الەم • 01 ءساۋىر، 2020

تەلەارنالار كوروناۆيرۋس تۋرالى كوپ كورسەتپەۋى كەرەك

36 رەتكورسەتىلدى

رەسەيدىڭ ءبىر توپ دارىگەرى ەل پرەزيدەنتى ۆ. پۋتين مەن پرەمەر-مينيستر م. ميشۋستينگە اشىق حات جولدادى.

اق حالاتتى جاندار اشىق حاتتا كوروناۆيرۋسقا بايلانىستى اقپارات قۇرالدارىندا جاريالانىپ جاتقان دۇنيەلەرگە الاڭداۋشىلىعىن ءبىلدىردى.

«اقپارات قۇرالدارىندا جاريالانىپ جاتقان دۇنيەلەر ەلدىڭ ۇرەيىن تۋعىزۋدا. ورتالىق تەلەارنالاردا جانە ءتۇرلى سايتتاردا بەرىلىپ جاتقان جاڭالىقتار لەگىنىڭ 70 پايىزى كوروناۆيرۋستى تىپتەن قۇبىجىق قىپ كورسەتەدى. وسىناۋ ىندەتتىڭ ءتۇپ-توركىنىن زەرتتەپ، بىلىكتى مامانداردىڭ، دەنساۋلىق ساقتاۋ مينيسترلىگىنىڭ اقىل-كەڭەستەرىن بەرۋدىڭ ورنىنا كوروناۆيرۋستى وتە قاۋىپتى ىندەت دەپ جار سالۋدا. شىن مانىندە كوروناۆيرۋس اسا قاۋىپتى ينفەكتسيا بولىپ سانالمايدى، بۇل كادىمگى جرۆي-ءدىڭ اۋىر ءتۇرى. جرۆي مەن تۇماۋ ەپيدەمياسى ءار ەكى-ءۇش جىلدا قايتالانىپ تۇرادى، ال، پاندەميا 20-30 جىلدا قايتالانادى. ورتا ەسەپپەن العاندا رەسەيدە جىل سايىن پنەۆمونيادان 30 مىڭ ادام قايتىس بولادى. الەم بويىنشا بۇل دەرتپەن جىل سايىن 445 ملن ادام اۋىرادى. تۋبەركۋلەزدەن جىل سايىن 1 ملن 300 مىڭ ادام كوز جۇمادى. ال، اقپارات قۇرالدارى بۇل ىندەتتى تىپتەن قورقىنىشتى ەتىپ كورسەتۋدە. وسىنىڭ سالدارىنان ينفەكتسيانى جۇقتىرعاندار دارىگەرگە وزدەرى بارىپ كورىنۋگە جۇرەكسىنەدى. جۇقتىرعاندارى ولىمنەن باسقا جول جوق سياقتى كورەدى. وسىلايشا، پسيحيكاسى بۇزىلعان جانداردىڭ يممۋنيتەتى تومەندەپ، كەرىسىنشە اۋرۋعا بەيىم بولادى» دەگەن دارىگەرلەر جالعان اقپاراتتار تاراتىپ، ادامدار جۇيكەسىنە كەرى اسەر ەتۋدى توقتاتۋدى سۇرادى. تەلەارنا ەفيرلەرىندە كوروناۆيرۋس تۋرالى كورسەتىلەتىن دۇنيەلەر 20 پايىزدان اسپاۋى ءتيىس دەيدى ولار.

سوڭعى جاڭالىقتار

ۇقساس جاڭالىقتار