قازاقستان • 30 ناۋرىز، 2020

دارىگەرلەر ءۇشىن تەگىن تەست جۇيەسىن ۇسىندى

44 رەتكورسەتىلدى

قازاقستاندا ەكى مەدبيكە كوروناۆيرۋس ىندەتىن جۇقتىرىپ الدى. ياعني، اق جەلەڭدى جانداردىڭ قاۋىپسىزدىگى دە ماڭىزدى ماسەلەنىڭ بىرىنە اينالۋدا. وسىعان بايلانىستى ەلىمىزدەگى «ۇلتتىق تاۋەلسىز ەمتيحان ورتالىعى» قازاقستانداعى بارلىق مەديتسينالىق ۇيىمداردىڭ جوعارى ءبىلىمى بار دارىگەرلەرىنە كورونوۆيرۋس اۋرۋىنىڭ العاشقى بەلگىلەرى مەن الدىن الۋدى انىقتايتىن تەگىن تەست جۇيەسىن ۇسىنىپ وتىر.

«ۇلتتىق تاۋەلسىز ەمتيحان ورتالىعى» توراعاسى گۇلميرا جانگەرەەۆانىڭ ايتۋىنشا تاۋەلسىز ەمتيحان ورتالىعى ارنايى تەست دايىنداپ، ونلاين رەجيمدە مامانداردىڭ وزدەرىن قانشالىقتى دايىن ەكەنىن تەكسەرۋگە مۇمكىندىك بەرمەك. سەبەبى، اتى جامان اۋرۋ جۇقتىرعان ناۋقاسپەن ءبىرىنشى بەتپە بەت كەلەتىن دارىگەرلەردىڭ وزدەرى ساق بولۋى قاجەت.

تەستىلەۋ مامانداردىڭ ستاندارتتاردى، كلينيكالىق حاتتامالاردى جانە ددۇ-نىڭ ادىستەمەلىك ۇسىنىمدارىن بىلۋگە دايىندىق دەڭگەيىن ارتتىرۋ ماقساتىندا جۇرگىزىلەدى. بۇل ءار مەديتسينالىق ۇيىم دارىگەرلەرىنىڭ دايىندىعى ءۇشىن ماڭىزدى. ءوزىن ءوزى باعالاۋ ۇلتتىق تەستىلەۋ ورتالىعى پلاتفورماسىندا online رەجيمىندە وتكىزىلەدى. www.qazexam.kz. باعالاۋ ءۇشىن تەستىنىڭ تەحنيكالىق سيپاتتاماسى ععو-نىڭ رەسمي سايتىندا "COVID-19 باعالاۋ" بولىمىندە جاريالاندى. Online تەستىلەۋدەن ءوتۋ ءۇشىن ۇتو جۇيەسىندە تىركەلۋ قاجەت. تەستىلەۋگە كىرۋ لوگين (ۇمىتكەردىڭ جسن) جانە پارول بويىنشا جۇرگىزىلەدى.

ايتا كەتۋ كەرەك، «ۇلتتىق تاۋەلسىز ەمتيحان ورتالىعى» دەنساۋلىق ساقتاۋ سالاسىنداعى مامانداردىڭ كاسىبي دايارلىعىنا تاۋەلسىز باعالاۋ جۇرگىزۋ، بىلىكتىلىگىنىڭ سايكەستىگىن راستاۋ جانە مەديتسينالىق ءبىلىم بەرۋ باعدارلامالارى بويىنشا وقىعان ءبىلىم مەن داعدىلاردى باعالاۋ قۇقىعىنا اككرەديتتەلگەن جەتەكشى ۇيىم. ول حالىقارالىق مەديتسينالىق رەتتەۋشى ورگاندار قاۋىمداستىعىنىڭ سەرىكتەسى (International Association of Medical Regulatory Authorities)، اقش – تاعى مەيىربيكە ءىسى جونىندەگى مەملەكەتتىك كوميتەتتەر ۇلتتىق كەڭەسىنىڭ مۇشەسى (National Council of State Boards of Nursing-NCSBN)، تەستىلەۋ جونىندەگى حالىقارالىق كوميسسياعا (International Test Commission) مۇشە بولىپ تابىلادى.

سوڭعى جاڭالىقتار

ۇقساس جاڭالىقتار