وتكەن جىلدىڭ تامىز ايىندا قازاقستاندا وندىرىلگەن «Ravon» ماركالى اۆتوموبيلدەردىڭ 500 داناسى العاش رەت رەسەيگە جانە قىرعىزستانعا جەتكىزىلدى. جالپى قوستانايداعى زاۋىتتا 20, 6 ملرد تەڭگەگە Ravon «Nexia R3» ۇلگىسىندەگى كولىكتىڭ 5366 داناسى شىعارىلدى.
«GeneralMotors» LLC ماقۇلداۋىمەن جۇمىس ىستەپ تۇرعان «Ravon» ديلەرلىك جەلىسىن «Chevrolet» جەلىسىمەن ينتەگراتسيالاۋ جۇمىستارى جۇرگىزىلىپ جاتىر. بۇل شارا ەكسپورت نارىعىنداعى اۆتوموبيلدەردىڭ باسەكەگە قابىلەتتىلىگىن ارتتىرۋى ءتيىس.
بۇگىن «سارىاركااۆتوپروم» جشس زاۋىتىندا Chevrolet اۆتوكولىگىنىڭ ءوندىرىسى ىسكە قوسىلدى. ولار: وتباسىعا ارنالعان سەدان - Chevrolet «Cobalt» (بۇعان دەيىن Ravon R4 اتالدى), كوممەرتسيالىق ماقساتتا پايدالانىلاتىن Chevrolet «Damas» جانە Chevrolet «Labo», SUV-B ساناتىنداعى قالاعا ارنالعان كروسسوۆەر - Chevrolet «Tracker», جول تالعامايتىن كولىك - Chevrolet «Trailblazer», پرەميۋم ساناتتاعى Chevrolet «Malibu», Chevrolet «Traverse» جانە Chevrolet «Tahoe». بارلىعى 8 جاڭا ۇلگى.
سونىمەن قاتار 2019 جىلى استانا, پاۆلودار, اتىراۋ, اقتاۋ, شىمكەنت قالالارىنا ءبىر قۋاتتاۋمەن 230 شاقىرىمعا دەيىن جۇرەتىن ەلەكتر اۆتوبۋستار جەتكىزىلدى. جانە قازاقستان رەسپۋبليكاسىندا اۆتوبۋس پاركىن اۋىستىرۋ باعدارلاماسى اياسىندا ەلەكتروموبيلدەرگە ارنالعان قۋاتتاۋ ينفراقۇرىلىمىن جاساقتاۋ باستالدى. نۇر-سۇلتان قالاسىنا 22 دانا, پاۆلودارعا 10 ەلەكتر اۆتوبۋس جەتكىزىلدى.
