توپتىڭ قۇرامىندا ارناۋلى تەحنيكالارمەن جاراقتاندىرىلعان تج دەپارتامەنتىنىڭ ء«ورت ءسوندىرۋ جانە اپاتتان قۇتقارۋ جۇمىستارى» قىزمەتىنىڭ قۇتقارۋشىلارى مەن ءورت سوندىرۋشىلەرى بار. ارنايى تەحنيكالار سۋعا باتپايتىنداي ەتىپ جاراقتاندىرىلعان, سونىمەن بىرگە وزدەرىمەن بىرگە موتورلى قايىقتار الىپ جۇرەدى. ولار تاسىعان سۋ قويماسىن كەشىپ, جۇرە الادى. سەڭ ۇستىندە قالىپ قويعان ادامدار مەن مالدارعا وسىلاي جەتىپ, قۇتقارۋ كوزدەلگەن. سونىمەن بىرگە شاعىن وزەندەردە سەڭدى جاراتىن سايماندارى دا بار. توپتىڭ تاعى ءبىر مىندەتى قاۋىپكە مونيتورينگ جاساۋعا باعىتتالعان. ولار جەرگىلىكتى بيلىك پەن تۇرعىنداردى وسى ارقىلى حاباردار ەتىپ وتىرادى. «قازىر ارنايى توپتار ءۋاليحانوۆ, مۇسىرەپوۆ جانە ايىرتاۋ اۋداندارىنا اتتاندىرىلدى. ولار ءوز مىندەتتەرىن جاقسى بىلەتىن ماماندار. سوندىقتان مەن ولاردىڭ سۋ تاسقىنىنا قارسى قىزمەتى جوعارى دەڭگەيدە بولىپ, ادامدار مەن م ۇلىكتەردى قۇتقارۋدا جاقسى ناتيجە كورسەتەتىنىنە سەنىمدىمىن», دەيدى تج دەپارتامەنتىنىڭ باستىعى, پولكوۆنيك راميل كامالوۆ.
ال ونىڭ ورىنباسارى, مايور يگور جۋكوۆ توپتاردىڭ قانشا تەحنيكا بىرلىكتەرىمەن قامتاماسىزشش ەتىلگەنىن ناقتى ايتىپ, مامانداردىڭ سانى 30 ادام ەكەنىن ەسكەرتتى.
سولتۇستىك قازاقستان وبلىسى
