«كومەك سۇراعان 12,5 مىڭ كاسىپكەردىڭ 60%-ى كوروناۆيرۋسپەن كۇرەس جانە قىزمەتتى شەكتەۋ بويىنشا شارالار سالدارىن سەزىندى. «قازاقستان رەسپۋبليكاسىندا توتەنشە جاعداي ەنگىزۋ تۋرالى» جارلىعىنا سايكەس, مەملەكەت بيزنەستى قاشىقتىقتان جۇمىس ىستەۋگە اۋىستىرىپ, كوپ كاسىپورىن ۋاقىتشا جابىلدى. مەملەكەت شاعىن جانە ورتا كاسىپكەرلىكتى قولداۋ بويىنشا شارالاردى قابىلدادى. مەملەكەتتىك جانە قالالىق بيلىكتەن م ۇلىكتى جالعا العاندار تولەمدى 3 اي كەيىنگە شەگەرۋ مۇمكىندىگىن يەلەندى.
جالعا بەرۋشىلەر مەن جالعا الۋشىلار اراسىنداعى قارىم-قاتىناس ازاماتتىق-قۇقىقتىق قاتىناسقا جاتاتىندىقتان ول ازاماتتىق كودەكستىڭ «مiندەتتەمەنiڭ بۇزىلعاندىعى ءۇشiن جاۋاپكەرشiلiك نەگiزدەرi» 359-بابىمەن رەتتەلەتىنىن ايتا كەتەيىك. پالاتانىڭ وڭىرلىك وكىلدەرى كوممەرتسيالىق جىلجىمايتىن م ۇلىكتى جالعا الۋ بويىنشا داۋلاردى مەدياتسيالىق جولمەن شەشۋگە كىرىستى. ماماندار نىساندارى كارانتينگە جابىلعان 484 ورىنجاي يەسىمەن بايلانىسقا شىعىپ, ولارعا 15 مىڭ جالعا الۋشى حابارلاسقانىن انىقتادى. ازىرگە 48%-ى (236 نىسان) جەڭىلدىك جاساۋعا دايىن جانە ءتۇرلى شارت نەگىزىندە كەلىسىم جاساۋدا. الماتىدا كاسىپكەرلەردىڭ ءبىر بولىگى تولەمدى كوممۋنالدىق قىزمەت جانە كۇزەت قىزمەتىنە عانا الۋعا كەلىستى. قوستانايدا جالعا بەرۋشىلەر جالعا الۋ قۇنىن جانە ماركەتينگتىك تولەمدەردى قارىزدى كەيىنگە قالدىرماي توقتاتتى. اتىراۋ وبلىسى جانە شىعىس قازاقستان وبلىسىنىڭ جالعا الۋشىلارى جەكەلەگەن نەگىزدە وبەكتىلەردىڭ يەلەرىمەن سومانى ازايتۋ نەمەسە جالداۋ مەرزىمىن كەيىنگە قالدىرۋ تۋرالى كەلىسە الادى. قاراعاندى جانە ماڭعىستاۋ وبلىستارىنىڭ جالعا بەرۋشىلەرى جالعا بەرۋ كەلىسىمشارتىندا قاراستىرلعان ايىپپۇلدىق سانكتسيالاردى الىپ تاستاۋعا جانە جۇمىس كەستەسى بويىنشا جالعا الۋ قۇنىن قايتا ەسەپتەۋگە كەلىستى. سونداي-اق وڭىرگە قاراي كاسىپكەرلەردە 20-50% كولەمىندە جەڭىلدىك الۋعا مۇمكىندىك بار»,- دەلىنگەن جاريالانعان اقپاراتتا.
ساۋالداما ناتيجەسى كورسەتكەندەي, جالعا بەرۋشىلەر مەملەكەت تاراپىنان كوممۋنالدىق تولەمدەر مەن قارىزداردى كەيىنگە شەگەرۋ, سول سەكىلدى 2020 جىلى كورپوراتيۆتى تابىس سالىعىنان بوساتۋ بويىنشا قولداۋ كورسەتىلسە, جەڭىلدىك جاساۋعا دايىن ەكەندەرىن بىلدىرتكەن. كوپتەگەن نىسان جاريالانعان م ۇلىك سالىعىن تولەۋدەن بوساتىلماپتى. ويتكەنى, ولار ءىرى ساۋدا نىسانى (اۋدانى 2000 شارشى مەتردەن كەم), ساۋدا ويىن-ساۋىق ورتالىعى نەمەسە كورمە ورىندارىنا جاتپايدى. جالعا بەرۋشىلەر كاسىپكەرلەرگە جەڭىلدىك بەرۋگە نەگە ق ۇلىقسىز؟ وسى ورايدا «اتامەكەن» ۇكپ ۇكىمەتكە جالعا بەرۋشىلەردى 2020 جىلعى م ۇلىك سالىعىنان بوساتۋدى نەمەسە نىسان يەلەرى كاسىپكەرلەردى تولەمنەن بوساتسا ولارعا كوممۋنالدىق تولەمدەردى كەيىنگە شەگەرۋ مۇمكىندىگىن بەرۋدى ۇسىندى.
«پرەزيدەنت جəنە ۇكىمەت قولداۋدىڭ العاشقى پاكەتىن شاعىن جانە ورتا بيزنەسكە باعىتتادى. الايدا «اتامەكەنگە» باسقا دا سالالاردا قيىن جاعداي تۋرالى وتىنىمدەر تۇسۋدە. ءبىرىنشى كەزەكتە بۇل وڭدەۋ ونەركاسىبى, اگروونەركاسىپ كەشەنى, قۇرىلىس, لوگيستيكا, سونداي-اق قىزمەت كورسەتۋ جانە تۋريزم سالاسىنداعى ءىرى بيزنەس تە قولداۋسىز قالىپ وتىر. ۇلتتىق پالاتا كاسىپكەرلەردىڭ تۇيتكىلدى ماسەلەلەرىن جيناقتاپ, باسقا سالالارداعى كاسىپكەرلەردەن ساۋالداما سۇراقتارىنا جاۋاپ بەرۋدى سۇرايدى»,- دەپ تۇيىندەلدى.
