تەحنولوگيا • 28 ناۋرىز، 2020

ەپيدەميا جەڭىپمازى – بۇلتتىق ەسەپتەۋلەر

23 رەتكورسەتىلدى

بۇلتتىق ەسەپتەۋلەر كوروناۆيرۋس پاندەمياسى شارتتارىندا جۇمىس ىستەۋگە تىرىسىپ جاتقان ۇكىمەت پەن كومپانيالاردى بايلانىستىراتىن ۇلكەن ماڭىزعا يەلەنىپ وتىر.

بۇلتتىق ەسەپتەۋلەر قىزمەتىن كورسەتۋشىلەر كوروناۆيرۋس پاندەمياسى كەزىندە كورپوراتيۆتىك سەكتورداعى تاسى ورگە دومالاعانداردىڭ ءبىرى بولىپ وتىر. ويتكەنى اقش-تا كەڭسەلەر مەن دۇكەندەردىڭ جابىلۋى ينتەرنەتتەگى بەلسەندىلىكتىڭ ارتۋىنا الىپ كەلدى.   

Amazon.com Inc.، Microsoft Corp.، Google جانە باسقا كومپانيالار ۇسىناتىن اقپاراتتارمەن قاشىقتان جۇمىس قىزمەتتەرى جۇمىسىمەن، وتباسىمەن بايلانىستا بولعىسى كەلگەندەر ءۇشىن ماڭىزدى بايلانىس قۇرالىنا اينالدى.

ادەتتە «بۇلت» دەپ اتالاتىن تەحنولوگيا سالاسىنداعى الىپ كومپانيالاردىڭ قۇرىلعى جانە باعدارلامالىق ينفراقۇرىلىمى سول كومپانيالاردىڭ اتقاراتىن جۇمىستارىنىڭ نەگىزىندە جاتىر. ۆيرۋس ەپيدەمياسى كەزىندە ەرەكشە تانىمالدىلىققا يە بولعان كومپانيالاردى اتاپ ايتار بولساق،  Slack Technologies Inc. بىرلەسىپ جۇمىس جاساۋعا ارنالعان باعدارلامامەن قامتۋ قىزمەتىن كورسەتەدى، ال Netflix Inc. كومپانياسىنىڭ WORK ۆيدەو قىزمەتى بار، سونىمەن بىرگە ونلاين ويىندار جاساۋشى Epic Games Inc. كومپانياسىن دا كورسەتىپ وتكەن ءجون.

تۇتىنشۋىلاردىڭ كوبەيگەنى سونشا Microsoft ءوزىنىڭ Azure بۇلتتىق قىزمەتىنىڭ اۋستراليادا ادەتتەگى شاماسىنان تىس جۇمىس ىستەپ جاتقانىن حابارلادى.

«Azure پايدالانۋىشلاردىڭ كۇرت وسۋىنە بايلانىستى كەبىر ايماقتاردا ىستەن شىعىپ جاتىر»، دەدى كومپانيا وكىلى. وعان قوسا تۇتىنۋشىنىڭ ەسكەرتۋىنەن كەيىن Microsoft كەيبىر بۇلت رەسۋرستارىنا شەكتەۋ قوياتىنىن مالىمدەدى.

«ەگەر بۇلت جۇيەسىن قىزمەت رەتىندە قاراستىرساق، جارىق، سۋ نە كارىز جۇيەسى  سياقتى كوممۋنالدى  قىزمەت تۇرلەرىنىڭ كۇندەلىكتى مولشەردەن 50 پايىزعا كوپ قولدانعانىنا توتەپ بەرە الاتىنىن ەلەستەتۋ قيىن»، دەدى Cloudflare Inc. بۇلتتىق پروۆايدەرىنىڭ اتقارۋشى ديرەكتورى مەتيۋ پرينس.

بۇلتتىق جۇيەگە كوشۋ ون جىلدان بەرى جالعاسىپ كەلەدى. ويتكەنى كومپانيالار ءوزىنىڭ جەكە IT ينفراقۇرىلىمىنا كوپ ينۆەستيتسيا قۇيۋدان باس تارتىپ، ونىڭ ورنىنا اقپاراتتاردى وڭدەۋ ءۇشىن Amazon نەمەسە Microsoft سياقتى كومپانيالارعا اقپاراتتى ساقتاپ، وڭدەگەنى ءۇشىن اقشا تولەپ، باعدارالاما نە قۇرىلعىنى جالعا الادى. مۇنداي تەندەنتسيالار بۇلتتىق ەسەپتەۋلەردى بيزنەس-پروۆايدەرلەر اراسىنداعى تالاستى تاقىرىپقا اينالدىردى.

«Amazon مەن Azure جانە ينفراقۇرىلىمدى پايدالانۋدىڭ ەكى اپتادا قالاي وسكەنىن قارايتىن بولساڭىز، جۇمىسىن جالعاستىرۋ ءۇشىن قانشاما رەسۋرستارىن كۇشەيتۋ كەرەك بولعانى تاڭ قالدىرارى انىق»، دەدى دەيۆ ماكدجاننەت ءداستۇرلى جانە بۇلتتىق سەرۆيستەردى قۇرىلعىمەن قامتاماسىز ەتەتىن HashiCorp Inc. كومپانياسىنا.  

ال Amazon وكىلى بۇل سەرۆيستىڭ قولدانىلۋ كورسەتكىشتەرى تۋرالى تالقىلاۋدان باس تارتتى. الايدا «دايىندىق شارالارىن قولعا الدىق جانە پاندەميا شارتتارىندا تۇتىنۋشىلارىمىزدىڭ قاجەتتىلىكتەرىن قاناعاتتاندىرا الاتىنىمىزعا سەنىمدىمىز» دەدى.

«الەمدىك قۇلدىراۋدىڭ اسەرىن بۇلتتىق تەحنولوگيالار سالاسىندا قىزمەت كورسەتەتىندەر دە سەزەتىنى كۇتىلۋدە. ولاردىڭ كوبى اۋە كومپانيالارى مەن قوناقۇيلەرگە قىزمەت كورسەتەدى. ولار دا ءوز كەزەگىندە ۆيرۋستىڭ ورشۋىنەن جاپا شەكتى. قازىر شىعىندارىن ازايتىپ جاتىر، ال بۇل جاقىن ارادا بۇلت سەرۆيستەرىنە بولەتىن  شىعىنداردى ازايتۋى مۇمكىن دەگەندى بىلدىرەدى»، دەدى Duckbill Group كومپانياسىنىڭ بۇلتتىق ەسەپتەۋلەر بويىنشا ەكونوميسى كوري كۋينن.

نە دەگەنمەن بۇلت پلاتفورمالارىنا نەگىزدەلگەن باعدارلامالىق قۇرىلعىلار ساتاتىن كەيبىر ستارتاپتار ءوز ونىمدەرىنە قىزىعۋشىلىقتىڭ ارتقانىن ايتادى. Qumulo Inc. كومپانياسى ءار ءتۇرلى بۇلت پروۆايدەرلەرىندە اقپارات ساقتايتىن تۇتىنۋشىلارعا ولاردى وڭدەۋگە، باسقارۋعا كومەكتەسەتىن باعدارلاما ساتادى. «جاقىندا كومپانيا سۇرانىسى كۇرت ءوستى. ويتكەنى جۇمىسشىلار ۇيدەن جۇمىس ىستەۋگە كوشتى»، دەدى كومپانيانىڭ باس ديرەكتورى بيلل ريحتەر.

اارون تيللي

Wall Street Journal

اۋدارعان سۆەتلانا عالىمجانقىزى،

«Egemen Qazaqstan»

 

سوڭعى جاڭالىقتار

Apple Store دۇكەنى نە ءۇشىن قورشالۋدا؟

تەحنولوگيا • بۇگىن، 18:41

قازالىدا 42 جوبا جۇزەگە اسادى

ايماقتار • بۇگىن، 17:47

300 باسپاعا سۋبسيديا بەرىلەدى

ايماقتار • بۇگىن، 17:37

«بايقوڭىر» عارىش كەشەنىنە - 65 جىل

ايماقتار • بۇگىن، 17:30

اپتاپ ىستىقتا قالاي قورعانامىز؟

ايماقتار • بۇگىن، 14:57

ۇقساس جاڭالىقتار