تەگىن تاراتىلعان ماسكالار بالالار ۇيلەرىنە, اۋرۋحانالارعا جانە حالىقتىڭ الەۋمەتتىك وسال توپتارىنا بەرىلەدى.
BIRGEMIZ ۇرانى اياسىندا 150-دەن استام ۇيىمدى بىرىكتىرەتىن فرونت-ءوفيستىڭ حابارلاۋىنشا, بۇگىندە «ۇلتتىق ۆولونتەرلiك جەلىنىڭ», «مەيىرىمدىلەر كلۋبىنىڭ» جانە «استانا جاستارىنىڭ» ۆولونتەرلەرى «نۇرلى جۇرەك», «شاراپات» الەۋمەتتىك قىزمەت كورسەتۋ ورتالىقتارىندا جانە ەلوردالىق بالالار ۇيىندە بولعان.
«بۇگىننىڭ وزىندە 14,5 مىڭ ماسكا تاراتتىق. قالعان ماسكالار نۇر-سۇلتان جانە الماتى قالالارىنداعى مۇقتاج ازاماتتارعا جاقىندا تاراتىلادى. ۇلت دەنساۋلىعى ءۇشىن بۇرىن-سوڭدى بولماعان بۇگىنگىدەي اۋقىمدى جۇمىستار جاسالىپ جاتقان تۇستا ورتاق ىسكە ءار ادام ءوز ۇلەسىن قوسا الادى. ءتىپتى, قاراپايىم سانيتارلىق ەرەجەلەردى ساقتاۋ, ءوزىن-ءوزى وقشاۋلاۋ جانە ماسكا كيۋ وسى ىندەتكە قارسى كۇرەستە اسا ماڭىزدى ءرول اتقارادى», - دەلىنگەن رەسپۋبليكالىق فرونت-ءوفيستىڭ حابارلاماسىندا.
