– مەن بارلىعى ءۇشىن ءان سالمايمىن, مەن ءاربىر ادام ءۇشىن ءان سالامىن. بۇگىندە دارىگەرلەر مەن مەديتسينا قىزمەتكەرلەرىنىڭ جانكەشتىلىگى مەن تاباندىلىعىنا تورتكۇل دۇنيە قايران قالۋدا. بۇگىنگى كۇننىڭ باتىرلارى بۇل – باسقانىڭ ءومىرى ءۇشىن شىبىن جانىن شۇبەرەككە ءتۇيىپ, كۇندىز-ءتۇنى قىزمەت ەتىپ جۇرگەن دارىگەرلەر. جەر-جەردە كوروناۆيرۋسقا شالدىققاندار سانى ارتۋدا. دەگەنمەن جازىلىپ شىققانداردىڭ سانى دا از ەمەس. ارينە بۇعان اق حالاتتى ابزال جانداردىڭ ەرەن ەڭبەگىنىڭ ارقاسىندا قول جەتكىزىپ جاتىرمىز. «حابار» اگەنتتىگى قر مادەنيەت جانە سپورت مينيسترلىگى, «استانا وپەرا» موبت-مەن بىرگە دارىگەرلەرگە ارناپ «بۇكىلالەمدىك دۇعا» اتتى الەمدىك تانىمال تۋىندى – گرەك كومپوزيتورى ۆانگەليستىڭ كلاسسيكالىق شىعارماسىنا كليپ ءتۇسىردى. بۇعان قوسا كليپتە كوروناۆيرۋسپەن كۇرەسىپ جۇرگەن دۇنيەجۇزى دارىگەرلەرى تۋرالى كادرلار دا قولدانىلدى, – دەپ اتاپ ءوتتى اتاقتى ءانشى مايرا مۇحامەدقىزى.
قازاقستاندىقتار «بۇكىلالەمدىك دۇعا» بەينەجوباسىن ەرەكشە قۇلشىنىسپەن قابىل الىپ, جۇزدەگەن تامسانعان پىكىرلەر قالدىردى, وسىناۋ كليپتى ءوز پاراقشالارى ارقىلى كوپتەپ تاراتتى. ولاردىڭ باسىم كوپشىلىگى بارلىق مەديتسينا قىزمەتكەرلەرىنىڭ توزىمدىلىگى مەن قايسارلىعىنا باس يەتىندىكتەرىن ايتتى.
