ايماقتار • 28 ناۋرىز، 2020

باتىس قازاقستاندا قوزعالىس شەكتەلەدى

561 رەتكورسەتىلدى

باتىس قازاقستان وبلىسىنىڭ باس مەملەكەتتىك سانيتاريالىق دارىگەرى م.ارىسپاەۆتىڭ قاۋلىسىمەن وبلىس اۋماعىندا كوروناۆيرۋس ىندەتىنىڭ كەلۋى مەن تارالۋىنىڭ الدىن الۋ شارالارى كۇشەيتىلدى.

رافحات حالەلوۆ

بۇگىن ورال قالاسىندا باتىس قازاقستان وبلىسىنىڭ باس مەملەكەتتىك سانيتارلىق دارىگەرى مۇحامعالي ارىسپاەۆ شۇعىل بريفينگ وتكىزىپ، وڭىردە ىندەتتىڭ الدىن الۋ ءۇشىن شەكتەۋ شارالارى كۇشەيتىلەتىنىن حابارلادى.

اتاپ ايتقاندا، توتەنشە جاعداي كەزىندە قىزمەتىنە رۇقسات ەتىلگەن ساۋدا نىساندارىنىڭ جۇمىس ۋاقىتى 09.00-دەن 21.00-گە دەيىن شەكتەلىپ، كەلۋشىلەردىڭ اراسى 1 مەتردەن جاقىنداماۋ، كەزەكتە 5 ادامنان ارتىق تۇرماۋ، تاماق ونىمدەرى قاپتالعان-قوراپتالعان كۇيىندە بولۋى تاپسىرىلدى. قوعامدىق تاماقتانۋ نىساندارى ساعات 10.00-دەن 18.00 اراسىندا عانا كەلۋشىلەردى قابىلداپ، ونىڭ سانىن 50 ادامنان اسىرماۋى، ۇستەلدەردىڭ اراسى 2 مەتردەن كەم بولماۋى ءتيىس. ال ساعات 18.00-دەن 22.00-گە دەيىن تاماقتى ۇيگە جەتكىزۋگە نەمەسە الىپ كەتۋگە رۇقسات ەتىلەدى. بارلىق جەردە سانيتارلىق-دەزينفەكتسيالىق رەجيم كۇشەيتىلەدى.

ورال

وبلىستىڭ باس سانيتارلىق دارىگەرى باتىس قازاقستان وبلىسىنىڭ پوليتسيا دەپارتامەنتى، قالا جانە اۋدانداردىڭ اكىمدەرىنە ناۋرىزدىڭ 30-ىنان باستاپ جولاۋشى تاسىمالى قىزمەتىن شەكتەۋدى تاپسىردى. ياعني ەمدەلۋگە بارا جاتقان سىرقاتتاردان باسقا ادامعا جەكە كولىگىمەن، تىركەلمەگەن تاكسيمەن وبلىستار مەن اۋداندار اراسىندا دا جولاۋشى تاسىمالداۋعا تىيىم سالىندى. شەكارادان ديپلوماتيالىق قىزمەت پەرسونالىنان بولەك، ترانزيتتىك جانە وبلىسقا قاجەتتى ازىق-ت ۇلىك تاۋارلارى بار جۇك كولىكتەرى عانا دەزينفەكتسيالىق رەجيمدى قاتاڭ ساقتاپ وتە الادى. رەسەي فەدەراتسياسىنا ەمدەلۋگە جىبەرىلگەن تۇلعالاردان باسقا ازاماتتار باتىس قازاقستان وبلىسى اۋماعىنان شىعارىلمايدى. سونداي-اق باتىس قازاقستان وبلىسى اۋماعىنا باسقا ءوڭىر تۇرعىندارىنا كىرۋگە تىيىم سالىنادى. وبلىس تۇرعىندارى ەندى ەمدەلۋگە ارنايى رۇقساتى بولماسا، اتىراۋ جانە اقتوبە وبلىستارى باعىتى بويىنشا جەكە كولىگىمەن جۇرە المايدى.

شىڭعىرلاۋ مەن اقجايىق اۋداندارىنداعى سانيتارلىق بلوك بەكەتتەرىندە جانە رەسەي فەدەراتسياسىمەن شەكاراداعى اۆتووتپەلەردە سانيتارلىق-كارانتيندىك باقىلاۋ كۇشەيتىلەدى.

قاۋلى تالاپتارىن، سونداي-اق توتەنشە جاعداي رەجيمىن بۇزعان تۇلعالار تارتىپتىك، اكىمشىلىك جانە قىلمىستىق جاۋاپكەرشىلىككە تارتىلادى. 

باتىس قازاقستان

سوڭعى جاڭالىقتار

الماتىدا تاعى 37 ادام Covid-199 جۇقتىرعان

كوروناۆيرۋس • بۇگىن، 10:20

الاشتىڭ ارداقتىسى ۇلىقتالدى

رۋحانيات • بۇگىن، 10:02

تاپا-تالتۇستەگى توتەنشە جاعداي

ايماقتار • بۇگىن، 08:55

ەرتىستىڭ سۋى ەگىستىككە پايدالى

ايماقتار • بۇگىن، 08:40

ۇقساس جاڭالىقتار