الەم • 28 ناۋرىز، 2020

بۇۇ-نىڭ 86 قىزمەتكەرى كوروناۆيرۋس جۇقتىرعان

30 رەتكورسەتىلدى

بۇكىل الەمدە كوروناۆيرۋس جۇقتىرعان بۇۇ قىزمەتكەرلەرىنىڭ سانى ارتىپ كەلەدى. بۇگىنگە دەيىن بۇۇ-نىڭ 86 قىزمەتكەرى جۇقتىردى. بۇل تۋرالى «حابار 24» تەلەارناسىنىڭ اقش-تاعى ءتىلشىسى مايرا ابدراحمانوۆا حابارلادى.

«كوروناۆيرۋسپەن بايلانىستى داعدارىس كەزىندە بۇۇ شتاب-پاتەردە جانە الەمنىڭ تۇكپىر-تۇكپىرىندە جۇمىسىن جالعاستىرۋدا»،  دەپ مالىمدەدى الەمدىك ۇيىمنىڭ باسشىلىعى بۇۇ-عا مۇشە مەملەكەتتەرگە ارنالعان بريفينگتە.

باس حاتشى انتونيۋ گۋتەرريش بۇۇ-نىڭ قيىن جانە قاۋىپتى ايماقتاردا جۇمىس ىستەيتىن باتىل جانە ەڭبەكقور ۇجىمىنا العىس ايتتى.

بارلىق ەلدەر مەن حالىقارالىق ۇيىمدار سياقتى، كوروناۆيرۋستىڭ تارالۋىنا بايلانىستى بۇۇ ءوز قىزمەتكەرلەرىن قورعاۋ ءۇشىن بىرقاتار باتىل قادامدار جاسادى.

مىسالى، اپتانىڭ سوڭعى جۇمىس كۇنىندە، 27 ناۋرىزدا نيۋ-يوركتەگى بۇۇ حاتشىلىعىنىڭ عيماراتىنا بار بولعانى 140 ادام باردى، ال ناۋرىزدىڭ باسىندا، ياعني شەكتەۋلەر قويىلماي تۇرىپ بۇل سان 11 مىڭعا جەتتى.

بۇۇ-نىڭ جەنەۆاداعى بولىمشەسىندە 4 مىڭ ادامنىڭ كۇندەلىكتى اعىمىنىڭ ورنىنا تەك 70 ادام تىركەلگەن، ال ۆەنا فيليالىندا قىزمەتكەرلەردىڭ 97 پايىزى قاشىقتاعى جۇمىسقا اۋىستىرىلعان.

بۇل تۋرالى بۇۇ وكىلى ستەفان دۋجارريك ونلاين رەجيمدە وتكىزگەن كۇندەلىكتى بريفينگىندە مالىمدەدى. ء «بىز ءبارىمىز جاڭا تەحنولوگيالاردى قولدانا وتىرىپ، جۇمىستىڭ جاڭا تاسىلدەرىن ۇيرەنەمىز. ءبىز قازىرگى جاعدايدا بۇۇ قىزمەتى تۋرالى اقپارات بەرۋ تاسىلدەرىن جەتىلدىرگىمىز كەلەدى» دەيدى ول قازاقستاندىق جۋرناليستپەن كەزدەسكەن كەزدە.

سوڭعى جاڭالىقتار

ۇقساس جاڭالىقتار