بۇگىندە الەمدى الاڭداتقان كوروناۆيرۋس ىندەتىنەن وبلىس تۇرعىندارىن ساقتاندىرۋ جانە قورعاۋ شارالارى جۇرگىزىلۋدە. سونىڭ ىشىندە وڭىردەگى ءدىن سالاسى دا ەرەكشە نازارعا الىنىپ, ساقتىق شارالارى كۇشەيتىلدى.
ناۋرىز ايىنىڭ 16-نان باستاپ ءساۋىر ايىنىڭ 15-نە دەيىن قازاقستان رەسپۋبليكاسىنىڭ بارلىق اۋماعىندا جاريالانعان توتەنشە جاعدايعا بايلانىستى, ءدىن ىستەرى باسقارماسى وڭىردەگى بارلىق ءدىني بىرلەستىكتەرگە توتەنشە جاعداي ۋاقىتىندا عيبادات ۇيلەردە قۇلشىلىق ەتۋ راسىمدەرىن ۋاقىتشا توقتاتۋ تۋرالى حابارلامالار تاراتتى.
- وبلىستا قازاقستان مۇسىلماندارى ءدىني باسقارماسىنا قاراستى 33 مەشىت جانە 11 ءدىني بىرلەستىك بارلىعى 44 بىرلەستىك قىزمەت اتقارادى. اتالعان ءدىني بىرلەستىكتەردىڭ ىشىندە 36 سىندا عيبادات ۇيلەرى بار, قالعان ءدىني بىرلەستىكتەر جەكە مەكەن-جايلارىندا ورنالاسقان.توتەنشە جاعداي جاريالانعاننان باستاپ ءدىني بىرلەستىكتەر تۇسىنىستىكپەن قاراپ, ۇجىمدىق قۇدايعا قۇلشىلىق ەتۋ, ءدىني جورالعىلار, جينالىستار مەن راسىمدەرىن وتكىزۋدى توقتاتتى. مەشىتتەر مەن عيبادات ەتۋ ۇيلەرى اشىق, بىراق ادامدار جينالمايدى – دەدى قازاقستان مۇسىلماندارى ءدىني باسقارماسىنىڭ ماڭعىستاۋ وبلىسىنىڭ باس يمامى ەلجانوۆ ءانۋار ءىزىمباي ۇلى.
قوسىمشا ءدىني بىرلەستىكتەردىڭ بارلىعىنا توتەنشە جاعدايدىڭ تالاپتارىن بۇزۋ اكىمشىلىك قۇقىق بۇزۋشىلىققا اكەلىپ سوعاتىنى تۇسىندىرىلگەن. وسى ورايدا ءدىن ىستەرى باسقارماسى اپتانىڭ ءار جۇما, جەكسەنبى كۇندەرى مونيتورينگ جاساپ, قاداعالاپ وتىرادى.
بارلىق ءدىني بىرلەستىكتەردىڭ عيماراتتارىندا قوسىمشا سانيتارلىق-ەپيدەميالىق شارالارى كۇنىنە 2 كەزەك جانە عيماراتتى ەسىك-تەرەزەلەرىن اشىپ جەلدەتۋ شارالارى قولعا الىنعان.
