2013 جىلعى 13 ماۋسىم, استانا قالاسى
«قازاقستان رەسپۋبليكاسى قارۋلى كۇشتەرى اسكەري پوليتسياسى گاۋپتۆاحتالارىنىڭ ىشكى ءتارتىپ قاعيدالارىن بەكىتۋ تۋرالى» قازاقستان رەسپۋبليكاسى قورعانىس ءمينيسترىنىڭ 2012 جىلعى 13 جەلتوقسانداعى № 972 بۇيرىعىنا وزگەرىستەر مەن تولىقتىرۋلار ەنگىزۋ تۋرالى
«ادامداردى قوعامنان ۋاقىتشا وقشاۋلاۋدى قامتاماسىز ەتەتىن ارناۋلى مەكەمەلەردە ۇستاۋ ءتارتىبى مەن شارتتارى تۋرالى» قازاقستان رەسپۋبليكاسى زاڭىنىڭ 15-بابىنا سايكەس بۇيىرامىن:
1. «قازاقستان رەسپۋبليكاسى قارۋلى كۇشتەرى اسكەري پوليتسياسى گاۋپتۆاحتالارىنىڭ ىشكى ءتارتىپ قاعيدالارىن بەكىتۋ تۋرالى» قازاقستان رەسپۋبليكاسى قورعانىس ءمينيسترىنىڭ 2012 جىلعى 13 جەلتوقسانداعى № 972 بۇيرىعىنا (نورماتيۆتىك قۇقىقتىق اكتىلەر تىزىلىمىندە №8266 بولىپ تىركەلگەن, 2013 جىلعى 23 اقپانداعى № 74 (28013) «ەگەمەن قازاقستان» گازەتىندە جاريالانعان) مىناداي وزگەرىستەر مەن تولىقتىرۋلار ەنگىزىلسىن:
اتاۋى مىناداي رەداكتسيادا جازىلسىن:
«قازاقستان رەسپۋبليكاسى قارۋلى كۇشتەرى اسكەري پوليتسياسىنىڭ كۇدىكتىلەرى مەن ايىپتالۋشىلارعا ارنالعان گاۋپتۆاحتالارىنىڭ ىشكى ءتارتىپ قاعيدالارى»;
2-تارماق مىناداي مازمۇنداعى 3) تارماقشامەن تولىقتىرىلسىن:
«3) بۇقارالىق اقپارات قۇرالدارىندا رەسمي جاريالانعاننان كەيىن بۇيرىقتى قازاقستان رەسپۋبليكاسى قورعانىس مينيسترلىگىنىڭ ۆەب-سايتىنا ورنالاستىرسىن.»;
3-تارماق مىناداي رەداكتسيادا جازىلسىن:
«3. وسى بۇيرىقتىڭ ورىندالۋىن باقىلاۋ قورعانىس ءمينيسترىنىڭ ءبىرىنشى ورىنباسارى – قازاقستان رەسپۋبليكاسى قارۋلى كۇشتەرى باس شتابىنىڭ باستىعىنا جۇكتەلسىن.»;
قازاقستان رەسپۋبليكاسى قارۋلى كۇشتەرى اسكەري پوليتسياسى گاۋپتۆاحتالارىنىڭ ىشكى ءتارتىپ قاعيدالارى وسى بۇيرىققا قوسىمشاعا سايكەس رەداكتسيادا جازىلسىن.
2. قازاقستان رەسپۋبليكاسى قارۋلى كۇشتەرى اسكەري پوليتسياسى باس باسقارماسىنىڭ باستىعى:
1) زاڭنامادا بەلگىلەنگەن تارتىپپەن وسى بۇيرىقتى مەملەكەتتىك تىركەۋ ءۇشىن قازاقستان رەسپۋبليكاسىنىڭ ادىلەت مينيسترلىگىنە جولداسىن;
2) مەملەكەتتىك تىركەلگەننەن كەيىن بۇيرىقتى رەسمي جاريالاۋ ءۇشىن بۇقارالىق اقپارات قۇرالدارىنا جولداسىن;
3) بۇقارالىق اقپارات قۇرالدارىندا رەسمي جاريالانعاننان كەيىن بۇيرىقتى قازاقستان رەسپۋبليكاسى قورعانىس مينيسترلىگىنىڭ ۆەب-سايتىنا ورنالاستىرسىن.
3. بۇيرىقتىڭ ورىندالۋىن باقىلاۋ قورعانىس ءمينيسترىنىڭ ءبىرىنشى ورىنباسارى – قازاقستان رەسپۋبليكاسى قارۋلى كۇشتەرى باس شتابىنىڭ باستىعىنا جۇكتەلسىن.
4. بۇيرىق لاۋازىمدى ادامدارعا, ولارعا قاتىستى بولىگىندە جەتكىزىلسىن.
5. وسى بۇيرىق العاش رەسمي جاريالانعان كۇننەن كەيىن كۇنتىزبەلىك ون كۇن وتكەن سوڭ قولدانىسقا ەنگىزىلەدى.
ءا. جاقسىبەكوۆ.
قازاقستان رەسپۋبليكاسى قورعانىس ءمينيسترىنىڭ
2013 جىلعى 13 ماۋسىمداعى № 291 بۇيرىعىنا قوسىمشا
قازاقستان رەسپۋبليكاسى قورعانىس ءمينيسترىنىڭ
2013 جىلعى 13 جەلتوقسانداعى № 972 بۇيرىعىمەن بەكىتىلگەن
كۇدىكتىلەر مەن ايىپتالۋشىلارعا ارنالعان قازاقستان رەسپۋبليكاسى قارۋلى كۇشتەرى اسكەري پوليتسياسى گاۋپتۆاحتالارىنىڭ ىشكى ءتارتىپ قاعيدالارى
1. جالپى ەرەجەلەر
1. وسى كۇدىكتىلەر مەن ايىپتالۋشىلارعا ارنالعان قازاقستان رەسپۋبليكاسى قارۋلى كۇشتەرى اسكەري پوليتسياسى گاۋپتۆاحتالارىنىڭ iشكi ءتارتiپ قاعيدالارى (بۇدان ءارi – قاعيدالار) «ادامداردى قوعامنان ۋاقىتشا وقشاۋلاۋدى قامتاماسىز ەتەتىن ارناۋلى مەكەمەلەردە ۇستاۋ ءتارتىبى مەن شارتتارى تۋرالى» قازاقستان رەسپۋبليكاسى زاڭىنىڭ (بۇدان ءارi – زاڭ) 15-بابىنا سايكەس ازىرلەندى, كۇدىكتىلەر مەن ايىپتالۋشىلاردى (بۇدان ءارى – قاماۋعا الىنعاندار اسكەري قىزمەتشىلەر) گاۋپتۆاحتادا ۇستاۋ رەجيمىن قامتاماسىز ەتۋ ماقساتىندا قازاقستان رەسپۋبليكاسى قارۋلى كۇشتەرى اسكەري پوليتسياسىنىڭ گاۋپتۆاحتالارىنداعى (بۇدان ءارى – گاۋپتۆاحتالار) iشكi ءتارتiپتى ايقىندايدى.
2. گاۋپتۆاحتاعا قاماۋعا الىنعان اسكەري قىزمەتشىلەردى
قابىلداۋ جانە كامەرالار بويىنشا ورنالاستىرۋ
2. گاۋپتۆاحتاعا قاماۋعا الىناتىن اسكەري قىزمەتشىلەردى قابىلداۋدى گاۋپتۆاحتا باستىعى نەمەسە گاۋپتۆاحتا قاراۋىلىنىڭ (كەزەكشى اۋىسىم) باستىعى تاۋلىك بويى جۇرگىزەدى, ول گاۋپتۆاحتاعا جەتكىزىلگەن ادامدى قابىلداۋ ءۇشىن نەگىزدەمە بولاتىن قۇجاتتاردىڭ بار بولۋىن تەكسەرەدى, كورسەتىلگەن ادامنان جاۋاپ الادى جانە مەديتسينالىق تەكسەرۋدى جۇرگىزەتىن مەديتسينا قىزمەتكەرىنىڭ قاتىسۋىمەن ونىڭ جاۋاپتارىن جەكە باسىن كۋالاندىراتىن قۇجاتتا كورسەتىلگەن مالىمەتتەرمەن سالىستىرىپ تەكسەرەدى.
3. گاۋپتۆاحتاعا قاماۋعا الىنعان اسكەري قىزمەتشىلەر مىناداي قۇجاتتارمەن جىبەرىلەدى: ۇستاۋ حاتتاماسى, سۋديا سانكتسيا بەرگەن تەرگەۋشىنىڭ, انىقتاۋشىنىڭ قاۋلىسى نە قاماۋعا الۋ تۇرىندەگى جولىن كەسۋ شاراسىن تاڭداۋ تۋرالى سوتتىڭ قاۋلىسى, ۇكىم كوشىرمەسى, ونى ورىنداۋ تۋرالى وكىم جانە دەنساۋلىق جاعدايى بويىنشا اسكەري قىزمەتكە جارامدىلىعى تۋرالى اسكەري-دارىگەرلىك كوميسسيا قورىتىندىسىنىڭ كوشىرمەسى
.
4. گاۋپتۆاحتاعا قاماۋعا الىنعان اسكەري قىزمەتشىنىڭ جەكە باسىن كۋالاندىراتىن قۇجاتتار جەكە ىسىندە ساقتالادى, سۇراۋ سالۋ بويىنشا كەيىننەن قايتارىپ بەرۋمەن قىلمىستىق ءىس جۇرگىزۋ پروتسەسىن جۇرگىزەتىن ورگاننىڭ وكىلىنە قولىن قويعىزىپ بەرىلەدى.
5. اسكەري قىزمەتشىلەردى قابىلداۋ كەزىندە قاجەتتى قۇجاتتاردىڭ بولۋىن جانە ولاردىڭ دۇرىس رەسىمدەلگەنىن تەكسەرىلەدى.
6. گاۋپتۆاحتاعا قاماۋعا الۋ تۇرىندەگى جولىن كەسۋ شاراسىن تاڭداۋ تۋرالى سۋديا نە سوت قاۋلىسىنان ءۇزىندى ۇسىنىلعان جاعدايلاردا وندا وسى جولىن كەسۋ شاراسى قولدانىلعانعا قاتىستى ادامنىڭ تولىق ساۋالناما دەرەكتەرى كورسەتىلۋگە ءتيىس. ءۇزىندىنى لاۋازىمدى ادامنىڭ قولتاڭباسىمەن راستالعان, ەلتاڭبالى مورمەن بەكىتىلگەن بولۋعا جانە كۇنتىزبەلىك ءۇش كۇننەن كەشىكتىرىلمەي قاۋلىنىڭ كوشىرمەسىمەن اۋىستىرىلۋعا ءتيىس.
7. مەديتسينا قىزمەتكەرىنىڭ قورىتىندىسى بويىنشا گاۋپتۆاحتاعا قاماۋعا الىنعان اسكەري قىزمەتشىلەر شۇعىل ستاتسيونارلىق ەمدەلۋگە مۇقتاج بولسا گاۋپتۆاحتاعا قابىلدانبايدى.
مەديتسينالىق كورسەتكىشتەر بويىنشا ولارعا مەديتسينالىق كومەك كورسەتiلەدi.
8. مەديتسينالىق تەكسەرۋدەن وتكىزىلگەننەن جانە ونىڭ ناتيجەلەرىن العاننان كەيiن گاۋپتۆاحتاعا قاماۋعا الىنعان اسكەري قىزمەتشىلەر توسەك جابدىقتارىن الادى.
9. گاۋپتۆاحتاعا قاماۋعا الىنعان اسكەري قىزمەتشىلەرگە قۇقىقتارى مەن مiندەتتەرi, قاماۋدا ۇستاۋ رەجيمi, تارتiپتiك تالاپتار, ۇسىنىستاردى, وتiنiشتەر مەن شاعىمداردى بەرۋ ءتارتiبi تۋرالى اقپارات بەرىلەدى. كورسەتiلگەن اقپارات جازباشا, سونداي-اق اۋىزشا بەرىلەدى.
10. ءاربiر گاۋپتۆاحتا ستەندىلەرىندە گاۋپتۆاحتادا ۇستالاتىن ادامداردىڭ نەگiزگi قۇقىقتارى مەن مiندەتتەرi تۋرالى مەملەكەتتiك جانە ورىس تiلدەرiندە جازىلعان اقپارات iلiنەدi.
11. گاۋپتۆاحتاعا قاماۋعا الىنعان اسكەري قىزمەتشىلەر مىناداي تالاپتاردى ساقتاي وتىرىپ, گاۋپتۆاحتادا ۇستالعان (سوتتالعان ادامدار, اكىمشىلىك جولىمەن قامالعان) باسقا قامالعانداردان بولەك جانە جەكە كامەرالارعا ورنالاستىرىلادى:
1) وفيتسەرلەر سەرجانتتار مەن ستارشينالار قۇرامىنىڭ لاۋازىمدارىندا كەلىسىمشارت بويىنشا اسكەري قىزمەت وتكەرەتىن اسكەري قىزمەتشىلەردەن بولەك;
2) مەرزىمدى اسكەري قىزمەت اسكەري قىزمەتشىلەرى 1) تارماقشادا كورسەتىلگەن اسكەري قىزمەتشىلەر ساناتىنان بولەك;
3) اسكەري قىزمەتشى ايەلدەرەرلەردەن بولەك;
4) ءبىر قىلمىستىق ءىس بويىنشا نەمەسە ءوزارا بايلانىستى بىرنەشە ءىس بويىنشا اسكەري قىزمەتشىلەر;
5) گاۋپتۆاحتا باستىعىنىڭ شەشىمى بويىنشا نە ءىس جۇرگىزۋىندە قىلمىستىق ءىس بار ادامنىڭ نەمەسە ورگاننىڭ جازباشا شەشىمى بويىنشا باسقا كۇدىكتىلەر مەن ايىپتالۋشىلار تاراپىنان ءومىرى مەن دەنساۋلىعىنا قاۋىپ تونەتىن كۇدىكتىلەر مەن ايىپتالۋشىلار;
6) ينفەكتسيالىق سىرقاتتارمەن ناۋقاستانعان نەمەسە ەرەكشە مەديتسينالىق كۇتىمدى جانە قاداعالاۋدى قاجەت ەتەتىن اسكەري قىزمەتشىلەر.
كامەرالار بويىنشا ورنالاستىرۋدى كامەرالارعا ورنالاستىرۋ جوسپارىنا سايكەس قاعيدالارعا 1-قوسىمشاعا سايكەس گاۋپتۆاحتا باستىعى نەمەسە قاراۋىل (كەزەكشى اۋىسىم) باستىعى جۇرگىزەدى.
12. گاۋپتۆاحتاعا قاماۋعا الىنعان اسكەري قىزمەتشىلەر قاعيدالارعا 2-قوسىمشاعا سايكەس ورتاق كامەرالار سيپاتتاماسىندا كورسەتىلگەن ق ۇلىپپەن جابىلاتىن ورتاق كامەرالاردا ۇستالادى.
گاۋپتۆاحتادا ۇستالاتىن ادامداردى جەكە كامەرالارعا ورنالاستىرۋعا گاۋپتۆاحتا باستىعىنىڭ دالەلدى شەشىمى بويىنشا:
1) زاڭنىڭ 32-بابىندا كوزدەلگەن بولەك ورنالاستىرۋ تالاپتارىن ساقتاۋدى قامتاماسىز ەتۋدiڭ وزگە دە مۇمكiندiگi بولماعان كەزدە;
2) ءومiرى مەن دەنساۋلىق قاۋiپسiزدiگiن قامتاماسىز ەتۋ مۇددەسiندە;
3) گاۋپتۆاحتادا ۇستالاتىن ادامداردىڭ جەكە ۇستاۋ تۋرالى جازباشا ءوتiنiشى بولعان كەزدە;
4) باسقا قاماۋعا الىنعاندارعا جانە سوتتالعاندارعا, گاۋپتۆاحتا قاراۋىلىنىڭ (كەزەكشى اۋىسىمنىڭ) جەكە قۇرامىنا ءتىل تيگىزگەن;
5) گاۋپتۆاحتا قاراۋىلىنىڭ (كەزەكشى اۋىسىمنىڭ) نەمەسە اسكەري پوليتسيانىڭ باسقا دا لاۋازىمدى ادامدارىنىڭ زاڭدى تالاپتارىنا باعىنباعان;
6) گاۋپتۆاحتادا ۇستالاتىن كۇدىكتىلەر مەن ايىپتالۋشىلاردى ۇستاۋ ءتارتىبى مەن قاعيدالارى بۇزىلعان;
7) ساقتاۋعا جانە پايدالانۋعا تىيىم سالىنعان قۇرالداردى, زاتتاردى ساقتاعان, جاساعان جانە پايدالانعان;
8) قۇمارلىق ويىندارىنا قاتىسقان جاعدايلاردا جول بەرىلەدى.
13. جەكە كامەراعا كۇنتىزبەلىك بiر كۇننەن ارتىق مەرزىمگە قاماۋعا الۋعا زاڭنىڭ 31-بابىنىڭ تارتiبiندە قاعيدالارعا 3-قوسىمشاعا سايكەس ۇلگى بويىنشا پروكۋرور سانكتسيا بەرگەن گاۋپتۆاحتا باستىعىنىڭ دالەلدى قاۋلىسى نەگىزىندە جول بەرىلەدى.
مىناداي جاعدايلاردا جەكە كامەرالارعا ورنالاستىرۋعا پروكۋروردىڭ سانكتسياسى تالاپ ەتىلمەيدى:
1) وسى زاڭنىڭ 32-بابىندا كوزدەلگەن بولەك ورنالاستىرۋ تالاپتارىن ساقتاۋدى قامتاماسىز ەتۋدىڭ وزگە دە مۇمكىندىگى بولماعان كەزدە;
2) كۇدىكتىنىڭ نەمەسە ايىپتالۋشىنىڭ نە باسقا دا كۇدىكتىلەردىڭ نەمەسە ايىپتالۋشىلاردىڭ ءومىرى مەن دەنساۋلىعى قاۋىپسىزدىگىن قامتاماسىز ەتۋ مۇددەسىندە;
3) كۇدىكتىنىڭ نەمەسە ايىپتالۋشىنىڭ جەكە ۇستاۋ تۋرالى جازباشا ءوتىنىشى بولعان كەزدە;
4) ەگەر كۇدىكتىلەر مەن ايىپتالۋشىلار كۇندىز ورتاق كامەرادا ۇستالسا, ولاردى جەكە كامەرالارعا ورنالاستىرعان كەزدە.
14. وقشاۋلاۋ ءتارتىبى گاۋپتۆاحتاعا قاماۋعا الىنعان اسكەري قىزمەتشىلەردىڭ بارلىق ءجۇرىپ-تۇرۋىندا (گاۋپتۆاحتا دالىزدەرى مەن اۋماعىندا ءجۇرى-تۇرۋىندا, سەرۋەندەۋىندە, سانيتارلىق وڭدەۋدە, ەڭبەك وبەكتىلەرىندە) قامتاماسىز ەتىلۋگە ءتيىس.
15. وقشاۋلاۋدى قامتاماسىز ەتۋ ءۇشىن كامەرالاردىڭ تەرەزەلەرى كامەراعا تابيعي جارىق تۇسۋىنە كەدەرگى كەلتىرىلمەيتىن تورلارمەن جابدىقتالادى.
3. گاۋپتۆاحتاعا قاماۋعا الىنعان اسكەري قىزمەتشىلەرگە جەكە تiنتۋ جۇرگىزۋ,
داكتيلوسكوپيا جاساۋ, ولاردى سۋرەتكە ءتۇسiرۋ جانە زاتتارىن تەكسەرۋ
16. گاۋپتۆاحتاعا قاماۋعا الىنعان اسكەري قىزمەتشىلەرگە جەكە تiنتۋ جۇرگiزiلۋگە, داكتيلوسكوپيا جاسالۋعا جانە سۋرەتكە تۇسiرiلۋگە, ال ولاردىڭ جەكە زاتتارى تەكسەرىلۋگە ءتيىس.
17. گاۋپتۆاحتاعا قاماۋعا الىنعان اسكەري قىزمەتشىلەردى جەكە تiنتۋ جانە ولاردىڭ زاتتارىن تەكسەرۋ ساقتاۋعا جانە پايدالانۋعا تىيىم سالىنعان قۇرالداردى, زاتتار مەن ازىق-تۇلiك ءونىمىن نە وسى اسكەري قىزمەتشىگە تيەسiلi ەمەس زاتتاردى انىقتاۋ جانە الۋ ماقساتىندا جۇرگiزiلەدi.
18. گاۋپتۆاحتاعا قاماۋعا الىنعان اسكەري قىزمەتشىلەرگە ساقتاۋعا جانە پايدالانۋعا تىيىم سالىنعان زاتتارعا ادام ومiرiنە جانە دەنساۋلىعىنا قاۋiپ توندiرەتiن نەمەسە قىلمىس جاساۋ قۇرالى رەتiندە نە قاماۋدا ۇستاۋ ماقساتتارىنا قارسىلاسۋ ءۇشىن پايدالانىلۋى مۇمكىن قۇرالدار, زاتتار مەن ازىق-ت ۇلىك ءونىمى جاتادى.
گاۋپتۆاحتاعا قاماۋعا الىنعان اسكەري قىزمەتشىلەرگە قاعيدالارعا 4-قوسىمشادا بەلگىلەنگەن گاۋپتۆاحتاعا قاماۋعا الىنعان اسكەري قىزمەتشىلەر وزدەرىمەن بىرگە الىپ جۇرە الاتىن, ساقتاي الاتىن, سالەمدەمەلەر ارقىلى الا الاتىن ازىق-ت ۇلىك ءونىمى, ءبىرىنشى كەزەكتە قاجەت زاتتار, اياق كيiم, كيiم مەن باسقا دا ونەركاسىپتىك تاۋارلار تىزبەسىنە (بۇدان ءارi – ازىق-ت ۇلىك ونىمدەرىنىڭ تiزبەسى) سايكەس ازىق-ت ۇلىك ءونىمىن سالەمدەمەلەر ارقىلى الۋعا رۇقسات ەتىلەدى.
19. گاۋپتۆاحتاعا قاماۋعا الىنعان اسكەري قىزمەتشىلەر قابىلداۋ جانە ودان تىس جەرگە جونەلتۋ الدىندا, جەكە كامەراعا قاماۋعا الىنعان كەزدە جەكە تiنتۋگە جاتادى.
20. جەكە تiنتۋ اسكەري قىزمەتشىنى, ونىڭ كيiمi جانە اياق كيiمiن مۇقيات تەكسەرۋمەن سۇيەمەلدەنەدى. پلاستىر جاپسىرمالارى, گيپس جانە باسقا دا تانۋلار مەديتسينا قىزمەتكەرiمەن بiرگە تەكسەرiلەدi. كيiمگە جاسىرىن تiگiلگەن زاتتار انىقتالعان كەزدە ماتاسى سوگiلەدi. اياق كيiمنەن وكشەلەر, مەتالل تاعالار الىنادى.
21. گاۋپتۆاحتاعا قاماۋعا الىنعان اسكەري قىزمەتشىلەردى جەكە ءتiنتۋدى گاۋپتۆاحتا قىزمەتكەرلەرi جۇرگiزەدi.
جەكە تەكسەرۋدى تەك تەكسەرۋشىمەن بىرگە جىنىسى ءبىر ەكى كۋاگەردىڭ قاتىسۋىمەن جىنىسى ءبىر ادام جۇرگىزەدى.
گاۋپتۆاحتاعا قاۋماۋعا الىنعان اسكەري قىزمەشىلەرگە داكتيلوسكوپيا جاسايدى.
22. گاۋپتۆاحتاعا قاماۋعا الىناتىن اسكەري قىزمەتشىلەردى, ولاردىڭ جەكە iسiندە تانۋ فوتوسۋرەتتەرى بولماعان كەزدە گاۋپتۆاحتا اكىمشىلىگى سۋرەتكە تۇسىرەدi. ولاردىڭ ارقايسىسىنا كولەمi 4,5ح6, 6ح9 سانتيمەتر التى فوتوسۋرەت (ۇشەۋi الدىنان جانە ۇشەۋi قىرىنان) جاسالادى.
23. گاۋپتۆاحتاعا قاماۋعا الىنعان اسكەري قىزمەتشىلەردىڭ زاتتارىن تەكسەرۋ گاۋپتۆاحتاعا كەلىپ تۇسكەن كەزدە, ودان تىس جەرگە جونەلتەر الدىندا, باسقا كامەراعا, اسكەري-مەديتسينالىق مەكەمەگە اۋىستىرۋ كەزىندە ولاردىڭ قاتىسۋىمەن جۇرگiزiلەدi.
ولاردىڭ قۇرىلىمدىق تۇتاستىعىن بۇزباي جۇزەگە اسىرىلاتىن زاتتاردى تەكسەرۋ ەكى كۋاگەردىڭ قاتىسۋىمەن مەنشىگىندە بۇل زاتتار بار ادامنىڭ قاتىسۋىمەن جۇرگىزىلەدى.
24. گاۋپتۆاحتاعا قاماۋعا الىنعان اسكەري قىزمەتشىلەرگە جەكە تiنتۋ نەمەسە ولاردىڭ زاتتارىن تەكسەرۋ حاتتامامەن رەسiمدەلەدi, وعان تىيىم سالىنعان قۇرالداردىڭ, زاتتار مەن ازىق-تۇلiك ءونىمىنىڭ الىنعانى تۋرالى اكتى قوسا بەرىلەدى. جەكە تiنتۋ مەن زاتتاردى تەكسەرۋ قاتار جۇرگiزiلگەن كەزدە بiر حاتتاما جاسالادى. حاتتاماعا گاۋپتۆاحتاعا قاماۋعا الىناتىن اسكەري قىزمەتشى جانە جەكە تiنتۋ نەمەسە زاتتارىنا تەكسەرۋ جۇرگiزگەن گاۋپتۆاحتا قاراۋىلىنىڭ باستىعى قول قويادى.
25. گاۋپتۆاحتاعا قاماۋعا الىناتىن اسكەري قىزمەتشىنىڭ حاتتاماعا قول قويۋدان باس تارتۋى جانە ونىڭ تiنتۋ نەمەسە زاتتارىن تەكسەرۋ كەزiندەگi بارلىق تالاپتارى حاتتامادا جازىلادى. حاتتاما مەن اكتى جەكە iسكە تىركەلەدى.
26. جەكە تiنتۋ كەزىندە تىيىم سالىنعان قۇرالداردى, زاتتار مەن ازىق-تۇلiك ءونىمىن الۋ تۋرالى حاتتاما جاسالادى.
4. گاۋپتۆاحتاعا قاماۋعا الىنعان اسكەري قىزمەتشىلەردەن ساقتاۋعا جانە پايدالانۋعا تىيىم سالىنعان قۇرالداردى, زاتتار مەن ازىق-تۇلiك ءونىمىن الۋ
27. گاۋپتۆاحتاعا قاماۋعا الىنعان اسكەري قىزمەتشىدەن ساقتاۋعا قابىلدانعان نەمەسە وعان تيەسىلى الىنعان اقشا, قۇندىلىقتار گاۋپتۆاحتا باستىعىنا ساقتاۋعا تاپسىرىلادى. جەكە قۇجاتتار (جەكە باسىن كۋالاندىراتىن قۇجاتتار) گاۋپتۆاحتا باستىعىندا ساقتالادى. ساقتاۋعا جانە پا
يدالانۋعا تىيىم سالىنعان قۇرالدار, زاتتار مەن ازىق-تۇلiك ءونىمى قاماۋعا الىنعانداردىڭ زاتتارىن ساقتايتىن بولمەسىنە ساقتاۋعا تاپسىرىلادى نەمەسە جويىلادى.
28. گاۋپتۆاحتاعا قاماۋعا الىنعان اسكەري قىزمەتشىلەردەن الۋ نە ساقتاۋعا قابىلداۋ ناتيجەلەرى بويىنشا قاعيدالارعا 5-قوسىمشاعا سايكەس ۇلگى بويىنشا ءۇش دانادا الۋ اكتىسى جاسالادى. بiرiنشi داناسى گاۋپتۆاحتاعا قاماۋعا الىنعان اسكەري قىزمەتشىگە بەرiلەدi, ەكiنشi داناسى – ءبولiمنىڭ ۋاكىلەتتى وكىلىنە بەرىلەدى, ءۇشiنشi داناسى جەكە iستە ساقتالادى. گاۋپتۆاحتادا ۇستالاتىن قاماۋعا الىنعانداردى (ۇستالعانداردى, كۇدىكتىلەردى, ايىپتالۋشىلاردى, سوتتالعانداردى) ەسەپكە الۋ كىتابىندا الىنعان جانە ساقتاۋعا قابىلدانعان زاتتار مەن م ۇلىك تۋرالى جازبا جاسالادى جانە ءۇش دانادا جاسالاتىن ولاردى قابىلداعانى تۋرالى وعان قولحات بەرىلەدى, ودان كەيىن تۇتقىندالعان كامەراعا ورنالاستىرۋ ءۇشىن گاۋپتۆاحتا (كەزەكشى اۋىسىم) باستىعىنا جىبەرىلەدى.
29. گاۋپتۆاحتاعا قاماۋعا الىنعان اسكەري قىزمەتشىلەردەن زاتتار مەن ازىق-تۇلiك ءونىمىن ساقتاۋعا قابىلداۋدى مەديتسينالىق ءبولىم قىزمەتكەرىنىڭ قاتىسۋىمەن قاراۋىل (كەزەكشى اۋىسىم) باستىعى جۇرگىزەدى.
30. قاماۋدا ۇستاۋ كەزەڭiندە گاۋپتۆاحتاعا قاماۋعا الىنعان اسكەري قىزمەتشىدەن اقشانى نەمەسە قۇندىلىقتاردى الۋدىڭ نەمەسە تابۋدىڭ ءاربiر فاكتiسى بويىنشا ولاردىڭ كەلىپ ءتۇسۋ كوزىن جانە ناقتى يەسiن انىقتاۋ مانىنە قىزمەتتىك تەكسەرۋ جۇرگiزiلەدi.
31. گاۋپتۆاحتاعا قاماۋعا الىنعان اسكەري قىزمەتشىنىڭ ءوتiنiشi بويىنشا جانە ادامنىڭ نە iس جۇرگىزۋىندە قىلمىستىق ءىسى بار ورگاننىڭ كەلiسiمiمەن گاۋپتۆاحتادا ساقتاۋدا تۇرعان قۇرالدار, زاتتار جانە ازىق-تۇلiك ءونىمى گاۋپتۆاحتاعا قاماۋعا الىنعان اسكەري قىزمەتشىنىڭ تۋىستارىنا بەرiلەدى.
32. گاۋپتۆاحتاعا قاماۋعا الىنعان اسكەري قىزمەتشى قايتىس بولعان جاعدايدا ساقتاۋدا تۇرعان وعان تيەسىلى اقشا, قۇندىلىقتار, باسقا دا قۇرالدار, زاتتار جانە ازىق-تۇلiك ءونىمى ونىڭ تۋىستارىنا بەرىلەدى.
5. گاۋپتۆاحتاعا قاماۋعا الىنعان اسكەري قىزمەتشىلەردى
ماتەريالدىق-تۇرمىستىق قامتاماسىز ەتۋ
33. گاۋپتۆاحتاعا قاماۋعا الىنعان اسكەري قىزمەتشىلەر:
1) ۇيىقتايتىن ورىنمەن;
2) توسەك-ورىن جابدىقتارىمەن ۇيقى اۋقىتىندا: ماتراتسپەن, جاستىقپەن, كورپەمەن, ەكi جايمامەن, جاستىق تىسىمەن;
3) اسحانا ىدىسىمەن جانە اسحانا اسپاپتارىمەن اس-اۋقات ءىشۋ ۋاقىتىندا: تەگەشپەن, كرۋجكامەن, قاسىقپەن;
4) جالپىاسكەري جارعىلارمەن, كىتاپتارمەن, جۋرنالدارمەن جانە مەرزىمدى باسىلىممەن قامتاماسىز ەتىلەدى.
بارلىق كامەرالارعا تۇنگى ۋاقىتتا كەزەكشى جارىق تۇسىرىلەدى.
34. گاۋپتۆاحتاعا قاماۋعا الىنعان اسكەري قىزمەتشىگە اپتاسىنا ەكى رەتتەن ءجيى ەمەس ۇزاقتىعى كەمىندە 15 مينۋت دۋشتا جۋىنۋ مۇمكiندiگى بەرiلەدi.
مونشادا جۋىنۋ اپتاسىنا ءبىر رەت گاۋپتۆاحتا باستىعى بەلگىلەگەن كۇندەرى جانە ساعاتتاردا جۇرگىزىلەدى. مونشادا جۋىنۋ كۇندەرى گاۋپتۆاحتاعا قاماۋعا الىنعان اسكەري قىزمەتشىلەردىڭ ءىش كيىمدەرى مەن توسەك جابدىقتارىن اۋىستىرۋ, سونداي-اق ولاردى مەديتسينالىق تەكسەرۋ جۇزەگە اسىرىلادى.
35. گاۋپتۆاحتاعا قاماۋعا الىنعان اسكەري قىزمەتشىلەرگە ولاردىڭ ءوتiنiشi بويىنشا ۇسىنىستار, وتiنiشتەر, شاعىمدار جازۋ ءۇشىن جازۋ قۇرالدارى (قاعاز, شاريكتi قالامساپ) بەرiلەدi.
6. سالەمدەمەلەردi قابىلداۋ جانە گاۋپتۆاحتاعا قاماۋعا الىنعان اسكەري قىزمەتشىلەرگە بەرۋ
36. گاۋپتۆاحتاعا قاماۋعا الىنعان اسكەري قىزمەتشىلەرگە ءبىرىنشى كەزەكتە قاجەت زاتتارى, ماۋسىم بويىنشا كيىمى بار سالەمدەمەلەر, باندەرولدەر الۋعا رۇقسات ەتىلەدى. سالەمدەمەلەر مەن باندەرولدەر گاۋپتۆاحتا باستىعىنىڭ قاتىسۋىمەن تەكسەرىلەدى.
مەملەكەتتiك جانە ورىس تiلدەرiندە جازىلعان بەرۋگە رۇقسات ەتىلگەن زاتتاردىڭ تiزبەسi گاۋپتۆاحتانىڭ ستەندىسىنە iلiنەدi.
37. سالەمدەمە جەتكىزگەن ادام ءوتىنىشتى قاعيدالارعا 6-قوسىمشاعا سايكەس ۇلگى بويىنشا ەكى دانادا تولتىرادى جانە وعان قول قويادى. ءوتىنىشتىڭ ەكى داناسى, سالەمدەمە, سالەمدەمە جەتكىزگەن ادامنىڭ جەكە باسىن كۋالاندىراتىن قۇجات گاۋپتۆاحتا قىزمەتكەرىنە بەرىلەدى.
38. سالەمدەمەنى قابىلداي وتىرىپ, گاۋپتۆاحتا قىزمەتكەرى كەلۋشىگە جەكە قۇجاتتارى مەن قابىلداعانى تۋرالى قول قويىلعان ءوتىنىشتىڭ ءبىر داناسىن قايتارىپ بەرەدى, ال ەكىنشى داناسىن گاۋپتۆاحتاعا قاماۋعا الىنعان اسكەري قىزمەتشى سالەمدەمەنى العانى تۋرالى قولتاڭباسىن قويعاننان كەيىن ونىڭ جەكە ىسىنە تىركەيدى. جەكە ىستە سالەمدەمەنى العانى تۋرالى بەلگى قويىلادى. وتىنىشكە قول قويۋدان باس تارتىلعان جاعدايدا وندا ول تۋرالى ءتيىستى بەلگى جاسالادى.
39. سالەمدەمەدە, باندەرولدە, حاتتا تابىلعان گاۋپتۆاحتاعا قاماۋعا الىنعان اسكەري قىزمەتشىدە بولۋعا تىيىم سالىنعان قۇرالدار نەمەسە زاتتار الىنادى جانە قايتارۋ سەبەپتەرىن كورسەتە وتىرىپ, سالەمدەمە جەتكىزگەن ادامعا قايتارىلىپ بەرىلەدى. سالەمدەمە پوشتا ارقىلى الىنعان جاعدايدا تىيىم سالىنعان قۇرالدار, زاتتار نەمەسە اقشا اسكەري قىزمەتشىنىڭ جەكە زاتتارىنىڭ تىزىمدەمەسىنە ەنگىزىلەدى جانە جازالاۋ مەرزىمىن ءو
