بىرنەشە جىل بۇرىن ول قاراعاندى وبلىسىندا TOKSUMAK اگروتۋريزم كەشەنىن قۇردى. شارۋا قوجالىعى نەگىزىندە قۇرىلعان تۋريستىك كەشەنگە ەكى جىلدىڭ ىشىندە فرانتسيا, گەرمانيا, اقش, شۆەيتساريا, رەسەي, سينگاپۋر, كانادا, تۇركيا, چەحيا, مالايزيا, پولشا, ۆەنگريا, اۆستراليا, جاڭا زەلانديا, گوللانديا, اۆستريا, مالتا, ۇلىبريتانيا, بەلگيا, لاتۆيادان 200-دەن استام شەتەلدىك تۋريستەر كەلدى.ولجاس وماروۆ «اۋىل» پارتياسىنىڭ «ەڭبەك وزاتتارىنىڭ فورۋمىندا» قازاقستان رەسپۋبليكاسى تۋريزم جانە سپورت مينيسترلىگىنىڭ «تۋريزم سالاسىنىڭ ۇزدىگى» توسبەلگىسىمەن ماراپاتتالدى.
وماروۆ ولجاس قارجاس ۇلى Coca-Cola, Wimpex جشس, KسELL سياقتى ءىرى حالىقارالىق كومپانيالاردا ۇزاق ۋاقىت جۇمىس ىستەدى. ول قازاقستانداعى ۆەندينگ بيزنەسىنىڭ العاشقى باستاۋشىلارىنىڭ ءبىرى. سونىمەن قاتار, ناقتى جارناما قۇرالدارىن العاشقىلاردىڭ ءبىرى بولىپ قولداندى. ولجاس قارجاس ۇلى 2013 جىلى وسىمدىك شارۋاشىلىعىمەن اينالىسا باستادى. 2015 جىلدان بەرى ول دايىن كوگال وسىرۋمەن اينالىسىپ, كوشەلەر مەن اۋلالاردى اباتتاندىرۋدا قولدانىلاتىن دايىن شىم كوگالدى ورتالىق قازاقستان وڭىرىندەگى اۋىلدار مەن قالالارعا ساۋدالاۋدا. قازىرگى ۋاقىتتا ول وتباسىلىق قوسالقى شارۋا قوجالىعىن ۇيىمداستىرۋ بويىنشا جاڭا جوبانى قولعا الدى. بۇل الەۋمەتتىك سيپاتى بار جوبا. نەگىزگى ماقساتى-جاقىن ماڭداعى قالا تۇرعىندارىن فەرمانىڭ تازا ورگانيكالىق ونىمدەرىمەن قامتاماسىز ەتۋ.
2015 جىلدانباستاپ «CASHPER» كومپانياسى قازاقستاندا اۋىل شارۋاشىلىق ءتۋريزمدى دامىتۋدا. بۇگىنگىتاڭدا ول نەگىزىن قالاعان TOKSUMAK كەشەنى قازاقستانداعى ەڭ ءىرى اگروتۋريزم ورتالىعىنا اينالىپ ۇلگەردى. مۇنداشەت ەلدەردەن كەلگەن اگروتۋريستەردەمالىپ, اۋىلومىرىمەن, حالقىمىزدىڭسالت-داستۇرلەرىمەنتانىسادىجانە TOKSUMAK ورتالىعىندا ۇيىمداستىرىلعان وتباسىلىق فەرمانىڭ شارۋاشىلىعىندا جۇمىس ىستەپ, شاعىن فەرما ۇيىمداستىرۋ بويىنشا وزدەرىنىڭ ءار ەلدە كورگەن تاجىريبەلەرىمەن بولىسەدى. TOKSUMAK ورتالىعىندا شەتەلدىك تۋريستەر ءۇشىن نۇر سۇلتان جانە قاراعاندى قالالارىنىڭ تاريحي جانە مادەني نىساندارىنا قوسىمشا تۋرلار ۇيىمداستىرىلادى.
ولجاس كارجاس ۇلى قازىرگى ۋاقىتتا اگروتۋريزمدى ەتنوتۋريزممەن, ەكوتۋريزم مەن ينتەگراتسيالاۋ بويىنشا جاڭا جوبانى قولعا الىپ, ازىرلەۋدە. سونىمەن قاتار, ول ۇلتتىق جانە كاسىبي فەستيۆالدەر ورتالىعىن (بۋففالو ترەك-شوۋىناۇقساس), اۋىلدىق جارمەڭكەلەر مەن بارد ءان فەستيۆالدەرىن قۇرۋدى جوسپارلاپ وتىر. بۇل ورتالىقتى قاراعاندى وبلىسى وساكاروۆا ۋدانىنىڭ وزەرنىي اۋىلدىق وكرۋگىندە ىسكە قوسۋ جوسپارلانعان. ورتالىقتىڭ وسى ايماقتاناشىلۋى قاراعاندى, اقمولا جانە پاۆلودار وبلىستارىنان قاتىناۋدىڭ ىڭعايلىلىعىنا, سونداي-اق قاراعاندى جانە نۇر-سۇلتان سياقتى ەكى ۇلكەن قالانىڭ اراسىندا ورنالاسۋىنا بايلانىستى. بۇل جوبا شەتەلدىكتەر ءۇشىن ۇلكەن قىزىعۋشىلىق تۋدىرىپ, ەلىمىزدە تۋريستىك كلاستەردىڭ دامۋىنا سەرپىن بەرەتىنى انىق. اگروتۋريزم ءدال قازىرگى كەزدە ەلىمىز ءۇشىن اسا اكتۋالدى سالا بولماعانىمەن, كەلەشەكتە الەۋەتى وتە زور باعىتتاردىڭ ءبىرى. ەلىمىزگە كەلگەن ءار اگروتۋريست حالقىمىزدىڭ سالت ءداستۇرىن, ەلىمىزدىڭ رۋحاني جانە مادەني بايلىقتارىن الەمگە تانىتۋ تۇرعىسىنان وتە ماڭىزدى.
