شىنىن ايتۋ كەرەك, وسىناۋ قۋانىشتى جاڭالىق جۇرتتىڭ ءۇمىتىن وياتىپ, سەنىمىن بەكىتە ءتۇستى. بۇل ماسەلەدە اسىرەسە اق جەلەڭدى جانداردىڭ ەڭبەگى ەرەن ەكەنى بەلگىلى. قازىردىڭ وزىندە 18 ادام بۇل دەرتتەن ايىعىپ, اۋرۋحانادان شىقتى.
«دارىگەرلەرگە العىسىمدى بىلدىرەمىن. كۇندىز-ءتۇنى تىنىم تاپپاستان ەڭبەك ەتۋدە. ال بۇكىل قازاقستاندىقتاردى كارانتيننىڭ تالاپتارىن قاتاڭ ساقتاۋعا شاقىرامىن. كوروناۆيرۋسپەن ويناۋعا بولمايدى. جاڭالىقتاردا ايتىلىپ جاتقان رەسمي اقپاراتتاردىڭ بارلىعى راس. ينفەكتسيا قارىم-قاتىناس جاساۋ ارقىلى جۇعادى. بارلىق ادامنىڭ وتباسى, جاقىن ارالاساتىن كىسىلەرى بار. العاشقى كەزدە اۋرۋدىڭ بەلگىلەرى بىلىنبەۋى دە مۇمكىن. سوندىقتان ءاردايىم ساق بولعان ءجون» دەيدى اۋرۋحانادان جازىلىپ شىققان بويجەتكەن.
«مەن شەتەلدەن ۇشىپ كەلگەندىكتەن بىردەن كارانتينگە جاتقىزدى. قۇدايعا شۇكىر, قان تالداماسى تەرىس ناتيجە كورسەتتى. كارانتين كەزىندە دارىگەرلەر ۇنەمى قاسىمدا بولىپ, قىزۋىمدى ولشەپ, پسيحولوگيالىق تۇردە قولداۋ كورسەتىپ, بارلىق كومەكتەرىن ايامادى. اۋرۋحانادا ناۋقاستارعا جاقسى جاعداي جاسالعان. كۇنىنە بەس مارتە تاماق بەرەدى. قازاقستاندا وسىنداي كاسىبي دارىگەرلەردىڭ بار ەكەنى مەنى قاتتى قۋانتتى» دەيدى تاعى ءبىر جاس جىگىت اعىنان جارىلىپ.
شىنىندا كوروناۆيرۋستى انىقتاۋ, ناۋقاستاردى ەمدەۋ جانە ۆيرۋستىڭ ودان ءارى تارالماۋى ءۇشىن ايانباي ەڭبەك ەتىپ جاتقان اق جەلەڭدى جاندارعا قانداي العىس ايتسا دا جاراسادى.
