2013 جىلعى 29 ناۋرىز, استانا, ۇكىمەت ءۇيى
جۇيەلىك وپەراتوردىڭ قىزمەت كورسەتۋ, جۇيەلىك جانە قوسالقى قىزمەت كورسەتۋ نارىعىن ۇيىمداستىرۋ جانە ونىڭ جۇمىس ىستەۋى قاعيدالارىن بەكiتۋ تۋرالى
«ەلەكتر ەنەرگەتيكاسى تۋرالى» 2004 جىلعى 9 شىلدەدەگى قازاقستان رەسپۋبليكاسىنىڭ زاڭى 4-بابىنىڭ 20) تارماقشاسىنا سايكەس قازاقستان رەسپۋبليكاسىنىڭ ۇكىمەتى قاۋلى ەتەدى:
1. قوسا بەرىلىپ وتىرعان جۇيەلىك وپەراتوردىڭ قىزمەت كورسەتۋ, جۇيەلىك جانە قوسالقى قىزمەت كورسەتۋ نارىعىن ۇيىمداستىرۋ جانە ونىڭ جۇمىس ىستەۋى قاعيدالارى بەكىتىلسىن.
2. وسى قاۋلى العاشقى رەسمي جاريالانعانىنان كەيىن كۇنتىزبەلىك ون كۇن وتكەن سوڭ قولدانىسقا ەنگىزىلەدى.
قازاقستان رەسپۋبليكاسىنىڭ پرەمەر-ءمينيسترى C.احمەتوۆ.
قازاقستان رەسپۋبليكاسى ۇكىمەتىنىڭ 2013 جىلعى 29 ناۋرىزداعى №300 قاۋلىسىمەن بەكىتىلگەن
جۇيەلىك وپەراتوردىڭ قىزمەت كورسەتۋ, جۇيەلىك جانە قوسالقى قىزمەت كورسەتۋ نارىعىن ۇيىمداستىرۋ جانە ونىڭ جۇمىس ىستەۋى قاعيدالارى
1. جالپى ەرەجەلەر
1. وسى جۇيەلىك وپەراتوردىڭ قىزمەت كورسەتۋ, جۇيەلىك جانە قوسالقى قىزمەت كورسەتۋ نارىعىن ۇيىمداستىرۋ جانە ونىڭ جۇمىس ىستەۋ قاعيدالارى (بۇدان ءارى – قاعيدالار) «ەلەكتر ەنەرگەتيكاسى تۋرالى» 2004 جىلعى 9 شىلدەدەگى قازاقستان رەسپۋبليكاسىنىڭ زاڭىنا (بۇدان ءارى – زاڭ) سايكەس ازىرلەندى جانە جۇيەلىك وپەراتوردىڭ قىزمەت كورسەتۋ, جۇيەلىك جانە قوسالقى قىزمەت كورسەتۋ نارىعىن ۇيىمداستىرۋ جانە ونىڭ جۇمىس ىستەۋى ءتارتىبىن ايقىندايدى.
2. قاعيدالار ولاردىڭ مەنشىك نىسانىنا جانە ۆەدومستۆولىق تيەسىلىلىگىنە قاراماستان, ەلەكتر ەنەرگياسىنىڭ كوتەرمە ساۋدا نارىعىنىڭ بارلىق سۋبەكتىلەرىنە قولدانىلادى.
3. قاعيدالاردا مىناداي نەگىزگى ۇعىمدار مەن انىقتامالار پايدالانىلادى:
1) اۆاريالىق بۇزىلىس – ەلەكتر وندىرعىسى نەمەسە ونىڭ ەلەمەنتتەرi جۇمىسىنىڭ تەحنولوگيالىق پارامەترلەرiنiڭ ولاردىڭ iستەن شىعۋىن نەمەسە پايدالانۋ كەزiندە زاقىمدانۋىن تۋىنداتقان, جول بەرۋگە بولمايتىن اۋىتقۋلارى;
2) كوممەرتسيالىق ەسەپكە الۋدىڭ اۆتوماتتاندىرىلعان جۇيەسى – ولشەم قۇرالدارىنىڭ جانە ەلەكتر ەنەرگياسىن ولشەۋگە, جيناقتاۋعا, وڭدەۋگە, ساقتاۋعا جانە ەسەپكە الۋ دەرەكتەرىن بەرۋگە ارنالعان اپپاراتتىق-باعدارلامالىق كەشەننىڭ جيىنتىعى;
3) ديسپەتچەر – تومەن تۇرعان ديسپەتچەرلىك ورتالىقتىڭ ديسپەتچەرىنە نەمەسە ەلەكتر ەنەرگەتيكاسى سۋبەكتىلەرىنىڭ جەدەل پەرسونالىنا ءتيىستى ديسپەتچەرلىك ورتالىقتىڭ وپەراتسيالىق ايماعىندا ەلەكتر ەنەرگەتيكاسىنىڭ رەجيمى مەن ەلەكتر جابدىعىن, قۇرىلعىلارى مەن ەلەكتر جەلىلەرىن پايدالانۋدىڭ جاي-كۇيىن باسقارۋ جونىندە ديسپەتچەرلىك ورتالىقتىڭ اتىنان كوماندالار مەن وكىمدەر بەرۋگە ۋاكىلەتتى قىزمەتكەر;
4) ديسپەتچەرلىك كوماندا – جوعارى تۇرعان ديسپەتچەرلىك ورتالىقتىڭ ديسپەتچەرى بايلانىس ارنالارى ارقىلى تومەن تۇرعان ديسپەتچەرلىك ورتالىقتىڭ ديسپەتچەرىنە نەمەسە ەلەكتر ەنەرگەتيكاسى سۋبەكتىلەرىنىڭ جەدەل پەرسونالىنا تەحنولوگيالىق جۇمىس رەجيمدەرى مەن ەلەكتر جابدىعىن, قۇرىلعىلارى مەن ەلەكتر جەلىلەرىن پايدالانۋ جاي-كۇيىن باسقارۋ جونىندە ناقتى ءىس-قيمىل ء(ىس-قيمىلدار) جاساۋعا (جاساۋدان قالىس قالۋعا) نۇسقاۋ;
5) ەلەكتر ەنەرگياسىن ساتىپ الۋ/ساتۋ شارتى – ەلەكتر ەنەرگياسىنىڭ كوتەرمە ساۋدا نارىعى سۋبەكتىلەرىنىڭ اراسىندا بەلگىلەنگەن كەزەڭدە ولاردى تابيعي جەتكىزۋمەن ەلەكتر ەنەرگياسىن ساتىپ الۋعا/ساتۋعا جاسالاتىن كەلىسىم;
6) قازاقستان رەسپۋبليكاسىنىڭ بiرتۇتاس ەلەكتر ەنەرگەتيكالىق جۇيەسi – قازاقستان رەسپۋبليكاسىنىڭ تۇتىنۋشىلارىن سەنiمدi جانە ساپالى ەنەرگيامەن جابدىقتاۋدى قامتاماسىز ەتەتiن ەلەكتر ستانتسيالارىنىڭ, ەلەكتر بەرۋ جەلiلەرi مەن شاعىن ستانتسيالاردىڭ جيىنتىعى (بۇدان ءارى – قازاقستان بەج-ءى);
7) قازاقستان بەج-ءنىڭ قالىپتى جۇمىس رەجيمى – رەجيمدى جوسپارلاۋ كەزىندە كوزدەلگەن ەلەكتر ەنەرگەتيكاسى جۇيەسىنىڭ بارلىق ەلەمەنتتەرى جۇمىس ىستەيتىن جانە جاسالعان شارتتاردىڭ تالاپتارىنا سايكەس ەلەكتر ەنەرگياسىنىڭ بارلىق تۇتىنۋشىلارىن ەلەكترمەن جابدىقتاۋدى قامتاماسىز ەتەتىن قالىپتاسقان جۇمىس رەجيمى;
8) ەلەكترمەن جابدىقتاۋدى شەكتەۋ – تۇتىنۋشىعا ەلەكتر ەنەرگياسىن بەرۋدى تولىق نەمەسە ءىشىنارا توقتاتۋ;
9) ورالىمدى باسقارۋ – كورسەتىلگەن جابدىقتىڭ, قۇرىلعىلار مەن ەلەكتر جەلىلەرىنىڭ پايدالانىلۋ جاي-كۇيى ءتيىستى ديسپەتچەرلىك ورتالىق ديسپەتچەرىنىڭ كومانداسى بويىنشا عانا وزگەرتىلەتىن ەلەكتر جابدىعىن, قۇرىلعىلار مەن ەلەكتر جەلىلەرىنىڭ پايدالانىلۋ جاي-كۇيىن باسقارۋدى ۇيىمداستىرۋ;
10) جەدەل جۇرگىزۋ – كورسەتىلگەن جابدىقپەن, قۇرىلعىلارمەن جانە ەلەكتر جەلىلەرىمەن وپەراتسيالاردى ورىنداۋ قاراماعىندا كورسەتىلگەن جابدىق پەن قۇرىلعى بار جەدەل-ديسپەتچەرلىك باسقارۋدىڭ جوعارى تۇرعان ديسپەتچەرىنىڭ رۇقساتىمەن جۇرگىزىلەتىن ەلەكتر جابدىعىنىڭ, قۇرىلعىلار مەن ەلەكتر جەلىلەرىنىڭ پايدالانىلۋ جاي-كۇيىن باسقارۋدى ۇيىمداستىرۋ;
11)
قازاقستان بەج-ءنىڭ اۆاريادان كەيىنگى جۇمىس رەجيمى – ەلەكتر ەنەرگەتيكاسى جۇيەسىنىڭ زاقىمدانعان ەلەمەنتىن اۆاريالىق اجىراتۋدان كەيىن تۋىندايتىن جانە قالىپتى جۇمىس رەجيمىن قالپىنا كەلتىرگەنگە دەيىن جالعاساتىن قالىپتاسقان رەجيم;
12) قازاقستاننىڭ بەج-ءى ەلەكتر قۋاتىنىڭ رەزەرۆi – شارتتا كوزدەلگەن تالاپتارعا سايكەس كەلەتىن قاجەتتى قۇرىلىمى, شاماسى, سونداي-اق ديسپەتچەرلەندiرۋگە دايىندىق دارەجەسi بار ەنەرگيا ءوندiرۋشi ۇيىمدار اگرەگاتتارىنىڭ ەلەكتر قۋاتى;
13) جوسپارلاۋ جۇيەسى – ەلەكتر ەنەرگياسىنىڭ كوتەرمە ساۋدا نارىعى سۋبەكتىلەرىنىڭ ەلەكتر ەنەرگياسىن ءوندىرۋ-تۇتىنۋ جونىندەگى وتىنىمدەرىن ءبىر كۇن بۇرىن بەرۋ, ەلەكتر ەنەرگياسىن ءوندىرۋدىڭ-تۇتىنۋدىڭ تاۋلىكتىك كەستەسىن قالىپتاستىرۋ, سونداي-اق كۇنبە-كۇن وتىنىمدەرىن (بەكىتىلگەن تاۋلىكتىك كەستەسىن تۇزەتۋ) بەرۋگە ارنالعان باعدارلامالىق-تەحنيكالىق قۇرالدار جيىنتىعى;
14) جۇيەلiك وپەراتور – ورتالىقتاندىرىلعان ورالىمدى-ديسپەتچەرلiك باسقارۋدى, باسقا مەملەكەتتەردiڭ ەنەرگيا جۇيەلەرiمەن قاتارلاس جۇمىس iستەۋدi قامتاماسىز ەتۋدi, ەنەرگيا جۇيەسiندەگi تەڭگەرiمدi ۇستاپ تۇرۋدى, جۇيەلىك قىزمeتتep كورسەتۋدى جانە ەلەكتر ەنەرگياسىنىڭ كوتەرمە ساۋدا نارىعى سۋبەكتiلەرiنەن قوسالقى كورسەتiلەتiن قىزمەتتەردi ساتىپ الۋدى, سونداي-اق ەلەكتر ەنەرگياسىن ۇلتتىق ەلەكتر جەلiسi بويىنشا بەرۋدi, وعان تەحنيكالىق قىزمەت كورسەتۋدi جانە ونى پايدالانۋ ازiرلiگiندە ۇستاپ تۇرۋدى جۇزەگە اسىراتىن ۇلتتىق كومپانيا;
15) جۇيەلىك شەكتەۋلەر – قازاقستان بەج-ءنىڭ تەحنولوگيالىق جۇمىس ىستەۋ پارامەترلەرىنىڭ شەكتى رۇقسات ەتىلەتىن ماندەرى;
16) ەلەكتر ەنەرگياسىن ءوندiرۋدىڭ-تۇتىنۋدىڭ تاۋلiكتiك كەستەسi – ەلەكتر ەنەرگياسىن ورتالىقسىزداندىرىلعان ساتىپ الۋ-ساتۋ جانە ەلەكتر ەنەرگياسىنىڭ ورتالىقتاندىرىلعان ساۋدا نارىقتارىنداعى كوتەرمە ساۋدا نارىعىنا قاتىسۋشىلار جاساسقان ەلەكتر ەنەرگياسىن ساتىپ الۋ-ساتۋ شارتتارىنا سايكەس كۇنتiزبەلiك ءاربiر تاۋلiكتە ەلەكتر ەنەرگياسىن ءوندiرۋ مەن تۇتىنۋدىڭ ساعات سايىنعى شامالارىن رەگلامەنتتەيتىن, جۇيەلىك وپەراتور بەكiتكەن قۇجات;
17) تەحنولوگيالىق پارامەترلەر – تەحنيكالىق قۇرىلعىنىڭ, جۇيەنىڭ, قۇبىلىستىڭ نەمەسە پروتسەستىڭ قانداي دا ءبىر قاسيەتتەرىن سيپاتتايتىن فيزيكالىق شامالار;
18) قازاقستان رەسپۋبليكاسى ەلەكتر ەنەرگياسىنىڭ كوتەرمە ساۋدا نارىعىندا ەلەكتر ەنەرگياسىن ءوندىرۋدىڭ-تۇتىنۋدىڭ ناقتى بالانسى (بۇدان ءارى – ناقتى بالانس) – جۇيەلىك وپەراتور ەسەپتى كەزەڭدە جاساعان ەلەكتر ەنەرگياسىنىڭ ورتالىقسىزداندىرىلعان جانە ورتالىقتاندىرىلعان ساۋدا نارىقتارىندا, تەڭگەرىمدەۋشى نارىعىندا وندىرىلگەن, بەرىلگەن جانە تۇتىنىلعان ەلەكتر ەنەرگياسىنىڭ كولەمىن اتاۋلى ءبولۋدى بەلگىلەيتىن قۇجات. ناقتى بالانس قازاقستان رەسپۋبليكاسى ەلەكتر ەنەرگياسىنىڭ كوتەرمە ساۋدا نارىعى سۋبەكتىلەرىنىڭ اراسىندا ءوزارا ەسەپ ايىرىسۋ جۇرگىزۋ ءۇشىن نەگىز بولىپ تابىلادى;
19) ورتالىقتاندىرىلعان ورالىمدى-ديسپەتچەرلiك باسقارۋ – جۇيەلiك وپەراتور جۇزەگە اسىراتىن, قازاقستان رەسپۋبليكاسىنىڭ بiرتۇتاس ەلەكتر ەنەرگەتيكالىق جۇيەسi سەنiمدiلiگiنiڭ نورماتيۆتiك دەڭگەيiن جانە ەلەكتر ەنەرگياسىنىڭ نورماتيۆتiك ساپاسىنىڭ ساقتالۋىن قامتاماسىز ەتەتiن ەنەرگيا ءوندiرۋشi, ەنەرگيا بەرۋشi, ەنەرگيامەن جابدىقتاۋشى ۇيىمدار مەن ەلەكتر ەنەرگياسىن تۇتىنۋشىلاردىڭ تەحنيكالىق كەلiسiلگەن جۇمىسىن ۇزدiكسiز باسقارۋ پروتسەسى.
4. جۇيەلىك وپەراتور ەلەكتر ەنەرگياسىنىڭ كوتەرمە ساۋدا نارىعىنىڭ سۋبەكتىلەرىنە شارت نەگىزىندە جۇيەلىك قىزمەتتەردىڭ مىناداي تۇرلەرىن كورسەتەدى:
1) تەحنيكالىق قىزمەت كورسەتۋ مەن ونى پايدالانۋ ازىرلىگىندە ۇستاپ تۇرۋدى قامتاماسىز ەتە وتىرىپ, ۇلتتىق ەلەكتر جەلiسi بويىنشا ەلەكتر ەنەرگياسىن بەرۋ جونىندەگى قىزمەت كورسەتۋ;
2) ەلەكتر ەنەرگياسىن ءوندiرۋدىڭ-تۇتىنۋدىڭ ناقتى تەڭگەرiمدەرiن جاساۋ مەن تاۋلiكتiك كەستەسiن قالىپتاستىرۋدى قوسا العاندا, قازاقستان بەج-ءنىڭ جۇمىس رەجيمدەرiن ورتالىقتاندىرىلعان ورالىمدى-ديسپەتچەرلiك باسقارۋدى جۇزەگە اسىرا وتىرىپ, ەلەكتر ەنەرگياسىن جەلىگە بوساتۋ مەن ونى تۇتىنۋدى تەحنيكالىق ديسپەتچەرلەندiرۋ جونىندەگى قىزمەت كورسەتۋ;
3) ەلەكتر قۋاتىن رەزەرۆتەۋ جونىندەگى قىزمەت كورسەتۋ;
4) قازاقستان بەج-ءنىڭ ەلەكتر ەنەرگياسىن ءوندىرۋ/تۇتىنۋ تەڭگەرىمىن ۇيىمداستىرۋ جونىندەگى قىزمەت كورسەتۋ.
5. جۇيەلىك وپەراتور شارت نەگىزىندە ەلەكتر ەنەرگياسىنىڭ كوتەرمە ساۋدا نارىعى سۋبەكتىلەرىنەن قوسالقى قىزمەت كورسەتۋدىڭ مىناداي تۇرلەرىن ساتىپ الادى:
1) ەلەكتر قۋاتى رەزەرۆتەرىن ازىرلىكتە ۇستاپ تۇرۋ جونىندەگى قىزمەت كورسەتۋ;
2) قۋاتتى (جيىلىكتى) رەتتەۋ جونىندەگى قىزمەت كورسەتۋ.
6. جۇيەلىك وپەراتور جۇيەلىك قىزمەت كورسەتۋدى ەلەكتر ەنەرگياسىنىڭ كوتەرمە ساۋدا نارىعىنىڭ سۋبەكتىلەرىمەن جاساسقان شارتتار نەگىزىندە كورسەتەدى. جۇيەلىك وپەراتور كورسەتەتىن جۇيەلىك قىزمەتتەرگە ارنالعان تاريفتەر تابيعي مونوپوليالار جانە رەتتەلەتىن نارىقتار سالالارىنداعى باسشىلىقتى جۇزەگە اسىراتىن مەملەكەتتىك ورگان بەلگىل
ەگەن تارتىپپەن ايقىندالادى.
2. جۇيەلىك وپەراتوردىڭ قىزمەت كورسەتۋ, جۇيەلىك قىزمەت كورسەتۋ
نارىعىن ۇيىمداستىرۋ مەن ونىڭ جۇمىس ىستەۋى ءتارتىبى
7. ۇلتتىق ەلەكتر جەلىسى بويىنشا ەلەكتر ەنەرگياسىن بەرۋ جونىندەگى قىزمەتتەر ەلەكتر ەنەرگياسىن بەلگىلى ءبىر ۋاقىت كەزەڭىندە (اپتا, اي, توقسان, جىل) جەتكىزۋمەن, ەكىجاقتى ساتىپ الۋ-ساتۋ مامىلەلەرىن جاساسقان كوتەرمە ساۋدا نارىعىنىڭ سۋبەكتىلەرىنە كورسەتىلەدى.
8. ۇلتتىق ەلەكتر جەلىسى بويىنشا ەلەكتر ەنەرگياسىن بەرۋ جونىندەگى قىزمەتتەردى كورسەتۋ كەزىندە جۇيەلىك وپەراتور:
1) بەلگىلەنگەن تارتىپپەن بەكىتىلگەن ەلەكتر جەلىلىك قاعيدالارعا سايكەس جالعانۋعا تەحنيكالىق تالاپتاردى ورىنداعان ەلەكتر ەنەرگياسىنىڭ كوتەرمە ساۋدا نارىعى سۋبەكتىلەرىنىڭ ەلەكتر قوندىرعىلارىن ۇلتتىق ەلەكتر جەلىسىنە قوسۋدى قامتاماسىز ەتەدى;
2) شارتتا كەلىسىلگەن تەڭگەرىمدى تيەسىلىلىك ەسەپكە الۋ نۇكتەلەرىندەگى ءبولۋ شەكارالارىندا, كولەمدە جانە مەرزىمدە سۋبەكتىنىڭ ەلەكتر ەنەرگياسىن ۇلتتىق ەلەكتر جەلىسىنە قابىلداۋدى جۇزەگە اسىرادى;
3) شارتتا كەلىسىلگەن تەڭگەرىمدى تيەسىلىلىك ەسەپكە الۋ نۇكتەلەرىندەگى ءبولۋ شەكارالارىندا, كولەمدە جانە مەرزىمدە سۋبەكتىنىڭ ەلەكتر ەنەرگياسىن ۇلتتىق ەلەكتر جەلىلەرىنەن بەرۋدى جۇزەگە اسىرادى;
4) ۇلتتىق ەلەكتر جەلىسىن جۇمىسقا جارامدى كۇيدە ۇستاپ تۇرادى;
5) ۇلتتىق ەلەكتر جەلىسىنىڭ اعىمداعى دامۋىن, پايدالانىلۋى مەن قىزمەت كورسەتۋىن, ۇلتتىق ەلەكتر جەلىسىنە ينۆەستيتسيالار جوسپارلاۋدى جۇزەگە اسىرادى;
6) رەلەلىك قورعاۋ جانە اۆارياعا قارسى اۆتوماتيكا جۇيەلەرىنە تەحنيكالىق قىزمەت كورسەتۋدى, ولاردى پايدالانۋ ازىرلىگىندە ۇستاپ تۇرۋ جانە دامىتۋدى جۇزەگە اسىرادى;
7) قازاقستان بەج-دەگi ەلەكتر ەنەرگياسىنىڭ ستاندارتتى جيiلiگىن ۇستاپ تۇرۋعا باعىتتالعان شارالاردى ورىندايدى;
8) ۇلتتىق ەلەكتر جەلىسى شەگىندە ەلەكتر ەنەرگياسىن كوممەرتسيالىق ەسەپكە الۋدى قامتاماسىز ەتەدى جانە قازاقستان رەسپۋبليكاسىنىڭ كوتەرمە ساۋدا نارىعىندا ەلەكتر ەنەرگياسىن ءوندىرۋدىڭ-تۇتىنۋدىڭ ناقتى تەڭگەرىمىن جاسايدى;
9) ەلەكتر ەنەرگياسىن كوممەرتسيالىق ەسەپكە الۋ اسپاپتارىنا كەدەرگىسىز قولجەتىمدىلىكتى ۇسىنادى;
10) ەلەكتر ەنەرگياسىن ءوندىرۋ-تۇتىنۋ رەجيمىنىڭ تاۋلىكتىك كەستەسىن قالىپتاستىرۋ ءۇشىن ساتىپ الىناتىن ەلەكتر ەنەرگياسىنىڭ شارتتىق كولەمدەرى بويىنشا ەلەكتر ەنەرگياسىنىڭ كوتەرمە ساۋدا نارىعىنىڭ سۋبەكتىلەرىنەن وتىنىمدەر قابىلدايدى;
11) ەلەكتر ەنەرگياسىن بەرۋ جانە تۇتىنۋ رەجيمدەرىن جۇرگىزۋ بويىنشا وكىمدەر بەرەدى.
9. جۇيەلىك وپەراتوردان ەلەكتر ەنەرگياسىن بەرۋ جونىندەگى قىزمەت كورسەتۋدى ساتىپ الاتىن ەلەكتر ەنەرگياسىنىڭ كوتەرمە ساۋدا نارىعىنىڭ سۋبەكتىلەرى:
1) جۇيەلىك وپەراتورعا ەلەكتر ەنەرگياسىن كوممەرتسيالىق ەسەپكە الۋ اسپاپتارىنا كەدەرگىسىز قولجەتىمدىلىكتى ۇسىنادى;
2) قازاقستان بەج-ىندە ەلەكتر ەنەرگياسىنىڭ ستاندارتتىق جيىلىگىن ۇستاپ تۇرۋعا باعىتتالعان نورماتيۆتىك تالاپتاردى ورىندايدى;
3) توك قابىلداعىشتاردىڭ جانە ەلەكتر ەنەرگياسىن كوممەرتسيالىق ەسەپكە الۋ اسپاپتارىنىڭ ءتيىستى جاي-كۇيىن ۇستاپ تۇرادى;
4) جۇيەلىك وپەراتوردىڭ ەلەكتر ەنەرگياسىن بەرۋ جانە تۇتىنۋ رەجيمىن جۇرگىزۋ جونىندەگى نۇسقاۋلارىن ورىندايدى;
5) وسى قاعيدالاردىڭ 32-تارماعىنا سايكەس بەكىتىلەتىن نۇسقاۋلىقتاردىڭ ەرەجەلەرىن ورىندايدى;
6) جۇيەلىك وپەراتورعا ەلەكتر ەنەرگياسىن بەرۋگە ارنالعان بولجامدى ايلىق (اي باستالعانعا دەيىن كۇنتىزبەلىك 10 كۇن بۇرىن), توقساندىق (توقسان باستالعانعا دەيىن كۇنتىزبەلىك 60 كۇن بۇرىن), جىلدىق (جىل باستالعانعا دەيىن كۇنتىزبەلىك 150 كۇن بۇرىن) وتىنىمدەردى بەرەدى;
7) شەكتەس ەلدەردىڭ ەلەكتر جەلىلەرى ارقىلى ەلەكتر ەنەرگياسىنىڭ يمپورتى, ەكسپورتى جانە/نەمەسە ءترانزيتى جاعدايىندا قاجەتتى كەدەندىك راسىمدەردى ورىندايدى;
8) ەنەرگيا بەرۋشى ۇيىمدارمەن كوممەرتسيالىق ەسەپكە الۋدىڭ بىرىڭعاي ولشەمىن ساقتاۋ, ەلەكتر جەلىلەرىنىڭ تەڭگەرىمدى تيەسىلىگى شەكاراسىندا كوممەرتسيالىق ەسەپكە الۋدىڭ جۇيەلىك وپەراتوردىڭ اۆتوماتتاندىرىلعان كوممەرتسيالىق ەسەپكە الۋ جۇيەسىمەن ۇيلەسىمدىگى ماسەلەلەرىن كەلىسەدى.
10. جۇيەلىك وپەراتور ەلەكتر ەنەرگياسىن بەرۋ جونىندەگى قىزمەت كورسەتۋدى تولىق نەمەسە ءىشىنارا توقتاتۋدى مىناداي:
1) ەلەكتر ەنەرگياسىن بەرۋ جونىندەگى قىزمەت كورسەتۋدى توقتاتقانعا دەيىن كەمىندە 72 ساعات بۇرىن الدىن الا جازباشا تۇردە حاباردار ەتە وتىرىپ, كوتەرمە ساۋدا نارىعىنىڭ سۋبەكتىسى ۇلتتىق ەلەكتر جەلىسى بويىنشا ەلەكتر ەنەرگياسىن بەرۋ بويىنشا قىزمەت كورسەتۋگە اقى تولەۋ جونىندەگى شارت تالاپتارىن بۇزعان;
2) ۇلتتىق ەلەكتر جەلىسىندە جوندەۋ جۇمىستارى جۇرگىزىلگەن جانە باسقا باعىتتار بويىنشا ەلەكتر ەنەرگياسىن بەرۋ مۇمكىن بولماعان;
3) ۇلتتىق ەلەكتر جەلىسى بويىنشا ەلەكتر ەنەرگياسىن بەرۋدى جۇزەگە اسىرۋعا كەدەرگى كەلتىرەتىن تەحنولوگيالىق بۇزىلىس تۋىنداعان جاعدايلاردا جۇرگىزەدى.
11. جۇيەلىك وپەراتور ەلەكتر ەنەرگياسىن بەرۋ جونىندەگى قىزمەت كورسەتۋدى توقتاتۋدى ەلەكت
ر ەنەرگياسىن بەرۋ جونىندە قىزمەت كورسەتۋگە ارنالعان شارتتا, سونداي-اق زاڭدا كوزدەلگەن جاعدايلاردا, ەلەكتر ەنەرگياسىن تولىق نەمەسە ءىشىنارا تۇتىنۋ رەجيمىن شەكتەۋ جولىمەن جۇرگىزەدى.
12. تۇتىنۋ رەجيمىن تولىعىمەن شەكتەۋ كوتەرمە ساۋدا نارىعىنىڭ سۋبەكتىسىنە ەلەكتر ەنەرگياسىن بەرۋدى توقتاتۋ جولىمەن جۇزەگە اسىرىلادى. كوتەرمە ساۋدا نارىعىنىڭ سۋبەكتىسىنە ەلەكتر ەنەرگياسىن بەرۋدى توقتاتۋ جۇيەلىك وپەراتوردىڭ وبەكتىلەرىندە اجىراتىپ-قوسۋدى جۇزەگە اسىرۋ نە كوتەرمە ساۋدا نارىعى سۋبەكتىسىنىڭ ەلەكتر قوندىرعىلارىن ۇلتتىق ەلەكتر جەلىسىنەن نە ەنەرگيا بەرۋشى ۇيىمنىڭ جەلىلەرىنەن اجىراتۋ جولىمەن جۇرگىزىلەدى.
13. تۇتىنۋ رەجيمىن ءىشىنارا شەكتەۋ كوتەرمە ساۋدا نارىعىنىڭ سۋبەكتىسىنە تاۋلىكتىك كەستەدە ايقىندالعان كولەممەن سالىستىرعاندا, ەلەكتر ەنەرگياسىنىڭ كولەمىن ازايتۋ نە تاۋلىك, اپتا نەمەسە اي ىشىندە ايقىندالعان كەزەڭدە كوتەرمە ساۋدا نارىعىنىڭ سۋبەكتىسىنە ەلەكتر ەنەرگياسىن بەرۋدى توقتاتۋ جولىمەن جۇزەگە اسىرىلادى.
14. جۇيەلىك وپەراتور ەلەكتر ەنەرگياسىن جەلىگە بەرۋ مەن تۇتىنۋدى تەحنيكالىق ديسپەتچەرلەندىرۋ جونىندەگى قىزمەت كورسەتۋدى ەنەرگيا ءوندىرۋشى ۇيىمدارعا, سونداي-اق ەنەرگيامەن جابدىقتاۋشى, ەنەرگيانى بەرۋشى ۇيىمدارعا جانە قازاقستان رەسپۋبليكاسىنان تىس جەرلەردەن ەلەكتر ەنەرگياسىن جەتكىزۋدى (يمپورت) جۇزەگە اسىراتىن تۇتىنۋشىلارعا كورسەتەدى.
15. تەحنيكالىق ديسپەتچەرلەندىرۋ جونىندەگى قىزمەتتەردى كورسەتۋ كەزىندە جۇيەلىك وپەراتور:
1) زاڭعا جانە وسى قاعيدالارعا سايكەس قازاقستان بەج-ءنىڭ قۇرامىندا ەلەكتر ەنەرگياسىنىڭ كوتەرمە ساۋدا نارىعى سۋبەكتىلەرىنىڭ ەلەكتر قوندىرعىلارىنىڭ جۇمىس رەجيمدەرىن ۇزدىكسىز ورتالىقتاندىرىلعان ورالىمدى-ديسپەتچەرلىك باسقارۋدى;
2) ورالىمدى-ديسپەتچەرلىك باسقارۋ, تەلەمەحانيكا جانە بايلانىس جابدىقتارى مەن قۇرىلعىلارىنا, جەدەل-اقپاراتتىق كەشەنگە تەحنيكالىق قىزمەت كورسەتۋ جانە ولاردى پايدالانۋ ازىرلىگىندە ۇستاۋدى;
3) قازاقستان بەج-ىندە ەلەكتر ەنەرگياسى ساپاسىنىڭ ستاندارتارىمەن بەلگىلەنگەن كورسەتكىشتەرىن قولداۋعا باعىتتالعان نورماتيۆتىك تالاپتاردى ورىنداۋدى;
4) قازاقستان رەسپۋبليكاسىنىڭ قولدانىستاعى زاڭناماسىندا بەلگىلەنگەن تالاپتارعا جاۋاپ بەرەتىن ەلەكتر ەنەرگياسىنىڭ كوممەرتسيالىق ەسەپكە الىنۋىن قامتاماسىز ەتۋدى جۇزەگە اسىرادى.
16. جۇيەلىك وپەراتور قازاقستان بەج-ءىن ورتالىقتاندىرىلعان ورالىمدى-ديسپەتچەرلىك باسقارۋ پروتسەسىندە:
1) ەلەكتر ەنەرگياسىن ساتىپ الۋ-ساتۋ, بەرۋ, ەلەكتر قۋاتىن رەتتەۋ, ەلەكتر ەنەرگياسىن ءوندىرۋدى-تۇتىنۋدى تەڭگەرىمدەۋ شارتتارىنىڭ تالاپتارىن ىسكە اسىراتىن قازاقستان بەج-ىندە ەلەكتر ەنەرگياسىن ءوندىرۋ, بەرۋ جانە تۇتىنۋ رەجيمدەرىن باسقارۋدى;
2) ەلەكتر ەنەرگياسىنىڭ مەملەكەتارالىق اعىندارىنىڭ رەجيمدەرىن باسقارۋدى;
3) قازاقستان رەسپۋبليكاسىنىڭ ءبىرتۇتاس ەلەكتر ەنەرگەتيكالىق جۇيەسىندە تەحنولوگيالىق بۇزىلۋدى بولدىرماۋدى, وقشاۋلاۋ مەن جويۋدى قامتاماسىز ەتۋدى;
4) قازاقستان رەسپۋبليكاسىنىڭ ءبىرتۇتاس ەلەكتر ەنەرگەتيكالىق جۇيەسىندە قۋات رەزەرۆتەرىن ورالىمدى باسقارۋدى;
5) قازاقستان رەسپۋبليكاسىنىڭ ءبىرتۇتاس ەلەكتر ەنەرگەتيكالىق جۇيەسىنىڭ سەنىمدى جانە ورنىقتى جۇمىسىن قامتاماسىز ەتەتىن رەلەلىك قورعاۋ, اۆارياعا قارسى جانە رەجيمدىك اۆتوماتيكا جۇيەلەرىنىڭ قۇرىلىمىن, قاعيداتتارىن, ورنالاسۋ ورىندارىن, كولەمدەرى مەن ورناتىلۋىن ايقىنداۋدى;
6) قازاقستان رەسپۋبليكاسىنىڭ ءبىرتۇتاس ەلەكتر ەنەرگەتيكالىق جۇيەسىندە ەلەكتر ەنەرگياسىن ءوندىرۋدىڭ-تۇتىنۋدىڭ تاۋلىكتىك كەستەلەرىن قالىپتاستىرۋدى جانە بەكىتۋدى;
7) ەلەكتر ەنەرگياسىنىڭ كوتەرمە ساۋدا نارىعىندا ەلەكتر ەنەرگياسىن ءوندىرۋدىڭ-تۇتىنۋدىڭ ناقتى تەڭگەرىمدەرىن جاساۋدى جۇزەگە اسىرادى.
17. جۇيەلىك وپەراتور قازاقستان بەج-ىندە ەلەكتر ەنەرگياسىن ءوندىرۋ, بەرۋ مەن تۇتىنۋ رەجيمدەرىن باسقارۋدى:
1) ەلەكتر سحەمالارى مەن رەجيمدەرى, رەلەلىك قورعاۋ, اۆارياعا قارسى اۆتوماتيكا جانە اۆتوماتتاندىرىلعان ديسپەتچەرلىك باسقارۋ جۇيەسى بولىگىندە قازاقستان بەج-ءىن دامىتۋ سحەمالارى, ءىرى ەلەكتر ستانتسيالارى مەن جۇيە قۇراۋشى جەلىلىك وبەكتىلەر بويىنشا تەحنيكالىق تاپسىرمالار مەن جوبالىق ازىرلەمەلەردى كەلىسۋ, جوبالاردى ساراپتاۋعا قاتىسۋ;
2) ەلەكتر ستانتسيالارى مەن ەلەكتر جەلىلەردە, تەحنولوگيالىق باسقارۋ, رەلەلىك قورعاۋ جانە اۆتوماتيكا جۇيەلەرىنىڭ نەگىزگى جابدىقتارىن جوندەۋ جۇمىستارىن جۇرگىزۋ ءۇشىن جاعدايلاردى جوسپارلاۋ جانە دايىنداۋ;
3) ەلەكتر ەنەرگياسىنىڭ كوتەرمە ساۋدا نارىعىندا جاسالعان شارتتاردىڭ تالاپتارىن بۇزاتىن ەلەكتر ەنەرگياسى كوتەرمە ساۋدا نارىعىنىڭ سۋبەكتىلەرىنە شەكتەۋلەردى ەنگىزۋ جونىندەگى شارالاردى ازىرلەۋ;
4) شەكتەس مەملەكەتتەردىڭ ديسپەتچەرلىك ورتالىقتارىمەن, ەلەكتر ەنەرگياسىنىڭ كوتەرمە ساۋدا نارىعىنىڭ سۋبەكتىلەرىمەن ءوزارا ءىس-قيمىل جاساۋ جونىندەگى جەدەل-ديسپەتچەرلىك قۇجاتتاردى ازىرلەۋ;
5) ورالىمدى-ديسپەتچەرلىك باسقارۋ ايماعىنا كىرەتىن قازاقستان رەسپۋبليكاسىنى
ڭ شارۋاشىلىق-ەكونوميكالىق جانە الەۋمەتتىك كەشەنىن ەلەكترمەن جابدىقتاۋ جاي-كۇيى تۋرالى ەلەكتر ەنەرگەتيكاسى جانە مەملەكەتتىك ەنەرگەتيكالىق قاداعالاۋ سالاسىنداعى مەملەكەتتىك ورگانداردى اقپاراتتىق-تالدامالىق قامتاماسىز ەتۋ;
6) ورالىمدى-ديسپەتچەرلىك باسقارۋ ايماعىنا كىرەتىن سۋ ەلەكتر ستانتسيالارى مەن سۋ قويمالارىن پايدالانۋ رەجيمدەرىنىڭ مونيتورينگىلەۋ;
7) جۇيەلىك وپەراتوردىڭ قۇزىرەتىنە كىرەتىن نۇسقاۋلىق ماتەريالداردى ازىرلەۋ جانە ولارمەن ورتالىقتاندىرىلعان ورالىمدى-ديسپەتچەرلىك باسقارۋ جۇيەسىنىڭ بارلىق قۇرىلىمدارىن قامتاماسىز ەتۋ ارقىلى جۇزەگە اسىرادى.
18. جۇيەلىك وپەراتور مەملەكەتارالىق ەلەكتر ەنەرگياسىنىڭ اعىندارىن باسقارۋدى:
1) شەكتەس مەملەكەتتەردىڭ ەنەرگيا جۇيەلەرىمەن قاتار جۇمىستى قامتاماسىز ەتۋگە بايلانىستى جاسالعان شارتتار مەن كەلىسىمدەر تالاپتارىنىڭ مونيتورينگىن جۇرگىزۋ جانە ولاردى ورىنداۋ;
2) مەملەكەتارالىق ەلەكتر بەرۋ جەلىلەرى بويىنشا ەلەكتر ەنەرگياسىن جەتكىزۋگە جانە بەرۋگە ارنالعان شارتتارعا تەحنيكالىق ساراپتاما جۇرگىزۋ جانە ولاردىڭ تالاپتارىنىڭ ورىندالۋىن باقىلاۋ;
3) مەملەكەتارالىق ەلەكتر ەنەرگياسى اعىندارىنىڭ كەلىسىلگەن ماندەرىنەن اۋىتقۋىن رەتتەۋ ارقىلى جۇزەگە اسىرادى.
19. ورتالىقتاندىرىلعان ديسپەتچەرلىك باسقارۋ مىناداي تاسىلمەن جاساقتالعان كوپ دەڭگەيلى قۇرىلىم نەگىزىندە جۇزەگە اسىرىلادى:
1) قازاقستان بەج-ىندە ورتالىقتاندىرىلعان ورالىمدى-ديسپەتچەرلىك باسقارۋدىڭ بىرىڭعاي جۇيەسىندەگى ەڭ جوعارعى باسقارۋ دەڭگەيى بولىپ تابىلاتىن جۇيەلىك وپەراتوردىڭ ۇلتتىق ديسپەتچەرلىك ورتالىعى;
2) ورتالىقتاندىرىلعان ديسپەتچەرلىك باسقارۋ پروتسەسىندە قازاقستاننىڭ جۇيەلىك وپەراتورىنىڭ ۇلتتىق ديسپەتچەرلىك ورتالىعىنان باعىناتىن جۇيەلىك وپەراتوردىڭ وڭىرلىك ديسپەتچەرلىك ورتالىقتارى;
3) ورتالىقتاندىرىلعان ديسپەتچەرلىك باسقارۋ پروتسەسىندە قازاقستاننىڭ جۇيەلىك وپەراتورىنىڭ ۇلتتىق ديسپەتچەرلىك ورتالىعىنا, جۇيەلىك وپەراتوردىڭ وڭىرلىك ديسپەتچەرلىك ورتالىقتارىنا باعىناتىن وڭىرلىك ەلەكترجەلىلىك كومپانيالاردىڭ, ەنەرگيا ءوندىرۋشى ۇيىمداردىڭ, ەلەكتر ەنەرگياسىنىڭ كوتەرمە ساۋدا نارىعى تۇتىنۋشىلارىنىڭ ديسپەتچەرلىك بولىمشەلەرى.
20. جۇيەلىك وپەراتور ورتالىقتاندىرىلعان ورالىمدى-ديسپەتچەرلىك باسقارۋدى جۇزەگە اسىرۋ كەزىندە تەحنولوگيالىق بايلانىس, رەلەلىك قورعاۋ جانە اۆتوماتيكا قۇرالدارىن, تەلەمەحانيكا مەن وبەكتىلەردى باسقارۋدىڭ اۆتوماتتاندىرىلعان جۇيەلەرىن قۇرۋ, دامىتۋ جانە ۇيىمداستىرۋ قۇرىلىمىن, ولاردىڭ جۇمىس رەجيمدەرىن, ەلەكتر ەنەرگياسىن ەسەپكە الۋ مەن ەلەكتر ەنەرگياسىن تۇتىنۋدى باسقارۋدى انىقتايدى.
21. ورالىمدى-ديسپەتچەرلىك باسقارۋدىڭ ءاربىر دەڭگەيى ءۇشىن ەلەكتر بەرۋ جەلىلەرىن, جابدىق پەن قۇرىلعىلاردى باسقارۋدىڭ ەكى ساناتى: ورالىمدى باسقارۋ مەن ورالىمدى جۇرگىزۋ بەلگىلەنەدى.
22. ورالىمدى-ديسپەتچەرلىك باسقارۋدىڭ ءتيىستى دەڭگەيىندەگى ديسپەتچەردىڭ جەدەل باسقارۋىندا ولارمەن وپەراتسيالار جۇرگىزۋ باعىنىستاعى ورالىمدى-ديسپەتچەرلىك پەرسونالدىڭ ءىس-قيمىلدارى مەن ورالىمدى باعىنىستىڭ ءتۇرلى دەڭگەيىندەگى بىرنەشە وبەكتىلەردە كەلىسىلگەن وزگەرىستەردى ۇيلەستىرۋدى تالاپ ەتەتىن جابدىق, ەلەكتر بەرۋ جەلىسى, رەلەلىك قورعاۋ قۇرىلعىسى, اۆارياعا قارسى جانە رەجيمدىك اۆتوماتيكا جۇيەلەرىنىڭ اپپاراتۋرالارى, ديسپەتچەرلىك جانە تەحنولوگيالىق باسقارۋ قۇرالدارى بولادى.
23. ديسپەتچەردىڭ جەدەل يەلىگىندە جاي-كۇيى مەن رەجيمى ەلەكتر ستانتسيالارى مەن ەنەرگيا جۇيەلەرىنىڭ قۋاتى مەن رەزەرۆىنە, جەلىلەردىڭ رەجيمى مەن سەنىمدىلىگىنە, سونداي-اق اۆارياعا قارسى اۆتوماتيكانى رەتكە كەلتىرۋگە اسەر ەتەتىن جابدىق, ەلەكتر بەرۋ جەلىلەرى, رەلەلىك قورعاۋ قۇرىلعىلارى, اۆارياعا قارسى جانە رەجيمدىك اۆتوماتيكا جۇيەلەرىنىڭ اپپاراتۋراسى, ديسپەتچەرلىك جانە تەحنولوگيالىق باسقارۋ قۇرالدارى, جەدەل-اقپاراتتىق كەشەندەر بولادى.
24. بارلىق ەلەكتر بەرۋ جەلىلەرى, ەلەكتر ستانتسيالارى مەن جەلىلەردىڭ جابدىقتارى مەن قۇرىلعىلارى ديسپەتچەرلىك باسقارۋ دەڭگەيلەرى بويىنشا بولىنەدى.
25. كەزەكشى ديسپەتچەردىڭ جەدەل باسقارۋىنداعى جانە يەلىگىندەگى ەلەكتر بەرۋ جەلىلەرىنىڭ, ەلەكتر ستانتسيالارى مەن جەلىلەردىڭ جابدىعى مەن قۇرىلعىلارىنىڭ تىزبەسى مەنشىك تۇرىنە قاراماستان, جوعارى تۇرعان جەدەل-ديسپەتچەرلىك ۇيىمنىڭ نەمەسە بولىمشەنىڭ شەشىمىنە سايكەس جاسالادى جانە ونى وسى ۇيىمنىڭ تەحنيكالىق باسشىسى بەكىتەدى.
26. جۇيەلىك وپەراتوردىڭ جەدەل يەلىگىندە جاي-كۇيى مەن رەجيمى وڭىرلىك كوتەرمە ساۋدا تۇتىنۋشىلارىنا ۇلتتىق ەلەكتر جەلىسى بويىنشا قۋاتتى بەرۋگە جانە اۋماقتارمەن ىقپالداستىرىلعان ەلەكتر ستانتسيالارىنان قۋاتتى بەرۋگە اسەر ەتەتىن ەلەكتر بەرۋ جەلىلەرى, جابدىق, رەلەلىك قورعاۋ جانە اۆتوماتيكا مەن اۆارياعا قارسى اۆتوماتيكا قۇرىلعىلارى, ديسپەتچەرلىك جانە تەحنولوگيالىق باسقارۋ قۇرالدارى بولادى.
27. جابدىق, رەلەلىك قورعاۋ جانە اۆتوماتيكا, اۆارياعا قارسى اۆتوماتيكا قۇرىلعىلارى اتالعان ورالىمدى بۋىندا نە جەدەل با
سقارۋدا, نە جەدەل يەلىكتە عانا بولادى. جەلىنىڭ قانداي دا ءبىر ەلەمەنتىن اجىراتۋ ءۇشىن جۇمىس ىستەپ تۇرعان ء(سوندىرۋ فاكتىسى بويىنشا) رەلەلىك قورعاۋ جانە اۆتوماتيكا مەن اۆارياعا قارسى اۆتوماتيكا قۇرىلعىلارىنىڭ جەدەل باسقارۋ شەكاراسى اتالعان ەلەمەنتتى جەدەل باسقارۋدىڭ شەكارالارىمەن سايكەس كەلەدى.
28. ەلەكتر بەرۋ جەلىلەرى, ولاردى ىسكە قوسۋ, قورعاۋ, اۆارياعا قارسى اۆتوماتيكا جۇيەلىك وپەراتوردىڭ, وڭىرلىك ەلەكتر جەلىلىك كومپانيانىڭ جەدەل باسقارۋىندا بولادى, بۇل رەتتە جەلىلەردىڭ جالعانىمدارى ەنەرگيا وبەكتىلەرىندەگى كەزەكشى پەرسونالدىڭ جەدەل باسقارۋىندا بولادى.
29. ءاربىر ەنەرگيا وبەكتىسىندە (ەلەكتر ستانتسيالارى, ەلەكتر جەلىلەرى) جابدىقتاردى تاۋلىك بويى جەدەل باسقارۋ ۇيىمداستىرىلادى:
1) جۇمىستىڭ تالاپ ەتىلەتىن رەجيمىن جۇزەگە اسىرۋ;
2) اۋىستىرىپ قوسۋلاردى, ىسكە قوسۋلار مەن توقتاتۋلاردى جۇرگىزۋ;
3) تەحنولوگيالىق بۇزىلىستاردى وقشاۋلاۋ مەن جۇمىستىڭ بەرىلگەن رەجيمىن قالپىنا كەلتىرۋ;
4) جوندەۋ جۇمىستارىن جۇرگىزۋگە دايىنداۋ.
30. ورالىمدى-ديسپەتچەرلىك باسقارۋ جەدەل سحەمالارمەن جيناقتالعان ديسپەتچەرلىك جانە تەحنولوگيالىق باسقارۋ قۇرالدارىمەن جانە باقىلاۋ جۇيەلەرىمەن جابدىقتالعان ديسپەتچەرلىك پۋنكتتەر مەن باسقارۋ قالقاندارىنان جۇزەگە اسىرىلادى.
31. ورالىمدى-ديسپەتچەرلىك باسقارۋدىڭ ءاربىر دەڭگەيىندە قازاقستان رەسپۋبليكاسىنىڭ قولدانىستاعى زاڭناماسىندا كوزدەلگەن قازاقستاننىڭ ءبىرتۇتاس ەلەكتر ەنەرگەتيكاسى جۇيەسىندە اۆاريالىق بۇزىلىستاردى بولدىرماۋ جانە ونى جويۋ جونىندەگى قاعيدالاردىڭ نەگىزىندە ەلەكتر ەنەرگياسى نارىعىن ۇيىمداستىرۋ ەرەكشەلىگى ەسكەرىلە وتىرىپ, ورالىمدى-ديسپەتچەرلىك باسقارۋ, جەدەل كەلىسسوزدەر مەن جازبالاردى جۇرگىزۋ, اۋىستىرىپ قوسۋ جانە اۆاريالىق رەجيمدەردى جويۋ جونىندەگى نۇسقاۋلىقتار ازىرلەنەدى.
32. ورالىمدى-ديسپەتچەرلىك باسقارۋدىڭ ءتۇرلى دەڭگەيلەرىنىڭ ءوزارا ءىس-قيمىل جاساۋى ورالىمدى-ديسپەتچەرلىك باسقارۋدىڭ جوعارى تۇرعان بولىمشەسى بەكىتكەن ورىندالۋى مىندەتتى ءتيىستى نۇسقاۋلىقتارمەن رەتتەلەدى. نۇسقاۋلىقتاردا مىنالار:
1) ەلەكتر بەرۋ جەلىلەرى مەن جابدىقتاردى ديسپەتچەرلىك باسقارۋ تاسىلىمەن ءبولۋ;
2) ەلەكتر ستانتسيالاردىڭ, ەلەكتر بەرۋ جەلىلەرى جۇمىسىنىڭ بەرىلگەن رەجيمدەرىن جۇرگىزۋ;
3) ەلەكتر ەنەرگياسى نارىعىنداعى ورالىمدى-ديسپەتچەرلىك باسقارۋ;
4) بايلانىس پەن تەلەولشەۋلەردى جەتكىزۋدى ۇيىمداستىرۋ;
5) جەدەل جانە تەحنولوگيالىق اقپاراتتاردى بەرۋ;
6) ەلەكتر جەلىلەرى جۇمىسىنىڭ ورنىقتىلىعىن جانە قالىپتى رەجيمدەرىن ەسەپتەۋ ءادىسناماسى;
7) اۆارياعا قارسى اۆتوماتيكا جانە رەلەلىك قورعاۋ مەن اۆتوماتيكا قۇرىلعىلارىن رەتكە كەلتىرۋدىڭ نەگىزگى ولشەمدەرىن ەسەپتەۋ ءادىسناماسى;
8) جەلىلەردى, جابدىقتار مەن اۆارياعا قارسى اۆتوماتيكا جانە رەلەلىك قورعاۋ مەن اۆتوماتيكا قۇرىلعىلارىن جوندەۋگە كەلىسۋ;
9) قاتار جۇمىستى ۇيىمداستىرۋ, اۋىستىرىپ قوسۋلاردى جۇرگىزۋ, تەحنولوگيالىق بۇزىلىستاردى جويۋ مەن رەلەلىك قورعاۋ جانە اۆارياعا قارسى اۆتوماتيكا قۇرىلعىلارىن تەحنيكالىق پايدالانۋ ماسەلەلەرى بويىنشا قۇجاتتار ازىرلەۋ جانە كەلىسۋ;
10) تاۋلىكتىك كەستەدە بەرىلگەن رەجيمدى جاساۋ جانە ورىنداۋ;
11) جيىلىك پەن كەرنەۋدى رەتتەۋ;
12) جەدەل اجىراتىپ قوسۋلاردى جۇرگىزۋ, سىناقتار وتكىزۋ;
13) جەدەل وتىنىمدەردى بەرۋ;
14) تەحنولوگيالىق بۇزىلىستاردى جويۋ;
15) تەحنولوگيالىق بۇزىلىستار, جازاتايىم وقيعالار تۋرالى اقپاراتتار بەرۋ;
16) ديسپەتچەرلىك باسقارۋ بويىنشا وزدەرىنىڭ نەگىزگى مىندەتتەرىن ورىنداۋ كەزىندەگى قۇقىقتار مەن جاۋاپكەرشىلىكتەردى ءبولۋ بەلگىلەنەدى.
33. بارلىق دەڭگەيلەردەگى جەدەل كەلىسسوزدەر بىرىڭعاي تەرمينولوگيانى, ۇلگىلىك وكىمدەردى, حابارلامالاردى قولدانا وتىرىپ جۇرگىزىلەدى جانە جەدەل-ديسپەتچەرلىك قۇجاتتاماعا, سونداي-اق ماگنيتوفوندىق تاسپاعا, كومپيۋتەرگە جازبالارمەن تىركەلەدى.
34. ورالىمدى ديسپەتچەرلىك باسقارۋ سۋبەكتىلەرى ورتالىقتاندىرىلعان ديسپەتچەرلىك باسقارۋ پروتسەسىندە:
1) ورتالىقتاندىرىلعان-ديسپەتچەرلىك باسقارۋ جۇيەسى نورمالارىنىڭ ساقتالۋىن;
2) ەلەكترمەن جابدىقتاۋعا جاسالعان شارتتار بويىنشا جۇيەلىك وپەراتور بەلگىلەگەن رەجيمدەردىڭ ساقتالۋىن;
3) جۇيەلىك وپەراتوردى ەلەكتر ەنەرگياسىنىڭ ناقتى تەڭگەرىمدەرىن جاساۋ ءۇشىن قاجەتتى دۇرىس جانە ۋاقتىلى اقپاراتپەن;
4) جۇيەلىك وپەراتوردىڭ جەدەل باسقارۋىنداعى قازاقستان رەسپۋبليكاسىنىڭ ەلەكتر ستانتسيالارى جابدىقتارىن جوندەۋ كەستەلەرىنىڭ ساقتالۋىن;
5) جۇيەلىك وپەراتوردىڭ جەدەل باسقارۋىنداعى, يەلىگىندەگى رەلەلىك قورعاۋ, اۆتوماتيكا جانە اۆارياعا قارسى اۆتوماتيكا قۇرىلعىلارى جۇمىس رەجيمدەرىنىڭ جانە سحەمالارىنىڭ ساقتالۋىن;
6) قازاقستان رەسپۋبليكاسى سۋ رەسۋرستارى كوميتەتى بەلگىلەگەن سۋ قويمالارىنان سۋدى جىبەرۋ, گيدروقۇرىلىستاردى پايدالانۋ قاعيدالارىنىڭ ورىندالۋىن;
7) اۆارياعا قارسى اۆتوماتيكا جۇيەلەرى مەن اسپاپتارىن, اۆتوماتتاندىرىلعان ديسپەتچەرلىك باسقارۋ جۇيەسى, رەلەلىك قورعاۋ جانە اۆت
