قاسكويدى قۇرىقتاۋ كەزىندە قازا تاپقان ازاماتتىڭ ەرلىگى ءاردايىم ەل ەسىندە. باتىردىڭ تۋعان كۇنىنە وراي بۇگىن تاراز قالاسى پوليتسيا باسقارماسىنىڭ ساپتىق الاڭىندا ەلىمىزدىڭ مەملەكەتتىك تۋى كوتەرىءلىپ, مەملەكەتتىك گيمنى ورىندالىپ, ەسكە الۋ ءىس-شاراسى ءوتتى. اتالعان شاراعا تاراز قالاسى پوليتسيا باسقارماسىنىڭ جەكە قۇرامى مەن جاس ماماندارى قاتىستى. جيىن بارىسىندا تاراز قالاسى پوليتسيا باسقارماسى باستىعىنىڭ ورىنباسارى س.سەكسەنباەۆ بايانداما جاساپ, عازيز بايتاسوۆتىڭ ەرلىگى جونىندە جانە وقيعا ورىن العان كۇن تۋراسىندا اڭگىمەلەدى. «حالىق قاھارمانى, پوليتسيا كاپيتانى عازيز بايتاسوۆ قاۋىپسىزدىكتى ساقتاۋ ءىسىندە ءوزىنىڭ ناعىز وتانسۇيگىشتىگىن دالەلدەگەن پوليتسەي جانە لاڭكەس بەيبىت ادامدارعا وق جاۋدىرا باستاعاندا, ويلانباستان ولاردى قۇتقارۋ ءۇشىن ءوزىن قۇربان ەتكەن ازامات. ونىڭ ەرلىگى مەن قىزمەتىنە دەگەن ادالدىعى كەيىنگى جاستارعا ۇمىتىلماس ونەگە بولارى انىق», دەدى ول. سونىمەن قاتار, ارىپتەستەرى باتىردى ەسكە الىپ, ءبىر مينۋتتىق ۇنسىزدىك جاريالادى. جامبىل وبلىستىق پوليتسيا دەپارتامەنتىنىڭ الدىنا ورناتىلعان پوليتسيا كاپيتانى عازيز بايتاسوۆتىڭ بيۋستىنە جانە قازا تاپقان جەرىنە گۇل شوقتارى قويىلدى.
جامبىل وبلىسى
