اۋە كەمەلەرى وندىرىسىنە اسەر ەتىپ وتىرعان كەلەسى ءبىر جاعداي - مۇناي باعاسىنىڭ تومەندەۋى. اۋە كومپانيالارىنىڭ جولاۋشىلاردى تاسىمالداۋ سالاسىنداعى جاھاندىق كىرىستەرى كوروناۆيرۋستىق پاندەمياعا بايلانىستى 2020 جىلى 44% تومەندەۋى مۇمكىن, دەلىنگەن حالىقارالىق اۋە كولىگى قاۋىمداستىعى (IATA) مالىمەتتەرىندە. IATA تالداۋى بويىنشا ازيا-تىنىق مۇحيتى ايماعىنداعى اۆياكومپانيالار وتكەن جىلمەن سالىستىرعاندا كوپ شىعىنعا ۇشىراۋى مۇمكىن, ياعني, كەم دەگەندە تابىسى 88 ميلرد دوللارعا ازايادى. ەكىنشى ورىندا ەۋروپالىق اۆياكومپانيالار – - 76 ملرد دوللار, ال سولتۇستىك امەريكا دا – - 50 ملرد دوللار.
IATA باسشىلىعى حالىقارالىق رەيستەر توقتاتىلعاننان كەيىن كومپانيالار ايتارلىقتاي داعدارىسقا ۇشىرايتىندىعىن ايتىپ, ءاربىر ەل ازاماتتىق اۆياتسياعا كومەك قولىن سوزۋى قاجەت دەپ سانايدى. بۇگىندە IATA الەمدەگى اۋە ساپارلارىنىڭ 82% قۇراپ وتىرعان 290 اۆياكومپانيا مالىمەتتەرىن تالداۋ مۇمكىندىگىنە يە.
