پاراسات پارقى – پاتريوتيزم
«پاتريوتتىق – ۇلى ۇعىم» – الدىڭعى كۇنى استاناداعى №64 مەكتەپ-ليتسەيدە وقۋشىلارعا ءدارىس وقىعان ەلباسىمىز نۇرسۇلتان نازارباەۆ وسىلاي ايتتى. ەل تەلەارنالارى ارقىلى كورسەتىلىپ, ەل گازەتى ارقىلى حالىققا جەتكىزىلگەن سول اڭگىمەدە پرەزيدەنت ءوز ءدارىسىنىڭ التىن ارقاۋى ەتىپ وتانشىلدىقتى الدى. «بيىلدان باستاپ مەكتەپتەرگە «قازاق ەلى» دەگەن ءپان ەنگىزىلەدى. سونىڭ ءبىرىنشى ساباعىن مەن وتكىزىپ وتىرمىن. بۇل پاتريوتتىققا تاربيەلەيتىن ءپان», دەدى پرەزيدەنت.
نۇرسۇلتان نازارباەۆ ول ساباقتى مەكتەپ وقۋشىلارىنا ارناپ وتكىزدى. سوندىقتان دا بالانىڭ بويىنا سىياتىنداي, ويىنا قۇيىلاتىنداي قاراپايىم سوزدەرمەن ءوربىتتى اڭگىمەسىن. «ناعىز پاتريوتتىق تاربيە ۇيدەن, ءوز وتباسىڭنان باستاۋ الادى. اتا-انانى, ءىنى-قارىنداستى, تۋعان-تۋىستىڭ بارشاسىن جاقسى كورۋ پاتريوتتىق سەزىم قالىپتاستىرادى. سولاردىڭ قامىن ويلاۋ ارقىلى وتانعا جاقسىلىق جاسايسىڭ», دەدى نۇرسۇلتان ءابىش ۇلى.
ادامنىڭ ءوز وتانىنا, تۋعان ەلىنە, ونىڭ تىلىنە, سالت-ءداستۇرى مەن مادەنيەتىنە دەگەن سۇيىسپەنشىلىك سەزىمىن سىيدىراتىن پاتريوتيزم ۇعىمى ادامزات قوعامىندا مەملەكەت قۇرىلعان كەزەڭنەن بەرى قالىپتاسىپ كەلە جاتىر. تاريحتىڭ ۇزىنا بويىندا ءپاتريوتيزمنىڭ سان ءتۇرى كورىنىس تاپتى. پوليستىك پاتريوتيزم انتيك داۋىرىندەگى قالا-مەملەكەتتەردە بوي كوتەرسە, يمپەريالىق پاتريوتيزم يمپەرياعا ادال بەرىلۋدى اۋەزە ەتتى, ەتنوستىق ءپاتريوتيزمنىڭ بۇيرەگى بارىنەن بۇرىن ءوزىنىڭ سۇيەگىنە بۇرىلسا, مەملەكەتتىك پاتريوتيزم الدىمەن مەملەكەتتىڭ مۇددەسىن ويلاۋدى, تۋعان ەلگە دەگەن پەرزەنتتىك سۇيىسپەنشىلىكتى تۋ ەتىپ ۇستادى. مەكتەپ شاكىرتتەرىنىڭ الدىندا ەلباسىمىز وسى مەملەكەتتىك ءپاتريوتيزمدى اسپەتتەۋدىڭ ادەمى ۇلگىسىن كورسەتتى. ادام پاراساتىنىڭ پارقى ەڭ الدىمەن ونىڭ پاتريوتيزمىنەن تانىلاتىنىن دايەكتى دالەلدەدى.
ءدال بۇگىنگى گازەت نومىرىندە قازاقستاننىڭ ەكونوميكانىڭ باسەكەگە قابىلەتتىلىگى بويىنشا الەمدەگى ەلۋلىككە ەنگەنى جونىندەگى جاقسى جاڭالىقتى جەلپىنە جازىپ وتىرمىز. ءبىز بۇل جارقىن جەڭىسكە ەڭ الدىمەن قازاقستاندىق وتانشىلدىقتىڭ ارقاسىندا جەتكەنىمىز انىق.
وتانشىلدىق تاربيەسى – نۇرسۇلتان نازارباەۆتىڭ ەلىمىزدى باسقارعان ءبىرىنشى كۇنىنەن اۋىزدان تۇسىرمەي, ايالاي ايتاتىن تاقىرىبى. ەلباسىمىزدىڭ باياندامالارىندا, سوزدەرىندە, سۇحباتتارىندا, كىتاپتارىندا وتانشىلدىق تۋرالى تەرەڭ ءماندى تولعانىستار, ايشىقتى ورنەكتەر مول. ولاردىڭ بىرقاتارى جاقىندا ساياسات عىلىمدارىنىڭ دوكتورى, پروفەسسور ماحمۇت قاسىمبەكوۆتىڭ جەتەكشىلىگىمەن قۇراستىرىلعان «جىلدار مەن ويلار» اتتى كىتاپتا توپتاستىرىلعان. ءبىز بۇگىن گازەتىمىزدىڭ 3-بەتىندە پرەزيدەنت نۇرسۇلتان نازارباەۆتىڭ وتانشىلدىق تۋرالى ويلارىن وقىرمان نازارىنا ۇسىنىپ وتىرمىز. ەلباسىمىزدىڭ جان-جۇرەگىن جارىپ شىققان بۇل سوزدەر بولەك ساقتاپ قويۋعا, جاڭا وقۋ جىلىندا باستالاتىن «قازاق ەلى» پانىندە ۇستازداردىڭ پايدالانۋىنا ىڭعايلى بولۋى ءۇشىن ارنايى بەتكە ورنالاستىرىلدى.
پاراسات پارقى – پاتريوتيزم
«پاتريوتتىق – ۇلى ۇعىم» – الدىڭعى كۇنى استاناداعى №64 مەكتەپ-ليتسەيدە وقۋشىلارعا ءدارىس وقىعان ەلباسىمىز نۇرسۇلتان نازارباەۆ وسىلاي ايتتى. ەل تەلەارنالارى ارقىلى كورسەتىلىپ, ەل گازەتى ارقىلى حالىققا جەتكىزىلگەن سول اڭگىمەدە پرەزيدەنت ءوز ءدارىسىنىڭ التىن ارقاۋى ەتىپ وتانشىلدىقتى الدى. «بيىلدان باستاپ مەكتەپتەرگە «قازاق ەلى» دەگەن ءپان ەنگىزىلەدى. سونىڭ ءبىرىنشى ساباعىن مەن وتكىزىپ وتىرمىن. بۇل پاتريوتتىققا تاربيەلەيتىن ءپان», دەدى پرەزيدەنت.
نۇرسۇلتان نازارباەۆ ول ساباقتى مەكتەپ وقۋشىلارىنا ارناپ وتكىزدى. سوندىقتان دا بالانىڭ بويىنا سىياتىنداي, ويىنا قۇيىلاتىنداي قاراپايىم سوزدەرمەن ءوربىتتى اڭگىمەسىن. «ناعىز پاتريوتتىق تاربيە ۇيدەن, ءوز وتباسىڭنان باستاۋ الادى. اتا-انانى, ءىنى-قارىنداستى, تۋعان-تۋىستىڭ بارشاسىن جاقسى كورۋ پاتريوتتىق سەزىم قالىپتاستىرادى. سولاردىڭ قامىن ويلاۋ ارقىلى وتانعا جاقسىلىق جاسايسىڭ», دەدى نۇرسۇلتان ءابىش ۇلى.
ادامنىڭ ءوز وتانىنا, تۋعان ەلىنە, ونىڭ تىلىنە, سالت-ءداستۇرى مەن مادەنيەتىنە دەگەن سۇيىسپەنشىلىك سەزىمىن سىيدىراتىن پاتريوتيزم ۇعىمى ادامزات قوعامىندا مەملەكەت قۇرىلعان كەزەڭنەن بەرى قالىپتاسىپ كەلە جاتىر. تاريحتىڭ ۇزىنا بويىندا ءپاتريوتيزمنىڭ سان ءتۇرى كورىنىس تاپتى. پوليستىك پاتريوتيزم انتيك داۋىرىندەگى قالا-مەملەكەتتەردە بوي كوتەرسە, يمپەريالىق پاتريوتيزم يمپەرياعا ادال بەرىلۋدى اۋەزە ەتتى, ەتنوستىق ءپاتريوتيزمنىڭ بۇيرەگى بارىنەن بۇرىن ءوزىنىڭ س
