ايتا كەتەتىن ءبىر جايت, رەزەرۆشىلەر تەك كەنشىلەر استاناسى بويىنشا عانا تاڭدالدى. قاراعاندى وبلىسىنىڭ جۇمىلدىرۋ دايىندىعى جونىندەگى باسقارما باسشىسى جومارت جىلقىباەۆ ءوڭىردىڭ باسقا قالالارى مەن اۋداندارىندا ارناۋلى جيىندار وتكىزۋدىڭ ازىرگە جوسپاردا جوق ەكەنىن ايتادى.
سونداي-اق باسقارما باسشىسىنىڭ اسكەرگە شاقىرىلۋشىلاردىڭ ءبىر اي بويى قالا اۋماعىن سانيتارلىق وڭدەۋ ءۇشىن قوسىمشا كۇش رەتىندە جۇمىلدىرىلاتىنىن اتاپ ءوتتى. ولاردى ماماندار الدىن الا وقىتادى ەكەن.
– اسكەري مىندەتتىلەردىڭ بارلىعى كيىم-كەشەكپەن, قورعانىش كوستيۋمدەرىمەن جانە قۇرالدارمەن قامتاماسىز ەتىلەدى. كۇنىنە ءۇش رەت تاماقتانادى. مەملەكەت ەسەبىنەن ارناۋلى جيىنعا قاتىسۋشىلارعا ەڭبەكاقى تولەنەدى. ولاردىڭ ىشىندەگى بۇرىن جۇمىس ىستەمەگەندەرى 42 500 تەڭگەدەن الادى. ال جۇمىس ىستەيتىن اسكەري مىندەتتىلەر بۇرىنعى ەڭبەكاقىسىن جوعالتپايدى. جۇمىس ورنىنان انىقتاما بويىنشا ولارعا ورتاشا ايلىق ەڭبەكاقى تولەنەدى. جيىن بارىسىندا جۇمىس ورنى مەن اتقاراتىن قىزمەتى ساقتالادى, – دەيدى جومارت جىلقىباەۆ.
قاراعاندى وبلىسى
