«42500 تەڭگە مەملەكەتتىك بيۋدجەتتەن ەمەس, مەملەكەتتىك ساقتاندىرۋ قورىنان تولەنەدى. وسى قور اقشا بەرەدى جانە تاعايىندايدى. قازاقستاندا بۇكىل تولەمدەردى «ازاماتتار ءۇشىن ۇكىمەت» كورپوراتسياسى جۇزەگە اسىرادى, ياعني ازاماتتاردىڭ بانك ەسەپشوتتارىنا اۋدارادى. ال ءوتىنىشتى قابىلداپ جاتقان ەڭبەك جانە الەۋمەتتىك قورعاۋ مينيسترلىگى بارلىق دەرەكتەردى تەكسەرىپ جىبەرەدى. وسى ءۇش مەكەمەنىڭ ازاماتتارى كۇنى-ءتۇنى جۇمىس ىستەپ جاتىر», - دەدى ءبىرجان نۇرىمبەتوۆ.
ونىڭ ايتۋىنشا, جاردەماقىنىڭ كەش ءتۇسۋىنىڭ ەكىنشى سەبەبى - ازاماتتاردىڭ جەكە دەرەكتەرىن دۇرىس كورسەتپەۋى.
«قازىرگى تاڭدا ءوتىنىش بەرگەندەر سانى 5 ملن-عا جەتتى. دەرەكتەردى تەكسەرۋ بارىسىندا كەيبىر ادامدار وزدەرىنىڭ جەكە سايكەستەندىرۋ ءنومىرىن (جسن) دۇرىس كورسەتپەيدى. ەكىنشىدەن, ەسەپشوتتاردى دۇرىس كورسەتپەيدى. جابىلىپ قالعان بانك ەسەپشوتتارىن جىبەرەتىندەر بار. 83 مىڭنان اسا ادام وسىنداي قاتەلىك جىبەرگەن», - دەدى مينيستر.
سونداي-اق كەي ازاماتتار 42500 تەڭگەنى بالالارى نەمەسە تۋىستارىنىڭ ەسەپشوتتارىنا اۋدارۋدى سۇرايدى. مينيستر ءار ازاماتتىڭ جەكە ەسەپشوتى بولۋى ءتيىس ەكەنىن ءتۇسىندىردى.
«الاياقتار ءسىزدىڭ اتى-ءجونىڭىز بەن جسن-ءدى كورسەتىپ, ءوزىنىڭ ەسەپشوتىن تىركەپ, ءسىزدىڭ اتىڭىزدان ءوتىنىش بەرۋى مۇمكىن. سول كەزدە سىزگە تيەسىلى اقشانى الاياقتاردىڭ الىپ كەتەتىنى انىق. سوندىقتان ءاربىر ادامنىڭ جەكە ەسەپشوتى بولۋى ءتيىس», - دەدى مينيستر.
