بۇگىن وبلىسىمىزدا ءۇشىنشى ادامنىڭ كوروناۆيرۋس ينفەكتسياسىن جۇقتىرعانىن حابارلاعان ەدىك. وبلىستىق دەنساۋلىق ساقتاۋ باسقارماسى وسىدان ءبىر-ەكى ساعات بۇرىن وسكەمەندىك تاعى ءبىر تۇرعىن وسى ىندەتكە شالدىققانىن جەتكىزدى. باسقارما باسشىسى ءىلياس مۇحامەدجاننىڭ ايتۋىنشا, 30 ناۋرىز كۇنى ستاتسيونارعا تۇسكەن 1938 جىلعى ەر ادامعا «پنەۆمونيا» دياگنوزى قويىلعان ەكەن. «بەكىتىلگەن الگوريمگە سايكەس ودان كوروناۆيرۋسقا سىناما الىندى. سىناما وڭ ناتيجە كورسەتكەن. قازىرگى ۋاقىتتا ناۋقاستىڭ جاعدايى ورتاشا. پاتسيەنت بۇعان دەيىن كوروناۆيرۋس جۇقتىرعان وسكەمەندىكتىڭ تۋىسى ەمەس. زەينەتكەرمەن بايلانىستا بولعان 55 ادام انىقتالىپ وتىر. سونىڭ ىشىندەگى 12 ادامنىڭ سىناماسى تەرىس ناتيجە كورسەتسە, قالعان 43 ادامنىڭ سىناماسىنىڭ ناتيجەسى ءالى شىققان جوق» دەيدى ءى.مۇحامەدجان.
وسكەمەن
