تابيعات-انانىڭ توسىن مىنەزىنىڭ كورشى جاتقان ەلدىڭ شات-شالەكەيىن شىعارىپ, بىرنەشە ايماقتى تاسقىن سۋدىڭ استىندا قالدىرعانى ءمالىم. ءوز ەلىمىزدە دە جاز بويى اشەيىندە جاڭبىر سيرەك جاۋاتىن وڭىرلەردىڭ وزىندە كۇن قۇرعاتپاي ءنوسەرلەتتى. تەك تامىزدىڭ ورتا شەنىنەن اسقاندا عانا كوكتەن كۇن ك ۇلىپ, زەڭگىر اسپان بۇلتتان تازارىپ, قول-اياق جازىلىپ قالىپ ەدى...
تابيعات-انانىڭ توسىن مىنەزىنىڭ كورشى جاتقان ەلدىڭ شات-شالەكەيىن شىعارىپ, بىرنەشە ايماقتى تاسقىن سۋدىڭ استىندا قالدىرعانى ءمالىم. ءوز ەلىمىزدە دە جاز بويى اشەيىندە جاڭبىر سيرەك جاۋاتىن وڭىرلەردىڭ وزىندە كۇن قۇرعاتپاي ءنوسەرلەتتى. تەك تامىزدىڭ ورتا شەنىنەن اسقاندا عانا كوكتەن كۇن ك ۇلىپ, زەڭگىر اسپان بۇلتتان تازارىپ, قول-اياق جازىلىپ قالىپ ەدى...
كەشە تاڭەرتەڭگىلىك قالتافوندار «ىز-ىز» ەتىپ, قاتتى جەل تۇراتىندىعى جايلى حابارلامالار كەلىپ تۇسكەن. اسپان قاباعىن ءتۇيىپ, اعاشتار جەلمەن شايقالىپ, كۇن رايى كۇرت بۇزىلدى.
ىلە «قازگيدرومەت» ورتالىعىنا حابارلاسىپ ەدىك, ونداعىلار ەلىمىزدىڭ سولتۇستىك ايماقتارىندا تەرىسكەيدەن وتكەن تسيكلون اسەرىنەن كۇننىڭ كۇرت سۋىتقانىن, بۇگىن, 30 تامىز كۇنى دە سولتۇستىك-باتىستان سوققان جەلدىڭ جىلدامدىعى سەكۋندىنا 7-12, كەي جەرلەردە 15-18 مەترگە جەتەتىنىن, مەرەكە كۇنى استانادا تۇندە جانە تاڭەرتەڭگىلىك تۇمان ءتۇسىپ, كۇندىز كۇندى كىرەۋكەلەگەن بۇلت باساتىنىن ايتتى. تامىزدىڭ 31-ىنەن كۇن رايى ازداپ جۇمسارىپ, سىناپ باعاناسى تۇندە 6-8, كۇندىز 13-15 گرادۋس جىلىلىقتى كورسەتەدى ەكەن.
قىركۇيەك ايى ديقان قاۋىمى ءۇشىن قولايلى بولاتىنداي. جاۋىنسىز, بەرەكەلى سارى كۇز كەلىپ, اۋانىڭ تەمپەراتۋراسى كۇندىز 20 گرادۋستىڭ ارعى-بەرگى جاعىنداعى جىلىلىقتا ورناپ, ياعني جيىن-تەرىنگە قولبايلاۋ جاسامايتىنداي. الايدا, كۇز كەلگەنىن ءبىلدىرىپ, ءتۇن بالاسى سالقىن بولادى, دەيدى سينوپتيكتەر.
انار تولەۋحانقىزى,
«ەگەمەن قازاقستان».
استانا.
