جامبىل وبلىسى اكىمدىگىنىڭ حابارلاۋىنشا, ترانزيتتىك اۆتوكولىكتەر, سونداي-اق ونەركاسىپتىك, اۋىل شارۋاشىلىعى كاسىپورىندارىنىڭ ۇزدىكسىز جۇمىس ىستەۋىن جانە تىنىس-تىرشىلىگىن قامتاماسىز ەتۋ ءۇشىن ازىق-ت ۇلىك تاۋارلارى, دارىلىك زاتتار جانە مەديتسينالىق بۇيىمدار, وندىرىستىك تاۋارلار مەن ماتەريالدار تاسيتىن اۆتوكولىكتەردى قوسپاعاندا, اۆتوكولىك قۇرالدارىنىڭ بارلىق تۇرلەرىنە جامبىل وبلىسى مەن تاراز قالاسىنىڭ اۋماعىنا كىرۋىنە جانە شىعۋىنا تىيىم سالىنادى. سونىمەن قاتار, ءىرى ساۋدا ورتالىقتارىنىڭ, ساياباقتاردىڭ, مونشا كەشەندەرىنىڭ, ساناتوريالىق-كۋرورتتىق نىسانداردىڭ, ينتەرنەت-كلۋبتاردىڭ, كولىك جۋ ورىندارىنىڭ, سۇلۋلىق سالوندارىنىڭ, شاشتارازداردىڭ, ازىق-ت ۇلىك ەمەس اۆتوموبيل, كيىم-كەشەك, قۇرىلىس بازارلارىنىڭ قىزمەتى توقتاتىلا تۇرادى. بۇل رەتتە تاۋارلاردى جەتكىزۋ ارقىلى وتكىزۋ مۇمكىندىگى ساقتالاتىنىن ايتا كەتكەن ءجون. سول سياقتى, بولشەك ساۋدا بازارلارى سانيتارلىق-دەزينفەكتسيالىق رەجيمدى مىندەتتى تۇردە ساقتاي وتىرىپ, ساعات 10.00-دەن 17.00-گە دەيىن جۇمىس ىستەيتىن بولادى. ال, كوتەرمە ازىق-ت ۇلىك قويمالارى مەن بازارلارى, سۋپەرماركەتتەر, ازىق-ت ۇلىك ساۋدا ورىندارى, ءۇي جانىنداعى دۇكەندەر مەن ءدارىحانالار قالىپتى رەجيمدە ءوز جۇمىسىن جالعاستىرادى. تاماقتانۋ ورىندارىنىڭ جۇمىسى توقتاتىلىپ, اسا قاجەت جاعدايدا بولماسا ۇيدەن شىعۋ شەكتەلەدى. جانە اكىمدىك وتباسى مۇشەلەرىن قوسپاعاندا, 3 ادامنان كوپ ادامداردىڭ قوزعالىسىنا شەكتەۋ قاجەتتىگىن, كامەلەتكە تولماعانداردىڭ ەرەسەك ادامسىز جۇرۋىنە تىيىم سالىناتىنىن جانە 65 جاستان اسقان ازاماتتارعا ءوزىن-ءوزى وقشاۋلاۋ رەجيمىن ساقتاۋ قاجەتتىگىن ەسكەرتەدى. الايدا, وبلىس تۇرعىندارىنىڭ تىنىس-تىرشىلىگىن قامتاماسىز ەتەتىن پوليتسەيلەردىڭ, مەديتسينالىق, اۆاريالىق-قۇتقارۋ جانە باسقا دا كوممۋنالدىق جانە شۇعىل قىزمەتتەردىڭ قىزمەتى شەكتەلمەيدى.
سونىمەن قاتار, قورداي اۋدانىنىڭ اۋماعىندا كوروناۆيرۋستىق ينفەكتسيانىڭ بۇعان دەيىن انىقتالعان جاعدايلارىنا بايلانىستى قوسىمشا شەكتەۋ شارالارى ەنگىزىلەدى. اۋداننىڭ ەلدى مەكەندەرى اراسىندا حالىقتىڭ, ونىڭ ىشىندە قوعامدىق كولىكتىڭ قوزعالۋىن بارىنشا شەكتەۋ, جۇمىس ورنىنان انىقتاما نەمەسە قىزمەتتىك كۋالىگى بولعان كەزدە عانا تۇرعىلىقتى جەرىنەن جۇمىس ورنىنا دەيىن جانە كەرى قاراي ءجۇرىپ-تۇرۋ, شۇعىل جاعداي بويىنشا مەديتسينالىق مەكەمەگە جۇگىنۋ قاراستىرىلعان. سونىمەن قاتار, اۋدان تۇرعىندارىنا تۋىسقاندارىنا, تانىستارىنا, كورشىلەرىنە, ارىپتەستەرىنە جانە تاعى دا باسقا ادامدارعا بارۋعا جول بەرىلمەيدى. سونداي-اق, مۇندا دا شەكارالىق باقىلاۋ-وتكىزۋ پۋنكتتەرىندە ترانزيتتىك جۇك اۆتوكولىكتەرىن, سونداي-اق, جامبىل وبلىسىنىڭ ونەركاسىپ, اۋىل شارۋاشىلىعى كاسىپورىندارىنىڭ ۇزدىكسىز جۇمىس ىستەۋىن جانە تىنىس-تىرشىلىگىن قامتاماسىز ەتۋ ءۇشىن ازىق-ت ۇلىك تاۋارلارى, دارىلىك زاتتار جانە مەديتسينالىق بۇيىمدار, وندىرىستىك تاۋارلار جانە ماتەريالدارى بار اۆتوكولىكتى قوسپاعاندا, اۆتوكولىكتىڭ بارلىق تۇرلەرىنىڭ ساعات 19.00-دەن 10.00-گە دەيىن كىرۋىنە تىيىم سالىنادى. كوروناۆيرۋستىق ينفەكتسيانىڭ بولۋىنا قاتىستى زەرتحانالىق تەكسەرۋ ناتيجەلەرىن العانعا دەيىن قازاقستان رەسپۋبليكاسىنىڭ اۋماعىنا كەلەتىن ازاماتتاردى ءبىر كۇندىك ستاتسيونارلىق كارانتينگە مىندەتتى تۇردە ورنالاستىرۋ ەنگىزىلىپ, اۋداندا قوعامدىق كولىك پەن تاكسي قوزعالىسى شەكتەلەدى.
جامبىل وبلىسى
