانە تازا اۋماق بولىپ ەكىگە ءبولىندى.   ءبىرىنشى اۋماقتا Covid-19 ينفەكتسياسىنىڭ ايقىن بەلگىلەرى بار ەمدەلۋشىلەر قابىلدانادى. تازا اۋماقتا باسقا ناۋقاستار قابىلدانادى.

«اۋرۋحاناداعى سانيتارلىق جانە ەپيدەميولوگيالىق قورعانىس شارالارى بۇرىنعىداي ەمەس، كۇشەيتىلدى. بۇعان دەيىن اۋرۋحانانىڭ ايماقتاعى كوروناۆيرۋستىڭ تارالۋ وشاعىنا اينالۋى ءبىز ءۇشىن ۇلكەن ساباق بولدى. قاتەلىكتەردەن ساباق الىندى. ەندى ءبىزدىڭ دارىگەرلەرىمىز ەڭ الدىمەن وزدەرىن ماكسيمالدى تۇردە قورعاۋ ارقىلى، مىڭداعان ناۋقاستىڭ دەنساۋلىعىن ساقتاي الارىنا سەنىمدى» دەدى باۋىرجان احمەتقاليەۆ.

سوڭعى جاڭالىقتار

اراق اۋرۋدان ايىقتىرمايدى

كوروناۆيرۋس • كەشە

ۇقساس جاڭالىقتار