سول كەزدە كەڭەستىك كەزەندە وسىنداي ىسپەتتى ورگان بولعان جوق. اتالمىش جارلىقپەن قۇقىق قورعاۋ ورگاندارى جۇيەسىن رەفورمالاۋ ماسەلەلەرىن قاراۋ جونىندەگى مەملەكەتتىك كوميسسيا قۇرىلدى.
قىسقا مەرزىمنىڭ ىشىندە اسكەري پوليتسيا تۋرالى ەرەجە ازىرلەنىپ, بەكىتىلدى. وعان سايكەس قارۋلى كۇشتەر قۇرامىنداعى قۇرىلعان ورگان ءوز مىندەتتەرى مەن فۋنكتسيالارى بەرىلدى.
فۋنكتسيانىڭ ءبىرىنشى كەزەڭدەرىندە ولاردىڭ مىندەتتەرى اسكەري كولىك قۇرالدارىنىڭ جول قوزعالىسى قاۋىپسىزدىگىن قامتاماسىز ەتۋمەن, پاترۋلدەۋمەن, اسكەري قىزمەتشىلەردى ىزدەستىرۋمەن جانە اسكەري قىلمىستاردى انىقتاۋمەن شەكتەلدى. اسكەري پوليتسيا ورگاندارى قويىلعان مىندەتتەردى ورىنداۋعا بىلەك-سىبانا كىرىسىپ كەتتى. ناتيجەسىندە قۇقىق بۇزۋشىلىقتار مەن قىلمىستاردىڭ سانى قىسقاردى.
تاجىريبە جيناي كەلە اسكەري پوليتسيانىڭ مىندەتتەرى مەن فۋنكتسيالارىنىڭ اۋقىمى كەڭەيتىلە باستادى. ول قارۋلى كۇشتەردە سىبايلاس جەمقورلىققا قاتىستى قۇقىق بۇزۋشىلىقتاردىڭ الدىن الۋ بويىنشا وكىلەتتىككە يە بولدى. ەندى ونىڭ قۇزىرىنا بۇرىن گارنيزون باستىقتارىنىڭ قاراماعىندا بولعان گاۋپتۆاحتالار بەرىلدى. كينولوگيالىق قىزمەتتىڭ پايدا بولۋى ماڭىزدى بولدى. ونى تالاپ ەتىلەتىن جوعارى دەڭگەيگە شىعارۋ ءۇشىن وراسان زور جۇمىس اتقارىلدى. قازىر كينولوگتار مەن قىزمەتتىك يتتەردىڭ كاسىبيلىگى قازاقستاندا تانىلىپ, حالىقارالىق دەڭگەيدە باعالاندى. وعان اسكەري حالىقارالىق ويىندارداعى كينولوگيالىق بولىمشەلەر اراسىنداعى «ادال دوس» سايىسىندا يە بولعان جۇلدەلى ورىندارى دالەل بولىپ وتىر.
2019 جىلدىڭ تامىزىندا اسكەري پوليتسيا ورگاندارىنىڭ قىزمەتى اسكەري قىزمەتتىڭ قاۋىپسىزدىگىن قامتاماسىز ەتۋمەن تولىقتىرىلدى. وسى ماقساتتا جەكە باسقارما قۇرىلدى, وعان بارلىق اسكەري بولىمدەردە, جەرگىلىكتى اسكەري باسقارۋ ورگاندارىندا اسكەري قىزمەت قاۋىپسىزدىگىن باقىلاۋ بويىنشا مىندەتتەر, سونداي-اق بارلىق ىقتيمال تاۋەكەلدەردى ازايتۋ بويىنشا الدىن الۋ جۇمىستارىن جۇرگىزۋ جۇكتەلگەن. باقىلاۋ شارالارى بارىسىندا وسى باسقارمانىڭ قىزمەتكەرلەرى اسكەري قىزمەتشىلەردىڭ ءومىرى مەن دەنساۋلىعىنا, قورشاعان ورتاعا نەمەسە جەرگىلىكتى حالىققا, زالال كەلتىرە الاتىن اسكەري قىزمەتتىڭ بارلىق سالالارىن تەكسەرەدى. تەكسەرۋ قورىتىندىسى بويىنشا اسكەري پوليتسيا بۇزۋشىلىقتاردى جويۋ جونىندە ۇسىنىمدار بەرىپ, كەيىن قايتا باقىلاۋ جۇرگىزەدى.
قازاقستان اسكەرىنىڭ كۇندەلىكتى قىزمەتىن اسكەري پوليتسيانىڭ قاتىسۋىنسىز ەلەستەتۋ مۇمكىن ەمەس. ونىڭ قىزمەتىنىڭ وڭ ناتيجەلەرى ەلدىڭ قورعانىس قابىلەتىن قامتاماسىز ەتۋگە ۇلكەن ۇلەس قوسادى. بۇگىنگى كۇنى توتەنشە جاعداي رەجيمى مەن قازاقستاندا قابىلدانعان كارانتيندىك شارالار جاعدايىندا اسكەري پوليتسيا قارۋلى كۇشتەردىڭ باسقا بولىمشەلەرىمەن قاتار قوعامدىق قۇقىقتىق ءتارتىپتى قامتاماسىز ەتۋگە بەلسەندى قاتىسۋدا. تاجىريبەلى اسكەري پوليتسيا قىزمەتكەرلەرى بلوكبەكەتتەردە قىزمەت اتقارۋعا, ەلدى مەكەندەردى بىرلەسىپ پاترۋلدەۋگە قاتىسۋدا.
