ەندى گاگارين كۋبوگىنىڭ جەڭىمپازىن حوككەيشىلەر ەمەس, جانكۇيەرلەر انىقتايدى. ياعني, جارىستىڭ 1\4 كەزەڭىندە ويناۋى ءتيىس بولعان كوماندالار قحل-ءدىڭ الەۋمەتتىك جەلىدەگى (ۆك, Twitter, ودنوكلاسسنيك, Instagram) رەسمي پاراقشالارىنداعى ساۋالداما ارقىلى باسەكەگە تۇسەدى. بۇل جەردە دە ءتورت مارتە جەڭىسكە جەتكەن كوماندا كەلەسى كەزەڭگە جولداما الادى.
العاشقى ونلاين باسەكەدە جەرلەستەرىمىز ءنوۆوسىبىردىڭ «سيبير» كومانداسىنان جەڭىلدى. قحل ۇيىمداستىرۋشىلارىنىڭ ايتۋىنشا, «بارىس» جانكۇيەرلەرى داۋىس كەزىندە ەرەجە بۇزعانى ءۇشىن ءبىزدىڭ كوماندادان 50 پايىز داۋىستى شەگەرگەن. قورىتىندى ناتيجە – 61 845:43 520 ء«سيبيردىڭ» پايداسىنا.
