«ساپالى جول» جوباسى اياسىندا قالاداعى ا2 كوشەسى مەن تەمىرلان تاس جولى اراسىنداعى جول ايرىعىنداعى جول قۇرىلىستارى تەكسەرۋدەن ءوتتى.
شارا بارىسىندا جول قۇرىلىسىنىڭ تالاپتارى قاداعالانىپ, ساپاسى تەكسەرىلدى. سىبايلاس جەمقورلىققا قارسى ءىس-قيمىل اگەنتتىگىنىڭ شىمكەنت قالاسى بويىنشا دەپارتامەنتىنىڭ اعا وفيتسەرى س.اسىلبەكتىڭ ايتۋىنشا قالاداعى بارلىق سالىنىپ جاتقان جولدار تەكسەرۋدەن وتەدى. ولقىلىقتار شىقسا تاپسىرىس بەرۋشىگە حات جولدانىپ, كەمشىلىكتەر جويىلماي قابىلداۋعا الىنبايدى.
جول ساپاسى جىلجىمالى زەرتحانادا تەكسەرىلەدى. اسفالتتى ارنايى اپپاراتپەن ويىپ, ونىڭ قۇرامى مەن ستاندارتى سارالانادى. سونىمەن قاتار جولدىڭ ەنى كولەمى دە نازاردان تىس قالمايدى.
«2019 جىلدىڭ قورىتىندىسى بويىنشا شىمكەنتتەگى جول قۇرىلىسىنداعى قاتەلىكتەرگە 800-دەن استام ەسكەرتپە جاسالعان. مىنە بۇگىن تاعى قالالىق سىبايلاس جەمقورلىققا قارسى قىزمەتىمەن بىرگە تەكسەرۋگە شىقتىق. ناتيجەسىن قوسىمشا حابارلايتىن بولامىز» - دەدى «ۇلتتىق جول اكتيۆتەرى ساپاسى ورتالىعى» رمك شىمكەنت قالاسى بويىنشا فيليالىنىڭ ينسپەكتورى ق.شاكيروۆ.
ايتا كەتەيىك, جىل باسىنان جۇرگىزىلگەن 2 رەيدتىك شارا بارىسىندا 27 بۇزۋشىلىق انىقتالىپ, كەمشىلىكتەردى قالىپقا كەلتىرۋ ءۇشىن ءتيىستى مەردىگەر مەكەمەلەرگە ەسكەرتۋ جاسالىپ, ساپاسىز سالىنعان جولداردىڭ قۇرىلىسى بويىنشا ناقتى تاپسىرمالار بەرىلدى.
