وزدەرىڭىز دە الدارىڭىزداعى كوگىلدىر ەكراننان كورىپ وتىرعان بولارسىزدار, قازىر عانا ۋكراينانىڭ استاناسى – كيەۆ قالاسىنداعى ورتالىق ستاديوندا جەرگىلىكتى «دينامو» مەن اقتوبەنىڭ «اقتوبە» كوماندالارى اراسىنداعى ەۋروپا ليگاسى ءتورتىنشى پلەي-وفف راۋندىنىڭ ەكىنشى ماتچى باستالدى.
ويىن باستالىسىمەن الاڭ يەلەرى العا ۇمتىلدى. ولار سالعاننان ءبىزدىڭ قاقپانى قورشاۋعا الدى. اندرەي سيدەلنيكوۆ ەكى رەت قاقپانى قۇتقارىپ قالدى. مىنە, 10-مينۋت. وسى كەزدە كيەۆتىكتەر ءبىىرنشى گولدى سالىپ ۇلگەردى. يارمولەنكو وڭ قاپتالدان قاقپانىڭ الىس بۇرىشىنا دوپ تاستادى. سول جەردە تۇرعان لەنس قاسىنداعى الدان بالتاەۆتان بۇرىن قيمىلداپ, دوپتى قاقپاعا سۇڭگىتتى. ەندى اقتوبەلىكتەرگە كەلەسى كەزەڭگە ءوتۋ ءۇشىن 3 دوپ سوعۋعا تۋرا كەلەدى.
ەندى «دينامو» مەن «اقتوبەنىڭ» ستارتىق قۇرامدارىمەن انىستىرىپ وتەيىك.
«دينامو»: كوۆال, دراگوۆيچ, ۆەلوزۋ, حاچەريدي, ترەمۋليناس, ۆۋكوەۆيچ, بەزۋس, گۋسەۆ, يارمولەنكو, لەنس, مبوكاني.
«اقتوبە»: سيدەلنيكوۆ, مۋلداروۆ, بادلو, پرايمۋس, ارزۋمانيان, بالتاەۆ, حايرۋللين, تاعىبەرگەن, كاپادزە, گەينريح, داۆىدوۆ.
كيەۆتىكتەر ويىن تىزگىنىن قولدارىن شىعارماۋدا. مىنە, يارمولەنكو تاعى ءبىر دوپ سوعۋدىڭ مۇمكىندىگىن جىبەرىپ الدى. وسى جىگىتتىڭ اقتوبەدەگى ءبىرىنشى گولدى سوعىپ كەتكەنىن جانكۇيەرلەر ۇمىتپاعان شىعار.
19-مينۋت. الەكساندر گەينريح الدىنداعى سەرگەي داۆىدوۆقا دوپ جەتكىزدى. تاماشا پاس. ايىپ الاڭىندا دوپتى قابىلداپ العان سەرگەي سوققى جاسادى. بىراق وتە ءالسىز شىقتى.
21-مينۋت. لەنس سول قاپتالدان العا ۇمتىلدى. ءبىر ءتاۋىرى, ونى ءبىزدىڭ جىگىتتەر ودان ارىعا جەتكىزبەدى. ارتىنشا ۆۋكوەۆيچ الاڭ ورتاسىندا ءتارتىپ بۇزىپ قويدى.
30-مينۋت. يارمولەنكونىڭ پاسىن بەزۋس جاقسى پايدالانىپ كەتتى. گول! ەسەپ – 2:0.
36-مينۋت.
ديناموشىلار ءۇشىنشى گولدى دا سوعىپ ۇلگەردى. ونى توعىزدىققا مبوكاني ءتۇسىردى. ەسەپ – 3:0.
وسىدان كەيىن اقتوبەلىكتەر شابۋىلعا شىقتى. الەكساندر گەينريح ايىپ الاڭىنا جەتكەن كەزىندە ونى ۆۋكوەۆيچ شالىپ قۇلاتتى. پەنالتي! ونى ساشانىڭ ءوزى ۇردى. ەسەپ – 3:1.
قازىر بەس مينۋتتان بەرى «دينامو» ءبىزدىڭ قاقپا ماڭىنان شىقپاي ءجۇر. ولار بىرەسە وڭ, بىرەسە سول قاپتالدان وراعىتىپ, قاقپاعا ۇرار ءساتتى اڭدىدى. بىراق ودان ەشتەڭە شىقپادى. سونىڭ سوڭىندا دوپ ءبىزدىڭ جىگىتتەرگە كوشتى. الايدا, ءبارىبىر ولار قارسى قاقپاعا دەيىن جەتە المادى.
ءبىرىنشى تايم اياقتالدى.
ەكىنشى تايمدى كيەۆتىكتەر ەكى ويىنشىنى الماستىرۋمەن باستادى. اتاپ ايتقاندا, دۋدۋ مەن يدەيە تيىسىنشە يارومولەنكو مەن مبوكانيدىڭ ورىندارىنا شىقتى. كەزدەسۋ بارىنشا سالقىنقاندى بولىپ وربىگەنمەن, الاڭ يەلەرى بىرتىندەپ تىزگىندى الا ءتۇستى. ولار 49-مينۋتتا شابۋىلعا شىقتى. الاڭنىڭ ورتاسىمەن ۆەلوزۋ العا ۇمتىلدى. بىراق پورتۋگاليالىق فۋتبولشى تىم ارىعا بارا المادى. سوسىن ەكى مينۋتتان كەيىن ترەمۋليناستى ارتتا قالدىرعان براۋن يدەيە قاقپا الاڭىنا كىرىپ, باسىمەن ۇردى. دوپ قاقپا جانىنان كەتتى. وسىدان كەيىن ءبىزدىڭ الەكسەي مۋلداروۆ ايىپ الاڭىنا كىرگەن يدەيەنىڭ الدىنا قۇلاپ, ونى دا الا كەتتى. پەنالتي! ونى افريكالىق جىگىتتىڭ ءوزى ۇردى گول! ەسەپ – 4:1.
ويىندا دوپ سوققاندار مىنالار:
73-مينۋت. قازىر عانا ەسەپ 5:1-گە جەتتى. بىزدەن الدىميەن تيمۋر كاپادزەنىڭ ورنىنا الاڭعا سەرگەي گريدين شىقتى. سول سەرگەي شىققان بويدا ويىنعا ارالاسپاق بولىپ, وڭ قاپتالدان بەرىلگەن پاسقا ۇمتىلدى. بىراق ونى قارسىلاسى وراپ كەتتى. سول بويى العا جۇگىرگەن كيەۆتىك ولەگ گۋسەۆ قاقپاعا جاقىنداي بەرە الىستان ۇردى. زۋىلداپ ۇشقان دوپ قاقپادان ءبىر-اق تابىلدى.
بۇدان كەيىن دە ەكى جاق قاقپاعا گول سوعىلتىنداي بىرنەشە مۇمكىندىك بولدى. الايدا, ولاردىڭ بىردە-ءبىرى گولعا اينالعان جوق. وسىمەن ماتچ ءبىتتى. «دينامو» كەلەسى توپتىق كەزەڭگە ءوتتى.
گولدار: لەنس, 9 (1:0), بەزۋس, 30 (2:0), مبوكاني, 35 (3:0), گەينريح, 38 - پەنالتي (3:1), يدەيە, 52 - پەنالتي (4:1). گۋسەۆ, 73 (5:1).
دەگەنمەن, «اقتوبەنىڭ» دە جولى وسىمەن بىتپەۋى مۇمكىن. ول ەرتەڭ ەرۋروپا ليگاسىندا وتكىزىلەتىن جەرەبەگە تۇرىكتىڭ «فەنەرباحچەسىنىڭ» ورنىنا قاتىسىپ قالۋى ابدەن ىقتيمال. وندا بۇل ليگادا قازاقستاننان ەكى كوماندا وينايتىن بولادى. وسىنىڭ الدىندا عانا بۇل تۋرنيرگە قاراعاندىنىڭ «شاحتەرى» اۋىستىرىلعان بولاتىن. ەندەشە, وسىنىڭ ءساتىن كۇتەيىك.
رۋسلان يگىلىك.
