ەلوردا • 03 ءساۋىر، 2020

بلوك-بەكەتتەردەن كاسىپكەرلەرگە قانداي جاعدايدا وتۋگە رۇقسات بەرىلەدى؟

27 رەت كورسەتىلدى

ەلوردا اكىمدىگىندە بلوك-بەكەتتەر ارقىلى كاسىپكەرلەرگە نۇر-سۇلتان قالاسىنىڭ اۋماعىنا ءوتۋ ءۇشىن قانداي قۇجاتتاردىڭ قاجەت ەكەندىگى ايتىلدى، دەپ حابارلادى قالالىق اكىمدىكتىڭ ءباسپاسوز قىزمەتى.

«بلوك-بەكەتتەر ارقىلى نۇر-سۇلتان قالاسىنىڭ اۋماعىنا كىرۋ نەمەسە ونىڭ اۋماعىنان شىعۋ مىنا قۇجاتتاردى كورسەتۋ كەزىندە عانا جۇزەگە اسىرىلادى:  تاۋارلاردى جەتكىزۋشىلەردىڭ جەكە باسىن كۋالاندىراتىن قۇجات نەمەسە ولاردىڭ تولقۇجاتى، تاۋارعا (ازىق-ت ۇلىك تاۋارلارى، قۇرىلىس ماتەريالدارى، ءدارى-دارمەك مەن تەمەكى بۇيىمدارى) ارنالعان تاۋار-كولىك جونەلتپە قۇجاتى. سونداي-اق، تاۋارلاردى جەتكىزۋشىلەردىڭ جەكە سانيتارلىق قورعانىس قۇرالدارى، سانيتايزەرلەرى مەن گيگيەنالىق قۇرالدارى (قوسىمشا بەتپەردەلەر مەن رەزەڭكە قولعاپتار) بولۋى قاجەت»، – دەلىنگەن حابارلامادا. 

مۇنىمەن قوسا، ۇزاق مەرزىمگە قالا اۋماعىنا كەلگەن كولىك قۇرالدارى ەسەپكە الىناتىن بولادى. اتالمىش جۇك كولىكتەرىنىڭ قوزعالىسىنا شتابتىڭ كەلىسىمىنسىز جول بەرىلمەيدى.

سوڭعى جاڭالىقتار

اۋليە اتا ءھام ۇلى جىراۋ

رۋحانيات • كەشە

ۇقساس جاڭالىقتار